قلوب حائره

الحلقه التاسعه وثلاثون

الحلقه الاخيره الجزء الاول ..............(المفجاءه)
حازم \ يعنى بتحبينى ولا لا
ولاء بخجل \ ايوه
حازم \ ده اسمه ايه ان شاء الله انا عايز اسمعها
ولاء \ لا طبعا مش هينفع
حازم \ ربنا يصبرنى بجد انتى هتجننيني
دلف ايهاب وواضح عليه الخوف
حازم \فى ايه يا ايهاب مالك
ايهاب بفزع \ الحق محمد وندي عملو حادثه ...........
حازم بخضه \ انت بتقول ايه
ايهاب \ يلا مفيش وقت
حازم اخرج هاتفه وكاد يتصل برقم اخيه ولكنه خطف من يده الهاتف وقال بصوت عالى \ يلا مفيش وقت
هيام ركضت اليهم ودموعها على وجنتيها \ ايه الى حصل يا ايهاب اخوك فين
ايهاب امسك يدها ليطمئنها \ متقلقيش هما كويسين بس لازم نروحلهم
هيام مسحت دموعها \ انت بتكذب عليا
ايهاب \ ماما انا امتى كذبت عليكى ممكن تهدي
حازم \ يلا بينا نروح نشوف ايه الى حصل
................
فى الطريق
هيام بقلق \ هما فانهى مستشفى
حازم يسوق السياره \ مش عارف بس انا ماشي على gps
ايهاب امسك هاتفه وارسل رساله \ احنا قربنا اجهزو
حازم نظر لايهاب فابتسمو لبعض ثم اوقف السياره
هيام نظرت من نافذة السياره \ احنا فين وايه المكان ده
ايهاب نزل واقترب من بابها وفتحه وقال \ احنا وصلنا
هيام نزلت من السياره تنظر حولها بعدم فهم لتري حديقه واسعه ومنزل صغير والزينه فى كل مكان والانوار التى تعطي المكان شكل جمالى وورود على الارض وشجر على شكل قلب ظلت تنظر بصدمه باديه على وجهها حتى وقعت عيناها على طاوله جالس عليها والدها وخالد ومعهم رجل اخر
واذا بهيام الصغيره تقترب منها وهى ترتدي فستان جميل وممسكه ببوكيه ورد وقالت بسعاده \ وحشتينى ياماما
لتقع الكلمه على مسامعها لتصيبها بدهشه ومشاعر لا توصف نزلت بقدميها لتلك الصغيره وقالت لها \ انتى قولتي ايه
هيام الصغيره \ وحشتينى ياماما هيام
هيام نهضت ونظرت لايهاب وحازم \ هو ايه الى بيحصل وفين محمد وندي
لياتى محمد من بعيد وقال بابتسامه \ انا هنا متقلقيش
نظرت له بقلق وظلت تنظر له \ انت كويس
محمد امسك يدها وقبلها \ انا كويس مجرد خدوش بسيطه
هيام \ يعنى انت عملت حادثه فعلا
ندي قالت \ الحمد الله جات بسيطه
ايهاب اقترب منها \ انا اسف انى جبتك بالشكل ده بس مكنش ينفع غير كده لازم تتحطي قدام الامر الواقع انا مش هسمحلك تضحى بسعادتك علشان خاطرنا تانى
هيام وضعت يدها على راسها وقالت \ انا مش فاهمة حاجه
محمد \ ماما انا فعلا عملت حادثه بس مش زي ما انتى متخيله مجرد كدمات بسيطه اما المفجاءه ديه فكانت عشانك
خالد وعبد اللطيف اقتربو منها
عبد اللطيف احتضنها \ قدامك حياتك ولازم تعيشيها بسعاده (ابتعد عنها )
خالد بابتسامه \ هيام تقبلى تكملي حياتك معايا وتقبلى تتجوزينى
هيام توترت ونظرت لهم جميعا لتراهم ينظرون لها
وفجاءه وقفت سياره نزل منها حسن وشيماء ونور وولاء
وسياره اخري نزل منها ماذن ومعه هند و رحاب
اقترب الجميع منهم
حازم \ يلا ياماما مستنين ردك
حسن \ وافقى ياهيام ديه حياتك ولازم تعشيها
ولاء ونور \ وافقى ياعمتو علشان خاطرنا
