قلوب حائره

.....الحلقه الثامنه والعشرون

.....الحلقه الثامنه والعشرون
دلف ماذن الى مكتب عبد اللطيف
عبد اللطيف \ خير ياماذن فى ايه
ماذن بغضب \ انت ازاى متقوليش حاجه زي ديه
عبد اللطيف بعدم فهم \ حاجة ايه
ماذن \ ليه مقولتليش ان نور وولاء يبقو اخواتى..........................
عبد اللطيف نهض من مكتبه واغلق الباب وقال بهدوء \ اقعد علشان نتفاهم
ماذن بعصبيه \ انا نفسي اعرف انت ليه بتعمل كده
عبد اللطيف \ اهدي واسمعنى فى حاجه انت متعرفهاش
ماذن \ ايه الى معرفهوش
عبد اللطيف \ ان في حد لاعب فى دماغهم
ماذن بعدم فهم \ يعنى ايه مش فاهم
عبد اللطيف \ فى حد مش عايزنى اعرف هما مين وبيحاولو يمشوهم من البيت
ماذن بقلق \انت عارف هو مين
عبد اللطيف \ ايوه بس كنت مصدوم لانها اقرب حد لامهم علشان كده بحاول اعرف السبب
ماذن \ تقصد مين بالظبط
عبد اللطيف \ بعدين مش دلوقتى بس ياريت تاخد بالك من تعاملك معاهم مش عايز حد يعرف اننا عارفين هما مين
ماذن بضيق \ واخرتها
عبد اللطيف بتفكير \ اخرتها اعرف هى مخبيه ايه وليه قالتلهم انى انا السبب ...فى حاجه بتحاول تخفيها بس لازم اعرفها وياتري فى حد معاها بيساعدها ولا لا
.................
هيام بغضب \ فى ايه ياخالد
خالد اقترب منها \ فى انى بحبك وعايز اكمل بقية حياتى معاكي
هيام بعصبيه \ احنا كبرنا خلاص على الكلام ده
خالد بابتسامه \ يمكن انا كبرت لكن انتى زي القمر لسه زي ما انتى
اتعصبت جامد \ خالد لو سمحت احترم سنك
خالد \ بس فى حاجه واحده اتغيرت
هيام بضيق \ ايه هي ان شاء الله
خالد \ العصبيه ....انتى عمرك مكنتي كده
هيام بتنهيده حزينه \ لو سمحت ياخالد بلاش تصرفاتك ديه مهما عملت مش هغير راي
خالد بحب \جوبينى الاول انتى بتحبينى قد مبحبك صح ولا غلط
هيام بارتباك\ الكلام ده كان زمان انا بحب ولادي
خالد \ ياهيام دول مش ولادك متنسيش ده
هيام \ يمكن مش ولادي بس هما ولاد قلبى انا الى ربيت وكبرت لما يتعبو بفضل سهرانه جمبهم بخاف عليهم بحبهم هما بيغنونى عن الدنيا كلها
خالد بحزن \ حتى انا ...
هيام \ ايوه ياخالد
خالد \ للدرجادي
هيام \ انت الى اخترت انك تبعد
خالد بعصبيه \ انتى الى اخترتيهم
هيام بغضب \كنت عايزنى ارميهم اسيبهم
خالد بهدوء \ كان فى حلول كتير كنتى سبتيهم لاخوكي
هيام \ محدش هيكون احن عليهم مني ......هو انت فاكر انى ندمانه
خالد \ يعني لو رجع العمر بينا كنتي هتختاريهم بردو
هيام \ اكيد انا من غيرهم ولا حاجه عوضونى عن حاجات كتير
خالد اعطاها ظهره \ كنت فاكر انى لما ارجع هلاقيكي مستنيانى
هيام بحزن \ انت الى اتاخرت
التفت لها وقال \ظروفى كانت كده غصب عني انتى فاكره انى كنت فرحان
هيام دمعت عيناها \ انت اتجوزت غيري
خالد \ مكنش بايدي حاجه اعملها
هيام \ خلاص ياخالد ارجوك كفايه قولتلك من البدايه انا مش هغير راي ...... ارجوك امشي
خالد لمح حازم قادم فقال بحزن \ انا ماشي ياهيام بس لازم تعرفى انى بجد بحبك ....سلام
ابتعد خالد عنهم وخرج من الباب
حازم \ فى ايه ياماما
هيام مسحت دموعها والتفتت له وقالت بتوتر \ ولا حاجه ياحبيبى
حازم \ كنت عايز اقولك ان فريده جايه النهارده تتغدي معانا
هيام بضيق \ الى انت عايزه
..............
