قلوب حائره

الحلقه التاسعه

اللهم صل وسلم وبارك علي سيدنا محمد
الحلقة التاسعه
بقلمي نور الهدي (نورا سمير )
ليلى بتسائل \ امال فين حسن بيه
عبد اللطيف \ سافر بليل علشان شغل
ولاء \ ياحلاوه ياولاد اهى اتنيلت زياده
نور \ اخرصي يخربيتك هتفضحيينا
عبد اللطيف التفت لولاء ونور ونظر لهم نظره ثاقبه \ انتو مين وبتعملو ايه هنا
عبد اللطيف نظر ليلى وقال\ مين دول
ليلى بتوتر / حضرتك دول... .......
عبد اللطيف بحده \ ايه مش عارفه دول مين فى ايه متنطقى
ليلى بتفكير \ دول .......دول ولاد اختى وكانو عايزين يشتغلو
ولاء \ نععم ........
نور ابتلعت ريقها وقالت بهمس \ انتى بتقولى ايه نشتغل فين .......
ليلى هامسه \ اسفه والله بس مفيش حل غير كده
عبد اللطيف / بس معندناش مكان فاضى هنا
نور تنفست الصعداء \ خلاص مفيش مشكله حضرتك (التفتت الى ولاء ) يلا بينا
عبد اللطيف بحده\ انتى رايحه فين انا قولت امشو
نور بقلق \ محبتش اضيع وقت حضرتك
ولاء خافت من اسلوبه قامسكت بشقيقتها بخوف
عبد اللطيف لمحها وهى تنظر له بخوف يشعر بانه راها من قبل بنفس نظراتها الخائفه فقال بحنان استغربته ليلى/ انتى خايفه منى
ولاء نظرت له ولم تتحدث فنظر لها وقال بهدوء \ اتكلمى متخافيش
هو حضرتك هتضربنا ولاء /
ابتسم عبد اللطيف وقال بهدوء \ بتعرفي تشتغلى ايه
نور بصدمه \ ها.....
عبد اللطيف عاد لجديته \ بتعرفو تشتغلو ايه
ليلى \ هما........اصل الموضوع ..........
عبد الطيف بغضب \ فى ايه ياليلى مالك النهارده مش على بعضك
نور بتنهيده \ بنعرف نضبخ وكنا شغالين فى مطعم قبل كده
تنهد وقال / ليلى ادخلى عرفيهم كل حاجه فى المطبخ ومورجانه خليها تبقى المشرفه عليهم
ليلى ابتلعت ريقها ونظرت لهم فابتسمت له نور بتصنع وقالت / انا متشكره جدا يافندم
نظرت له ولاء وقالت \ شكرا ياجد...."تذكرت فقالت مسرعه " شكرا ورحلت هى ونور وهو ظل ينظر لهم باستغراب فهو يشعر بشيء غريب اتجاههم تلك العينان يعلمها جيدا
اما هم كانو متوجهين الى الى المطبخ
ليلى \ سامحونى انا مكنتش اعرف انه مش موجود
نور \ يلا مش فارقه كتير اهو على الاقل نلاقى حته نقعد فيها
ولاء بتذمر \ عايزانا نشتغل خدامين طب ده حلال ولا حرام
ليلى \ طباخين مش خدامين وكمان ده مش علطول واول اما حسن بيه يرجع هنقوله
ولاء بحزن \وانا الى قولت هنرتاح شويه لقيت الدنيا طينت زياده
نور \ قاعده تقولى الدنيا هتضحكلنا ومتفائله اديكي لبستي فى الحيط
ولاء بغضب \ مكنتش اعرف ان مدام ليلى هتدبسنا فى الحوار ده
ليلى \ انا مكنش قصدي والله بس مكنش فى غير كده كنتي عايزاني اقوله انتو مين
نور بتنهيده \يلا نصيبنا كده نعمل ايه مكنش قدامنا حل غيره وهو مصدق وافق
