قلوب حائره

الثامن والثلاثون

آسفه على التاخير ♥♥♥
.........
الحلقه الثامنه والثلاثون
اقترب منها ورفع يده ليصفعها ولكنه امسك يده \ معاش ولا كان الى يمد ايده على بنت من بناتى .........
سلمان بصدمه \ انت بتقول ايه
ولاء \ زي مسمعت خلاص بقا لينا الى يحمينا منك ومن ابنك
حسن بعصبيه \ انت فاكر نفسك ايه علشان تتعامل معاهم كده وتتكلم عن امهم بالشكل ده
سليمان \ وانت لسه فاكر دلوقتى ان ليك بنات ما انت رمتهم زمان وبلتنى بيهم وصرفت عليهم تعليم واكل وشرب
نور بعصبيه \انت كذاب انت مصرفتش علينا جنيه امى هى الي كانتت بتصرف علينا
ولاء \ احنا مخدناش منك غير اهانه
نور \ ولما احتجناك تساعدنا فى عملية ماما رفضت رغم كان معاك
سليمان \ لانها خلت الناس تاكل وشي هربت ولما رجعت رجعتلى بيكم جابتلى العار كان الموت احسنلها
حسن بحده \ عار ايه ياراجل يا متخلف هو انا كنت متجوزها فى السر انا متجوزها على سنة الله ورسوله
سليمان اقترب منه بغضب \ من غير اذنى من غير مالناس تعرف
حسن \ الناس عارفه واكبر اثبات ان بناتى مكتوبين باسمي وعلى فكره شاديه لحد اما ماتت وهى كانت على زمتى
سليمان \ وليه طردتها ورمتها هى وعيالك
حسن \ انا مرمتهاش هى كانت فاهمه غلط وكل السنين ديه بدور عليها
نور \ شوفت انت قد ايه ظلمتها وظلمتنا احنا كمان
حسن بحزن \ انا لو كنت موجود كنت انقذتها كنت هعمل المستحيل علشانه ارحمها منك
نور \ وابنك بيدفع ثمن ظلمك
سليمان التفت لها \ ياعنى اي عماد فين اتكلمى
نور \ابنك اتقبض عليه واتسجن
فتحيه بخوف \ ليه عمل ايه
حسن \ ابنك المحترم كان هيموت نور رماها من العربيه ولولا ستر ربنا كان ممكن يحصلها حاجه بس محرمش وكان هيخطف ولاء ابنك كان لازم يتربي لان غلط انا لوبناتى كان حصلهم حاجه صدقنى مكنتش هرحمه
فتحيه اقتربت منه بحسره \ انت السبب خليته يفتري زيك انا عمري مهاسمحك انا لو كنت مستحملاك فكان علشان ابنى بس ابنى ضاع بسببك
سليمان وجه نظره لولاء ونور\ يعنى ايه ابنى هيتسجن
ولاء \الظلم نهايته وحشه وللاسف ابنك بيدفع ثمن غلطاتك
سليمان اقترب منهم  \ انا عارف انكم كرهينى بس ارجوكم ده ابنى الوحيد الى طلعت بيه من الدنيا
نور \ كتير كان نفسنا تعاملنا كاننا ولادك
ولاء بدموع \ طول عمري وانا بخاف منك ومن ابنك وخلتونى اخاف من كل حاجه بس عارف لما بقيت وسط عيلتى رجعتلى ثقتى بنفسي شوفت الحب الحقيقي والامان
حازم نظر لولاء بحزن ثم وجه نظره على سليمان   \ انت بجد انسان مش طبيعى..... انت ازاى تعمل معاهم كده بدل متحتويهم وتعتبروهم ولادك 
حسن \ اسمعنى كويس ابعد عن بناتى وهما هينسو تماما ان ليهم خال وابنك هياخد جزاءه
حسن وضع يده على كتف نور وولاء \ يلا احنا كده عملنا الى علينا
سليمان بخوف\ وابنى هتسبوه محبوس ده مهما كان ابن خالكم
حسن \ صدقنى انا كان نفسي انتقم منك على الى عملته فى بناتى وامهم بس نظرت الخوف الى فى عينك كفيله وابنك مش هيتطلع غير لما ياخد جزاته
سليمان بخوف اقترب من نور وقال بتوسل \ نور افتكريلي اي حاجه
فتحيه اقتربت منه وقالت بحده \ طلقنى ياسليمان
سليمان التفت لها \ انتى بتقولى ايه
فتحيه \ استحملتك كتير بس خلاص كل حاجه ضاعت
........................
