قلوب حائره

الحلقه الخامس والثلاثون

..................... الخامسه والثلاثون
فتحت عيناها تظرت حولها لمحت اجهزه استغربت وفجاءه شعرت بيد ممسكه بيدها فرفعت نظرها لتراه امامها ظلت تنظر له لمده
ابتسم بين دموعه \ مش فاكرانى يانور قلبي...........
نور اغمضت عيناها وفتحتها مره اخري بعدم تصديق \ انت.....
امسك يديها وقال \ انا جنبك يانور
نور \ انت بجد قدامي .....ولا انا بحلم
ابتسم \ لا انتى مش بتحلمي
نور بعدم تصديق\ انت رجعت امتى
حسن \ لسه راجع النهارده
نور \ بقالي كتير اوي مشوفتكش
حسن \ اوعدك اني عمري مهبعد عنكم تانى
دلفت الممرضه \ كفايه كده مينفعش تتكلم كتير
حسن نهض واقترب منها وقبل راسها \ نفسي جدا اسمعها منك .......
ابتعد وكاد يخرج من العنايه
نور ابتسمت بين دموعها وقالت \ وحشتني اوي يابابا
التفت لها والسعاده ممزوجه بالدموع\ وانتى وحشتينى اوي ياقلب بابا
.............................
فى المستشفى ولاء تنظر له بغضب \ انت ايه الى قولته ده ..ويعدين ازاى تسمح لنفسك تمسك ايدي
حازم \ في ايه ياولاء كلامي معجبكيش ليه
ولاء بضيق \ انا عارفه انك بتعمل كده علشان تخليها تغير بس ياريت مش بالاسلوب ده
حازم \ انا قولت الحقيقه هي مش فارقه معايا
ولاء \ وياتري جدو هو الى طلب منك ده ولا يكونش بابا
حازم بصوت عالى \ انتى ليه مش عايزه تصدقينى
ولاء \ لان اسلوبك معايا من يومين كان زي الزفت هنتنى وجرحتنى قدامهم كلهم ودلوقتى بتحبنى تتعقل ازاى ديه
حازم \ انا عارف انى ضايقتك وجرحتك بس الحقيقه انا كنت بغير عليكى
ولاء \ انت مش فاكر انت قولتلى ايه انا عمري مهنس كلامك وتجريحك فيا
حازم \ انا اسف كنت غبي مكنتش فاهم انى بحبك كنت مستغرب ليه لما بشوفك بتلغبط
ولاء \ ...............
حازم اقترب منها بابتسامه \ اسف بقا ميبقاش قلبك اسود
ولاء لتغيظه \ اصلا ذياد طلب ايدي من جدو وانا وفقت
حازم بعصبيه\ ولاء بلاش الاسلوب ده ذياد مين ده الى يتجوزك ده يبقى اخر يوم فى عمره
ولاء نظرت بذهول \ ده بجد انت عايز تقتله
حازم \ لو اي حد فكر يخدك منى ده هيكون عقابه ......
........
كان واقفا بتوتر امام المنزل ورن الجرس بعدها استمع لصوت قادم شعر بقلق وقرر ان يرحل بسرعه
ادار وجه وكاد يرحل ولكن هنا فتح الباب فتوقف على صوتها \ انت رايح فين استني
التفت لها فقالت \ يعنى تيجي لحد هنا وتمشي تعالى ادخل ياحبيبي
دلف الى المنزل ظل يتطلع بالاثاث وقال \ زوقك حلو
ابتسمت بسعاده \ مش مصدقه انك جاي لحد عندي
فقال \ انا بس كنت عايز اتكلم معاكي
جلست على الاريكه وقالت \ انت هتفضل واقف
جلس على الكرسي ونظر لها \ اكيد بتسائلى انا جاي هنا ليه
قالت بحنان \ ده بيتك ياحبيبى تيجي فى اي وقت
تنهد وقال \ انا عايز افهم انتى عملتى كده ليه ليه سبتينا واحنا كنا محتاجينك
قالت بقلق \ طيب اشرب حاجه الاول
هز راسه بنفى وقال \ عايز اعرف الحقيقه وايه السبب
قالت بتنهيده\ كنت انانيه مفكرتش فى حد غير نفسي وبعترف بس صدقنى الدنيا داست عليا كتير لما اتجوزت توفيق كان كل همي ان اسعده بس لقيت انى بدفن نفسي ...حياتى كلها واقفه عليه حسيت اني محتاجه يكون ليا كيانى الخاص
رامز \ كنتى ممكن تعملى كل ده فى وسطينا ليه سبتينا
سميره \ صدقني يابنى حاولت طلبت من ابوك اني اشتغل رفض كنت وحيده وهو بيسافر بالايام وبسببه دخلت في دور اكتئاب كنت كارهه كل حاجه لحد لما رجع قولتله انى مش هستحمل بس هو مفكرش يشوف ايه الى ناقصنى
رامز بضيق \واحنا كنا فين ولا مكناش فارقين معاكي
سميره \ انا عملت المستحيل علشان اكون ام كويسه بس لقيت انى مش سعيده طلبت منه الطلاق وانفصلنا جيتو بعد كده عشتو معايا انا بداءت اشتغل وطموحي كبر وكان عندي سفريه هتغير كل حياتي
رامز \ السفر اهم من بنتك الى حراتها عاليه وتعبانه طيب كنتى عرفتي بابا
سميره بدموع\ صدقني كلمته بدل المره الف روحتله البيت عرفت انه سافر
رامز بعصبيه \ كنتى اجلتى السفر
سميره \ مكنش ينفع ده شغل والتاجيل هيخسرني كل حاجه
رامز \ يعنى كنتى عارفه ان مفيش حد نقعد عنده فرمتينا لوحدينا فى البيت