ليلى \ متقلقوش ان شاء الله خير
ولاء/ وهنقعد فين وفى اوضه لوحدينا ولا لا
ليلى \ للاسف لا الغرفه مشتركه مع بقيت الخدمات
نور \ مفيش مشكله
ولاء بغضب \ انتي جيبه البرود ده منين نفسي اعرف
نور \ لو فكرتى فيها هتلاقى ان ده افضل حل.. عندك مكان تانى نروحه ولا تكونى حبه نرجع لخالك
ولاء بتافف \ خلاص خلاص مش لازم تفكرينى
ليلى \ تقدرو تيجو عندي ده بيتكم بردو
دلفت امرأة وقالت \ انتو مين وايه الى جابكم هنا
ليلى \ مورجانه دول طباخين جداد وهيبقو تحت اشرافك
مورجانه بامتغاص \ هى المشرحه نقصه قتله
ولاء/ متتكلمى عدل يابتاعه انتى
مورجانه بحده \ لمى نفسك يابت انتى مش عايزه اعملها معاكى انا هنا الريسه
ولاء بسخريه \لا بجد بداية موفقه
نور \ انتى بتتكلمى كده ازاى
مورجانه \ بتكلم ازاى يعنى بتكلم من بوقى
ليلى\ مورجانه بلاش الكلام ده دول تبعى فلمى الدور
مورجانه بهدوء \ طيب حاضر يلا قولولى بتعرفو تعملو ايه
ولاء بصدمه \ هى اتحولت بسرعه كده ليه
ليلى \ هى كده طول عمرها
توجهت هيام الى الاسفل رات والدها جالس ممسك بالصحيفه
هيام/بابا حبيبى هو مين الى كنت بتتكلم معاهم
عبد اللطيف/ ليلى جايبه بنتين عشان يشتغلو
هيام/بس احنا معندناش مكان هنشغلهم فين
عبد اللطيف/ شغلتهم فى المطبخ
هيام باستغراب \ فى المطبخ بس ...
قطعها عبد اللطيف \ فيها حاجه ديه
هيام \ لا طبعا انت حر .....طيب هروح اشوفهم
توجهت هيام الى المطبخ لتلمح نور تتحدث مع مورجانه فذهبت اليها
هيام/ صباح الخير ازيك ياليلى
التفتو جميعا لهيام وقالت ليلى \ صباح الفل يامدام هيام
لمحت هيام نور وولاء ظلت تتطلع بهم لمده ثم قالت \ انتو الطباخين الجداد
نور \ ايوه
ابتسمت هيام وقالت \ اساميكم ايه
ولاء ودي نور احنا اخوات توام / اسمي ولاء بابتسامه
نور بهمس \ انتى ناقص تقوللها احنا مين
ولاء بعدم فهم \ فيها ايه يعنى
نور بهمس \ كان المفروض محدش يعرف اسامينا ياذكيه
ولاء عضت على لسانها وقالت بحرج \ والله مخدتش بالى
هيام بشك/ طيب انا عايزه اسمكم بالكامل
نظرت ل ليلى لتخرجها من هذا الموقف نور
ليلى تحدثت بهدوء / مدام هيام دول ولاد اختى وطباخين هايلين
نظرت لهم هيام وابتسمت واقتربت منهم / طيب مستنين ندوق بقى
نور / ان شاء الله هيعجبك
هيام / انتو اول مره تشتغلو
...... اشتغلنا فى مطعم قبل كده فى اس... ولاء/
قطعتها نور بتوتر / اشتغلنا فى كذا مطعم هنا فى القاهرة
استغربت هيام تصرفاتهم وقالت /طيب خلاص هسيبكم تشتغلو
نور نظرت لولاء بغضب ولاء بابتسامه مصتنعه \ هو انا قولت حاجه
نور هزت راسها بخيبة امل \ مفيش امل بقولك ايه اطلعى ياحبيبتى قوليلهم احنا مين
ليلى \خلاص حصل خير
مورجانا \ يلا علشان نلحق نجهز الغدا مفيش وقت
.......