بعد قليل
التف الجميع حول السفره ليتناولو الغذاء
مورجانا وضعت الطعام على السفره \ عايزين اي حاجه تانى
عبد اللطيف \ نادي نور وولاء علشان يتغدو
حازم بغضب \ يعني بدل مكانو هما الى بيخدمونا دلوقتى بقينا احنا الى بنخدمهم
فريده \مين دول ياحبيبى
حازم \ بعدين يافريده
عبد اللطيف بامر \ مورجانا روحي يلا
ايهاب باستغراب \ وانت مضايق ليه
حازم \ البنتن دول مش عايزهم فى البيت هنا تانى
عبد اللطيف \ انا حر اعمل الى انا عايزه
رحاب \ صحيح ياجدو انت ليه دخلتهم اوضه لوحديهم
هيام بضيق \ مش فهمه هما مضيقنكم فى ايه
رحاب \ انا مش مضايقه انا مستغربه بس
ماذن \ انا بقى مع جدو فى الى بيعملو
شيماء \ الصراحه البنتين طيبين اوي
محمد \ جدو عنده حق البنتين متعلمين وكانو محتاجين لحد يساعدهم
ندي \ رغم انى متكلمتش معاهم بس لما محمد قالى على موهلاتهم اضايقت ازاى بنتين زي الورد متعلمين تبقى نهايتهم فى المطبخ صعب اوي
ايهاب \ ايه ياجماعه وطي صوتكم زمانهم جايين
عبد اللطيف \امال رامز فين
هند \ بيقول مش جعان
نور وولاء تقدمو منهم
ولاء لمحت حازم مع فريده ويهمس لها ويضحكون شعرت بالغيره
عبد اللطيف \ يلا اقعدو علشان تاكلو
ولاء بابتسامه بخبث ذهبت بجوار عبد اللطيف وقال \ هو انا ينفع اقعد هنا
ابتسم عبد اللطيف \ انتى تقعدي فى المكان الى يريحك
حازم بغضب \ بس ده مكانى
عبد اللطيف بامر \ روح اقعد على الكرس التاني
حازم نظر لها نظرات حاده اما هى ابتسمت بانتصار
نهض حازم وجلس بالكرس اخر وانتقلت فريده الى جانبه
ابتسمت بسعاده لكن حازم كاد ينفجر من الغيظ
نور جلست بجوار هند
عبد اللطيف \ نور تعالى انتى كمان اقعدي جمبى
نور \ لا انا كده كويس
شيماء \ يلا بالهنا والشفا
حازم كانت نظراته على ولاء كان كلها نظرات غضب ولكن لمحها تبتسم ظل يدقق فى ملامحها وابتسمتها وشعرها الذي يتطاير على وجهها حتى تلاقت عيناهم ارتبك من نظراتها
هيام لمحت نظراته فابتسمت وقالت بمكر \ مش بتاكل ليه ياحازم ولا انت فى حد شاغل تفكيرك
حازم لمح الجميع يوجهون نظرهم عليه حتى ولاء التى كانت تنظر له بابتسامه خجل فقال بتوتر \ انا شبعت
نهض حازم وابتعد عنهم بسرعه
فريده لمحت ولاء وقالت بعصبيه \ انا شبعت ....ايه القرف ده
ولاء بسخريه \ بيطلعو امتى دول
ايهاب \ انا بجد مش فاهم ازاى حازم عايز يتجوز السلحفه ديه
ولاء ضاحكه \ تصدق انت بتفهم
نور زغرت لولاء \ خلاص ياولاء عيب كده
هيام بضيق \ فى ايه يانور سبيها تضحك
ولاء بضيق \ قوليلها ياعمتو...............ولاء توترت وقالت \ قصدي يا ........