سميره \ كنت متفقه مع واحده تيجي تقعد معاكم بس مش عارفه مجاتش ليه
رامز \ مش عارف اقولك ايه بجد
سميره بحزن \ رامز صدقني مكنتش اقصد اسيبكم لوحديكم انا مش وحشه
رامز \ بحاول ادور ليكى على اي عزر علشان اسامحك بس بجد مفيش
سميره \ لا في هو انى ابوك هو الى وصلنى لكده اهماله ليا سفره الكتير الوحده صعبه قولتله يشغلنى معاه رفض قولتله انى اسافر معاه برده رفض حتى رفض انكم تيجو معايا
رامز \ يمكن عندك حق بس مش بالطريقه ديه
سميره \ انا غلط انا عارفه بس دفعت ثمنها سنين غياب عنكم ده ميكفيش
رامز اعاد راسه للخلف بتفكير \ انا مش عارف اقولك ايه
سميره \ رامز انا امك اكيد هتسامحنى انا مليش غيرك انت واختك نفسي ابقي وسطكم اقضي بقيت حياتى معاكم
رامز نهض وقال \ انا لازم امشي
سميره نهضت بسرعه واقتربت منه \ هتسامحنى
رامز نظر لها ليري علامات الخوف على وجهها ظل يتطلع بها وكانه يراها للمره الاولى شعر بانه اشتاق لها قلبه حن لها ولكن عقله يرفض
سميره بين دموعها مسكت يده وقالت بتوسل \ ارجوك يارامز سامحنى انا مستعده اعمل اي حاجه بس مابعدش عنكم انا مش عايزه اموت لواحدي
رامز استمع لسيرة الموت تذكر كلام نور فقال بتنهيده \ انا سمحتك
سميره اقتربت منه واحتضنته وظلت تبكي
..........................
فى البيت فى غرفة هيام
هيام بضيق \ عايز ايه يا ايهاب
ايهاب ابتسم وذهب ليجلس بجانبها
ايهاب \عايز اعرف انتى ليه رفضاه
هيام باستغراب \رفضه مين
ايهاب \ دكتور خالد ايه نسياه
هيام بصدمه \ انت عرفت ازاى
ايهاب بحزن \ انا عارف انه خطيبك وسبتيه زمان علشان تربينا وان امي وصيتك علينا بس عايز اعرف ليه رفضتيه دلوقتى احنا كبرنا ومن حقك تعيشي
هيام \ انا كبرت يا ايهاب ومش عايزه غير انى اعيش باقى حياتى معاكم واشوف اولادكم
ايهاب \ كبرتى انتى بجد مقتنعه بلى بتقوليه
هيام \ ارجوك يا ايهاب بلاش نتكلم فى الموضوع ده
ايهاب بضيق \ ماما انتى بتهربي انا واثق انك بتحبيه بلاش تضحكى على نفسك انتى عشتى عمرك كله مستنياه رفضتى تتجوزي لان هو ده الى قلبك اختاره
هيام بعصبيه \ كفايه بقى انا قولت مش عايز اتكلم فى الموضوع ده
ايهاب \ على الفكره الانسان بيعيش مره واحده ولو معشتيش عمرك وانتى مبسوطه وبتعملى الى نفسك فيه هتندمي كتير
هيام \ ده قراري
ايهاب \ عارفه انا حاسس لاول مره انى السبب فى تدمير حياتك وعمري مهسامح نفسي
هيام \ بس مش انت السبب انا الى اختارت
ايهاب بدموع \ انا السبب فى موت امي وهى بتولدني وهى الى وصتك عليا وعلشان بقيت يتيم اب والام بقى غصب عنك تربيني انا واخواتى وخليتك تسيبى الانسان الى بتحبيه
هيام بحزن \ لا يا ايهاب ربنا هو الى عايز كده مكنش حد هيكون احن عليك منى ولا هيحبك زي مبحبك انت ابنى الى مخلفتوش
ايهاب مسح دموعه \ لو ابنك فعلا يبقى وافقي انك تعيشي حياتك
هيام \ انا بحبك بس مقدرش انا مش ندمانه انى اختارتكم بالعكس انا اسعد انسانه فى الدنيا عندي ثلاث اولاد بيحبوني قولى انت هعوز ايه تاني من الدنيا ...............
ايهاب /محتاجه شخص يفهمك ويسعدك تكوني زوجه ويبقي ليكي حياتك انتي من حقك تفرحي
.................
ولاء خرجت من المستشفى رن هاتفها
ولاء اجابت \انت فين بدور عليك
حازم \ انا مستنيكي فى العربيه
ولاء \ ايوه يعنى راكن فين
حازم \ بقولك ايه لحسن تتوهي انا هجيلك
ولاء بغيظ \ اتوه ليه ان شاء الله هو انا صغيره
حازم ضاحكا \ خلاص خلاص انا اسف
لاء ابتسمت \ ايوه كده جيب وري
حازم بحب\ والله مجنونه بس بحبك
ولاء \ طيب ياعم الحبيب انجز وتعالى انا مش هقف كتير عايزه اروح
اقترب منها ببطء وقيد حركتها لتصرخ بصوت عالى وقام بوضع منديل به المخدر على انفهها حاولت الابتعاد وظلت تصرخ صرخات مكتومه حتى فقدت وعيها ووقعت ارضا ليقترب منها وحملها بسرعه وذهب بها الى السياره وابتسم \ واخيرا وقعتى فى المصيده قولتلك مش هتعرفى تهربي منى ........
بعتزر جدا علي ان الحلقه قصيره بس بجد بحاول اطولها بس اوعدكم بكره الحلقه هتكون طويله .....قولولي رايكم
انا زعلانه ان الروايه هتخلص 😭😭