قلوب حائره

الحلقه الثانيه والعشرين

الحلقه الثانية عشرون
رحاب بسعاده \ انا مبسوطه اوى
ايهاب بمزاح\ ايه يابنتى هما كانو حابسينك فى البيت
رحاب \ يمكن لان اول مره احس ان فى حد مهتم اني اكون مبسوطه
ايهاب بابتسامه \ بقولك ايه متكلمينى عني نفسك
رحاب ضاحكه \ ده على اساس ان انت متعرفنيش
ايهاب \ لا بس حاسس ان فى حاجه انتى مخبياها عليا
رحاب بتنهيده \ كل الموضوع انى حاسه بالوحده وخايفه اوي
ايها بتسائل \ خايفه من ايه
رحاب بحزن \ خايفه انى افضل لوحدي وابقى زي عمتو او اتجوز وابقى زي ماما.. من الواضح انى اتعقدت
ايهاب \بس عمتو مش لوحدها احنا معاها دايما
ارحاب \ انت عارف يعني ايه واحده تختار انها تربي ولاد اخوها عن انها تتجوز الانسان الى بتحبه
ايهاب بنظرات قلق \ انتى بتقولى ايه
رحاب باستغراب\ هو انت متعرفش ان عمتو كانت مخطوبه لواحد وكانو هيتجوزو
ايهاب \ انا محدش قالى على حاجه زي كده انتى مين قالك
رحاب \ انا سمعت بابا وماما فى يوم وهما بيتكلمو وبيقولو ان عمتو رفضه الجواز لانها لسه بتحب الى كان خطيبها
ايهاب \ وهى لو بتحبه ليه متجوزتهوش
رحاب بتنهيده \ لانه كان عايز يتجوزها ويسافر وهى اختارت انها تكون معاكم لانكم كنتم لسه صغيرين
ايهاب دمعت عيناه وقال بحزن \ ضحت بسعادتها علشان تربينا وتكبرنا والمقابل انى اجرحها وازعلها ...انا ازى عملت كده
رحاب بقلق \ انا اسفه والله انا مكنش قصدي كنت فاكراك عارف
ايهاب مسح دموعه \ انا عمري مهسامح نفسي .....قومي يلا انا لازم اشوفها
......
كانت هيام جالسه على الفراش تنظر لتلك الصور بشرود قالت بحزن \ ياتري هيجي يوم واشوفك تانى ولا لا ...اكيد بقى ليك حياتك واكيد اتجوزت وخلفت وانا لسه عايشه بفتكرك فى كل لحظه وكل دقيقه انا كان نفسي اكمل حياتي معاك بس هما كانو محتجين ام تراعيهم وانت مصدقت وبعدت مفكرتش ترجع تشوفنى يااااه نستني خلاص .......ابتسمت بسخريه ... بتفكري فى ايه ياهيام لسه بتحبيه انتى كبرتى خلاص على الكلام ده الى زيك بقي عندهم احفاد ...بكت بحسره على نفسها .........دق الباب فمسحت دموعها بسرعه وقال \ مين
عزه \ انا عزه
اخفت الصور وذهبت لتفتح الباب \ عايزه ايه
عزه بقلق \ البنتين مش موجدين
هيام بخوف \ يعني ايه مش موجدين
عزه \ انا قلبت عليهم البيت بس ملهمش اثر
هيام خرجت بسرعه من غرفتها وذهبت لوالدها فى مكتبه
هيام دلفت بسرعه الى المكتب وقالت بخوف \ نور وولاء مش موجدين يابابا
عبد اللطيف بصدمه \ انتى بتقولى ايه ازاى مش موجدين
هيام \ عزة دورت عليهم فى كل مكان بس ملقتهمش
عبد اللطيف \ هيكونو راحو فين
رامز بتفكير \ معتقدش انهم يكونو مشيو ومحدش خد باله
عبد اللطيف خرج بسرعه من المكتب وخلفه هيام ورامز وقال بصوت عالى \ انتى يالى اسمك مورجانا
مورجانا اتت مسرعه ليقول عبد اللطيف بصوت غاضب \ البنتين فين
مورجان ابتلعت ريقها \ بنتين مين انا معرفش حاجه
عبد اللطيف بعصبيه \ فين نور وولاء وبلاش لف ودوران
مورجانا \ الصراحه يابيه انا شوفتهم وهما طالعين فوق وسالتهم قالولى ان ست هيام عايزاهم
هيام \ بس انا مطلبتهمش
مورجانا بخبث \ الصراحه كان باين عليهم انهم بيخططو لحاجه
عبد اللطيف اقترب منها وقال بغضب \ انا اكثر كلمه بكرهها هى كلمة الصراحه لان الى بيتقال بعدها بيبقى كذب
مورجانا بتوتر \ انا بقول الحق...يقه وكمان فى حاجه غريبه حصلت انا لقيت المفتاح ده
هيام التقطت المفتاح \ ده مفتاحي بتاعة اوضة حسن الى فيها ....