هيام انهمرت الدموع من عينيها ظلت تتطلع بيهم جميعا وبالمكان عدي وقت قليل وهى تتطلع بهم
عبد اللطيف \ يلا مفيش وقت للتفكير الماذون مستني
هيام بصدمه \ ماذون
خالد \ انا مش عايز اضيعك تانى من ايدي عايزك تفضلى معايا لاخر يوم فى عمري انا بحبك ياهيام
الطفله \ يلا ياماما وافقى انا نفسي تفضلى معايا ومتسبنيش
هيام بين دموعها اقتربت منها وحملتها وقالت لها \ انا كمان عايزه افضل معاكي ومش عايزه اسيبك ابدا
عبد اللطيف بسعاده \ هو ده الرد الى مستنينه
هيام انزلت الطفله واقت..ربت من خالد وقالت وهى تمسح دموعها \ انا موافقه بس الولاد ميبعدوش عني
محمد ضاحكا \ متقلقيش احنا مستحيل نسيبك
ايهاب دمعت عيناه واقترب منها \ هو فيه ابن يسيب حياته وامه وكل حاجه بالنسباله
حازم اقترب منها وارتمي باحضانها \ انتى احلى حاجه فى حياتنا اوعدك اننا مش هنسيبك ابدا لاننا اصلا منقدرش نعيش من غيرك
ايهاب اقترب هو الاخر واحتضنها ومحمد نفس الشيء
ولاء دمعت عيناها \ انا كمان مش عايزاكي تبعدي عنا انا مصدقت القيي حد يحبنى بجد زيك
هيام ابتعدت عنهم ومسحت دموعها \ يبقى شوفو حل انا مش هبعد عنهم
عبد اللطيف \ متقلقيش هو هياخد بيت جمبينا ...انتى فاكره انى ممكن اعيش من غيرك
خالد \ انا موافق طبعا
حسن \ يلا بقى زمان الماذون خلل
خالد اقترب منها وامسك يدها \ انا بحبك اوعدك انى مش هبعدك عنهم ابدا
هيام ابعد يده ومسحت دموعها وقال \ بس انا هحضر كتب كتابى كده
ايهاب \ كل شيء جاهز
هيام \ بس انا مش عامله حسابى
خالد \ ايهاب دخلها البيت وخليها تجهز
هيام بعدم فهم \ انا مش فاهمه حاجه
ايهاب امسك يدها \ يلا ياعروسه لازم تجهزي
التفت \ يلا يابنات تعالو
......
دلفت الى غرفه ولمحت فستان هادي وبسيط لونه ابيض معلق على احدي الشمعات
هيام بعدم تصديق \ مين الى جاب ده
ايهاب \ فستانك ياعروسه
التفتت هيام \ انت الى عامل كل ده صح
ايهاب بابتسامه \ انا مستعد اعمل اي حاجه علشان تكوني مبسوطه الفستان جدو هو الى جابه وهو الى ساعدني علشان نعمل الحفله ديه
رحاب \ بقولك ايه مش عايزين كلام كتير اخرج بره علشان العروسه تجهز
نور \ يلا بسرعه عندنا حاجات كتير عايزين نعملها
ايهاب \ طيب بسرعه علشان الضيوف على وصول
هيام \ ضيوف
ايهاب \ هو فى حفلة من غير ضيوف
................................
بعد مرور وقت طويل خرجت هيام وهى مرتديه فستان هادي مناسب ليها صفق الجميع واقترب عبد اللطيف وابتسم بسعاده وقبل راسها ثم امسك يدها ليسلمها لخالد
خالد \ من زمان وانا نفسي يجي اليوم ده
هيام \ انا مش قادره اصدق ان احنا هنتجوز
ضحك وقال \ مفجاءه انا عارف
...............................................................بعد كتب الكتاب
رامز بابتسامه \ عقبالك
نور بخجل \ وعقبالك
رامز ضاحكا \ انا مش متعود الصراحه على كثوفك ده
نور بزعل\ طيب يارامز بتتريق عليا
رامز \ بس انا مبسوط وبفكر نتجوز احنا كمان
نور \ جواز مين .........
رامز بسخريه \ جواز عم حسين ..............