...........
بعد قليل
دلف ماذن الى المطبخ وقال \ مورجانه حاضريلي الاكل ....ولكنه انتبه لوجود فتاتان جميلتان فقال ممازحا \ ده اكيد مش مطبخنا هههه امال فين ام زحلول
ولاء ضاحكه \ ام زحلول مين
ماذن بتسائل \ انتو مين
ليلى دلفت وعندما رات ماذن قالت \ فى ايه خير يامازن يابنى
ماذن \ عجبك كده ياداده ليلى ادخل المطبخ واتصدم بالقمرتين دول
ليلى \ انت بتعمل ايه هنا
ماذن \ قوليلى الاول مين دول
ليلى \ طباخين جداد هنا
ماذن مد يده وقال بابتسامه/ انا ماذن
ليلى نظرت لنور وولاء وقالت \ ماذن ده يبقى ابن حسن بيه
نور ابتسمت بتصنع وابتعدت عنه
اما ولاء اقتربت منه ومدت يدها لتسلم عليه وقالت بفرحه باينه على عيونها \ كنت فين من زمان
ماذن بعدم فهم \ ايه
ليلى قالت مسرعه \ انت كنت داخل تعمل ايه هنا
ماذن يضع يده على معدته / ممكن تحضرولى اكل انا هموت من الجوع
ولاء \ من عنيا ثوانى والاكل هيبقى جاهز
ماذن \تمام انا هطلع اغير هدومى عقبال اما الاكل يجهز
كاد يخرج من المطبخ لكن لمح نور استغرب تجاهلها له ولا يعرف السبب
صعد ماذن الى غرفته وعندما دلف راى هند جالسه تشاهد التلفاز
ماذن \ انتى بتعملى ايه
هند \ بتسلى عندك مانع
ماذن \ انتى بتكلمينى كده ليه
هند نهضت بضيق \ لان ده اسلوبك معايا
ماذن \ اممم طيب
هند ببرود \ طيب ممكن تسيبنى اشوف الفيلم مش عايزه دوشه
ماذن \ انتى فى ايه اسلوبك متغير معايا ليه
هند نهضت بغضب \ بصراحه لانى مليت منك ومن اسلوبك ومن البيت ومن كل حاجه
ماذن \ انتى مالك ايه الى حصلك انتى اكيد اتجننتى
هند \ ماذن هو انا عايشه هنا ليه
ماذن \ علشان..........
هند بحزن \ سكت ليه متتكلم
ماذن \ علشان مراتى
هند \ انا مش مراتك ولا انت جوزى يبقى اعيش ليه هنا
ماذن بنفاذ صبر \ انتى عايزه ايه دلوقتى
هند \ عايزاك تطلقنى انا مش عايزاك وانت مش عايزنى خلاص سيبنى يمكن الاقى الى يقدرنى ويحس بيا ويحبنى واحبه
امسك يدها بعنف وقال بغضب \انتى اكيد اتجننتى
هند ابعدت يده وقالت بحزن \ ليه هو مش ده حقى انت مش عايزنى يبقى ليه افضل علشان اهين نفسى انت ترضاها لرحاب رد
ماذن بحزن \...........
هند بدموع \يبقى انا عندى حق انا استحملت كتير بس خلاص صبرى نفذ يبقى الطلاق هو الحل الوحيد
ابتعدت عنه وهى تمسح دموعها اما هو جلس على السرير بيفكر هو ممكن يستغنى عنها ويطلقها ولكن كان الجواب لا
ايه رايكم فى الحلقه
تفتكرو كده نور وولاء هيعيشو ازاى ...........................الحلقات الجايه فى مفجات
ولو لقيت تفاعل هنزل حلقه طويله (بس مش هنزل الا لولقيت تفاعل😁😁😁 )