عبد اللطيف بقلق \ الصور .....
عبد اللطيف وهيام ركضو مسرعا الى الاعلى وخلفهم رامز
هيام بصراخ \ ولاء نور انتو فين
ولاء استمعت الى صوتهم فتركت يد شقيقتها وصرخت \ الحقونا احنا هنا
فجاءه استمعو لصوت الصراخ ففتحو بسرعه الباب
ولاء عندما استمعت لصوت الباب نهضت بسرعه
هيام عندما لمحت ولاء وهى تبكى احتضنتها\ انتى كويسه
ولاء قالت بصوت باكي \ الحقو نور .....
القو نظره ليرو نور ممدده على الارض لتشهق هيام بفزع \ نور ...ركضت اليها ورفعت راسها \ نور فوقى ياحبيبتى
رامز عندما لمحها ركض اليها \ نور فوقى علشان خاطري ....
رامز لمح الدماء على وجهها فحملها بسرعه وقال لعبد اللطيف بخوف \ لازم تتصل بالدكتور بسرعه
خرج رامز من الغرفه وهو يحمل نور على يديه كان خوفه عليها باين فى عنيه
هيام اشارت له على غرفه فدلف اليها ووضعها على اقرب سرير
ولاء جلست بجوارها وامسكت يدها وقالت ببكاء \ نور فتحي عنيكى علشان خاطري
عبد اللطيف دلف \ انا طلبت دكتور وهو جاي فى الطريق
هيام \ ايه الى حصل ياولاء وازاى دختو الاوضه ديه
ولاء ببكاء \ مو...رجانا ..قالت انك عايزانا
عبد اللطيف بغضب \ مورجانا حسابك معايا عسير
هيام احتضنت ولاء لتنهار ولاء باكيه\ لو حصلها حاجه انا ممكن اموت انا مليش فى الدنيا ديه غيرها ....
عبد اللطيف دمعت عيناه ولكن اخفى وجه بسرعه (نعم انه رجل لا يابه لشي قوي قاسي فى بعض الاحيان ولكن انه انسان فى النهايه )
وهيام تربت على ظهرها بحنان \ بس خلاص اهدي هي هتبقى كويسه
.......... بعد قليل .
حازم خرج من غرفته ليلمح جده يقف هو ورامز امام الغرفه فاقترب منهم \ مالكم فى ايه واقفين كده ليه
عبد اللطيف \ نوراغمي عليها وجبنالها دكتور
حازم \ ليه ايه الى حصل
عبد اللطيف \ مورجانا ...كاد يكمل ولكن لمح مورجانا
مورجانا اقتربت منهم وقالت \هو ايه الى حصل
عبد اللطيف \ ابدا لقينا البنتين فى اوضه حسن ومقفول عليهم
مورجانا بخبث \دول اكيد كانو عايزين يسرقو انا قولتلك يابيه البنتن دول مشكوك فيهم وانت مصدقتنيش
عبد اللطيف بسخريه \ هو فى حد يروح يسرق ويحبس نفسه فى الاوضه
مورجانا \هو انا مش قولتلك انى لقيت المفتاح ولما لقيته كان فى الباب فقفلت الباب وخدت المفتاح ومكنتش اعرف ان فى حد فى الاوضه
حازم بسخريه \ ايه اللفه الطويله ديه يامورجانا الصراحه مش مقنعه خالص
عبد اللطيف \ الكذب ملهوش رجلين يامورجانا
مورجانا بخوف \ انا مش كذابه
عبد اللطيف \ لا العفو ده انتى شيخة منصر
مورجانه بخوف \ ياسعادة البيه انا قولت الى شوفته
عبد اللطيف بامر \ روحي استنينى فى المكتب ومتتحركيش منه مفهوم
مورجانه بقلق \ انا معملتش ....