حازم بصيق \ نور اختك هتجنني
نور \ ليه حصل ايه
حازم \ بقولها نتجوز تقولى مبروك مين العروسه على اساس انها مش عارفه انى بتزفت وبحبها
رامز ضحك \ انا دلوقتى بس اتاكدت انهم توأم وبنفس الرد بسم الله ماشاء الله
ولاء اقتربت منهم \ على فكره انا كنت بهزر بس انت عصبي وشكلى كده هغير رايي
حازم \ لا وعلى ايه انا اسف حقك عليا
رامز بسخريه \ اخس على الرجوله بتنخ كده بسرعه
حازم بغيظ \ اخرص يلا
نور \ وانا كمان هغير راي علشان تبقى تتريق عليا وعلى اختى
رامز \ حبيب قلبى انا اسف والله ميردنيش ازعلك
حازم ضاحكا \ يعيني يابنى ده احنا طلعنا فى الهوي سوي
ولاء بزعل\ انتو بتتريقو علينا
حازم اقترب منها بابتسامه \ انا بهزر والله العظيم
حسن واقف ينظر لهم بنظرات غامضه
حازم بارتباك \ احم انا كنت بكلم رامز
ولاء كتمت ضحكتها ليقول حسن \ انا عايز افهم ايه الى بيحصل هنا بالظبط
رامز \ كويس انك جيت انا كنت عايز اطلب منك ايد نور
حسن \ وده حصل امتى ان شاء الله
رامز \ من اول اما شوفتها ويمكن قبل كدا كمان وعلى فكره انا الى جايبهم من اسكندريه
نور باستغراب \انت ازاى
رامز \ انا كنت واقف تحت لما عماد شافكم نازلين بالشنط كنت هدخل لكن نور طلعت زكيه وعرفت تتصرف
نور \ ومشيت ورانا لحد القاهره
رامز \ لما لقيت شوية شباب بيضايقوكم كان لازم اتدخل وطبعا انتى مكنتيش تعرفى انى هظهر تانى فى حياتك وبقت بشوفك كل يوم
نور \ وانت اصلا كنت عرفت العنوان منين
ابتسم \ شوفتك فى المطعم الى كنتو بتشتتغلو فيه وديه كان اول مره ساعت لما جالك تليفون ان مامتك اتوفت ومشيت وراكى لحد المستشفى وبعدها وصلتو البيت كل ده حصل وانتو مغيبتوش عن عينى
حسن \ شكرا يا رامز بجد انت وقفت كتير جنبهم
حازم \ احم على فكره انا كمان وقفت جمبهم مش كده ياولاء
ولاء \ بلاش انت علشان لو قولت صدقنى بابا هيدفنك
حسن \ ليه هو عملك ايه
حازم تمتم \ يخربيتك هتلبسينى فى الحيطه
ولاء بتهديد \ اقول ولا اسكت
حازم \ بص ياعمو بنتك انا بحبها ومش معنى انى اتصرفت كام تصرف غبى يبقى كل شويه تهددنى انا راجل وبيغير ومبحبش اشوفها بتكلم حد انا كده غلط
حسن رفع حاجبه \ انتو بتتكلمو بجد لحقتو امتى تحبو بعض
حازم \ انا من ساعة مشوفتها وانا اتقلب حالى بس الصراحه بنتك مجنونه وتنقط وعليها تصرفات تشل بس بردو بحبها وعايز اتجوزها رغم انى عارف انى هتدبس بس يلا علشان اعرف اربيها
ولاء بغضب \ تربى مين وتدبس فى ايه لا ياسيدي انا مش عايزاك تدبس انا فى مليون واحد يتمنو اشاره مني روح بقى شوف ست فريده بتاعتك
حسن \ لا انا كده مش فاهم اي حاجه وفريده مين مش ديه الى كنت هتموت علشان تتجوزها
ولاء بغيره \ هتموت تتجوزها ليه يعنى ايه الى فيها حلو دية رخمه وبارده
حازم \ شايف ياعمو بنتك بتكلمنى ازاى
حسن بصرامه \ بس صوت عالى مش عايز دوشتونى
رامز \ طيب ياعمو مقولتش رايك
حسن \ معنديش بنات للجواز ...............
........................بتاخر بقالى فتره فى تنزيل الحلقه اسفه بجد بس كنت مشغوله شويه وبكتب متاخر والنهارده مكنتش هنزل بس كان لازم انزل حلقه علشان امبارح منزلتش ........