عبد اللطيف دلف الى غرفة ابنته ليلمحها جالسه سارحه بافكارها لم تنتبه بدخوله فابتسم \ ايه وصلتى لفين
لتلتفت له \ بابا انت هنا من امتى
عبد اللطيف ابتسم وجلس بجانبها على السرير \ بتفكري فى ايه
.هيام بتنهيد \ بفكر فى بكره
عبد اللطيف \ بكره لسه ف علم الغيب فكري بس فى النهارده
هيام \مش عارفه حاسه انى متلغبطه
عبد اللطيف امسك يدها \ بنتى عيشي عمرك انتى لسه صغيره
هيام بسخريه \ صغيرة ايه بس يابابا
عبد اللطيف / يمكن حسه نفسك كبيره لانك من وانتى صغيره شايله كل حاجه مسئولية الولاد والبيت لكن جواكي في بنت صغيره مستخبيه معشتش حياتها عايشه بس علشان ال حواليها
هيام \ يمكن بس انا خلاص ....
قال بعدم فهم \ خلاص ايه
هيام \ عنده بنت صغيره قابلتها وكلمنى تانى
عبد اللطيف بتفكير \ طيب وانتى شايفه ايه
هيام \ هو بيقول انه محتاجني وبنته محتاجه لام
عبد اللطيف \ مش يمكن ربنا اداكى فرصه تكونى ام وزوجه وتعيشي حياه طبيعيه
هيام \ مش عارفه يابابا
عبد اللطيف مسد على شعرها بحنان \ريحي قلبى ووافقى نفسى اشوفك عروسه
هيام \ على اساس انى لو وافقت هنعمل فرح فى السن ده
عبد اللطيف \ ومتعمليش ليه انتى من حقك تلبس فستان فرح وتفرحي
هيام بضيق  \ يابابا مش هينفع انا كبرت على الكلام ده
عبد اللطيف \ انا نفسي اشوفك بفستان فرح هتحرمينى من اللحظه ديه
هيام  \ على اساس انى وفقت خلاص
عبد اللطيف بابتسامه \ هتوافقي .....علشان ترضي ده ...اشار بيده على قلبها
................
سميره تنظر لها بقلق \ ايه ياهند مش هتكلميني
هند /................
ماذن بهمس \ هند مامتك بتكلمك عيب كده
هند بضيق \ انا مقولتلهاش تيجي ايه الى جابها
رامز تحدث \ فى ايه ياهند هى خلاص عرفت غلطتها كفايه بقى بعد احنا اتحرمنا منها سنين
هند بصدمه \ انت الى بتقول كده
رامز \ ايوه لان العمر مش مضمون مش عايز اجي يوم واندم انى مديتهاش فرصه
هند بدموع \ ازاى عايزنى انسي
رامز \ كل واحد ليه ظروفه هى معملتش كده بقصد
هند مسحت دموعها \انت ايه الى غيرك مش كت بتقول انها مش ام وانها رمتنا
رامز \انا غلطان انا خليتك تشيلى منها بس لما عرفت انها مكانتش قاصده وحكتلى عن ظروفها كان لازم اسامحها
سميره بتنهيده \ انا عارفه انى غلط بس صدقينى مكنش اقصدي انتو اغلى حاجه عندي
رامز \هند احنا اتحرمنا منها سنين جيه الوقت انها تعيش وسطنا اديها فرصه ديه ماما و الام مبتتعوضش بلاش نضيع وقت 
هند بكت فاقتربت سميره منها واحتضنتها \سمحينى ياهند انا اسفه والله بس انتى وحشتينى اوي
هند شددت من احتضانها \ ارجوكي متسبنيش تانى خليكى معايا
ابتسم ماذن \ ربنا يخليكو لبعض
..........فى الفرنده
حازم ابتسم \ انا هعوضك عن كل حاجه
ولاء \بتحبنى بجد ياحازم
حازم \ انتى مش مصدقه انى بحبك
ولاء \ مصدقه بس عايزه اعرف انت بتحبنى ليه
حازم ضاحكا \ هكون بحبك ليه يعنى
ولاء \يمكن علشان بنت عمك
حازم بابتسامه \ انا حبيتك قبل اما اعرف اساسا انك بنت عمي
ولاء \ بجد
حازم \ علي فكره انا مسمعتهاش منك
ولاء ابعدت عيناها عنه فقال بضيق \ هو انتى مش بتحبينى
ولاء \ على فكره بابا لوسمعك احتمال يرميك من هنا
حازم \ يعنى بتحبينى ولا لا
ولاء بخجل \ ايوه
حازم \ ده اسمه ايه ان شاء الله انا عايز اسمعها
ولاء \ لا طبعا مش هينفع
حازم \ ربنا يصبرنى بجد انتى هتجننيني
دلف ايهاب وواضح عليه الخوف
حازم \فى ايه يا ايهاب مالك
ايهاب بفزع \   الحق محمد وندي عملو حادثه ...........