قطعها عبد اللطيف بحده \ مورجانا كلامي يتسمع
خرج الطبيب فاقترب اليه بلهفه استغربها حازم \ خير يادكتور ايه الى حصل
الطبيب \ متقلقش هتبقى كويس
رامز \ بس ايه سبب الاغماء
الطبيب\ مجرد حاله نفسيه توتر والضغط العصبى والتفكير زياده
عبد اللطيف بخوف\ حالة نفسيه ازاى يعني
الطبيب ضاحكا \ متخافش عبد اللطيف بيه هي كويسه
....
عبد اللطيف عاد الى مكتبه مره اخره واقترب من مورجانا وقال بعصبيه \ عملتى كده ليه
مورجانه بخوف \ والله انا معملتش حاجه
عبد اللطيف بعصبيه \ بلاش تحلفى بالله كذب
مورجانه بتوتر \.......انا ...مكنتش اقصد..........
عبد اللطيف بتافف \ مورجانا لاخر مره هسالك عملتى كده ليه
مورجانه \ صدقنى البنتين دول داخلين على طمع انت مشوفتش هيام هانم بقت تعمل علشانهم ايه خوفت يئذوها
عبد اللطيف \ مورجانا انا حذرتك قبل كده وقولتلك ابعدي عنهم صح ولا غلط
مورجانا نظرة فى الارض بحزن \ انا اسفه ....
عبد اللطيف \ انا عايز اعرف ازاى وصلتى للمفتاح
مورجانا بتوتر \ مع...رفش
عبد اللطيف خبط على المكتب بعصبيه \ كذابه انتى سرقتيه من اوضة هيام يعني كمان حرميه
مورجانا بخوف \ لا والله العظيم انا مسرقتهوش
عبد اللطيف\ لو انتى مسرقتهوش يبقي مين الى سرقه
مورجانا \ ......
عبد اللطيف بصوت جهوري \ انطقى قولى مين الى سرق المفتاح
مورجانا بخوف \ ليلي
عبد اللطيف بعدم تصديق \ انتى بتقولى ايه
مورجانه ببكاء \ والله العظيم هي الى قالتلى اعمل كل ده
عبد اللطيف \ مستحيل ليلى تعمل كده
مورجانه \ كنت فاكره زيك بس هى بتكرههم اوى
عبد اللطيف \ ليه تعمل كده
مورجانه \ انا معرفش
عبد اللطيف بغضب \ هو انتى اي حد يقولك حاجه تنفذيها
مورجانه \ الغيره هي الى خلتني اعمل كده مكنتش عايزه حد يبقى احسن مني
عبد اللطيف بحده \ مورجانا انا مش عايز اشوف وشك هنا تانى اطلعي بره انتى ملكيش شغل عندنا
مورجانا بدموع \ ابوس ايدك متطردنيش انا عارفه انى غلط بس انا مستعده اصلح غلطتى
عبد اللطيف \ وانا اثق فيكى ازاى بعد الى عملتيه
مورجانا مسحت دموعها \ انا مستعده اعمل الى انت عايزه بس بلاش تطردني
عبد اللطيف \ بعد الى عملتيه فى احفادي
مورجانا بعدم تصديق \ احفادك
عبد اللطيف \ ايوه يامورجانه نور وولاء يبقو ولاد حسن ابنى
مورجانا وهى تلطم على وجهها \ يامصيبتى يامصيبتى انا ايه الى عملته ده
عبد اللطيف \ شوفتى بقى انى مستحيل اسامحك
مورجانا ببكاء نزلت على ركبتيها \ انا مستعده اروح ابوس رجليهم علشان يسامحونى بس مطردنيش
ابتسم \ يبقي بشرط
مورجانا مسحت دموعها \ انا مستعده اعمل ايه حاجه تطلبها مني
جلس على الكرس ووضع قدم فوق الاخري وقال \ ليلى
مورجانا بعدم فهم \ مالها ....
عبد اللطيف \ تراقبيها كويس جدا وتعرفي هي بتخطط لايه
مورجانا نهضت من على الارض وقالت \ انا موافقه
عبد اللطيف \ مش بس كده لا ده انتى كمان هتقوليلها الى هقولهولك بالحرف
..............................................................