نور بعصبيه\ هى دايما كده مش بتاخد بالها هى بتقول ايه
قطعتها هيام بسعاده \ فيها ايه بالعكس انا مبسوطه ياريت تنادوني بعد كده عمتو
ولاء ابتسمتت \ حاضر ياعمتو
رحاب نظرت لولاء ونور بشك فقالت \ انا كمان شبعت عن اذنكم
عبد اللطيف \ استنى يا رحاب عايزك انتى وهند وندي تاخدو نور وولاء وتجبولهم طاقمين شيك ماشي
رحاب \ اكيد ياجدو
ندي \ مفيش مشكله
,,,,,,,,,,,,,,,,,,,
رامز ينظر لهاتفه بانشغال
نور \ مجتش اكلت ليه
رامز \ مش جعان
نور بابتسامه \ ممكن اعرف انت بتتفرج على ايه
رامز لمح ابتسامتها \ تعرفى انك غريبه اوي
نور \ ليه ....
رامز \ دايما بتعاملينى ببرود ودلوقتى بتكلمينى عادي
نور بضيق \اسمعني يرامز انا مش وحشه بس تقدر تقول بقيت بشيل هم كل حاجه حتى الضحكه اخاف اضحك اخاف احب اخاف اتحب
ابتسم \عمر الحب مكان بيخوف
نور بتنهيده \ اخاف من انى اتعلق بحد ويسيبنى اتجرح طول عمري بشوف ماما بتحاول تضحك بس دايما مشغول بالها ب بابا مجروحه منه
رامز \ مقولتليش انتى ليه مقولتيش لحد انتو مين
نور \ انا كنت عامله حسابي انى اول اما اشوفه اقوله على الهم الى جوايا وانه ازاى يبعنا بالسهوله ديه ازاى مفكرش يدور علينا
رامز بجديه \ مش يمكن فى حد بيحاول يكذب عليكم او مش قايل كل الحقيقه
نور \ تقصد ابله ليلى
رامز \ تعرفى ان ليلى خدعت ابوكي وعرفته انكم بره مصر حاولت بكل الطرق تخفى مكانكم
نور بعدم تصديق \ يعنى هى كانت عارفه احنا فين
رامز \ بالظبط
نور \ طيب ليه ايه السبب
رامز \ اسمعينى يانور ابوكي هيتجنن ويشوفكم وساب البيت وبيلف فى كل مكان علشان يعرف طريقكم بزمتك لو انتو مش فارقين معاه هيدور عليكم ليه
نور بتفكير \ بس هي قالت غير كده ......انا مش فاهمه حاجه
رامز \ تعرفى ان ليلى هى الى مسلطه مورجانا عليكم علشان تمشو من هنا
نور بصدمه \ انت بتقول ايه مستحيل ...ماما واثقه فيها وقالتلنا انها زي اختها دي ماما كانت مديها الامان ....طيب تعمل كده ليه
رامز \ ده الى جدك عايز يعرفه
,,,,,,,,,,,,,,
خرجت ولاء عند حمام السباحه لتلمح فريده وحازم
فتنهدت بضيق وجلست على احدي الكراسي
حازم اقترب منها \هو انتى ليه محسساني انك صاحبه البيت
فريده بغرور \ روحي يابتعاه انتى جبيلى حاجه اشربها
ولاء بتقلدها \ عندك المطبخ يابتاعه انتى روحي جيبى لنفسك تشربي
فريده \ انتى هنا خدامه المفروض كلامي يتنفذ
ولاء بزعل نظرت لحازم \ انت قولتلها
حازم بسخريه \ مش ديه الحقيقه
ولاء بغضب \ طيب بصو بقا انا هنا زي زيكم
حازم \ انتى ولا حاجه
ولاء بسخريه \ فعلا علشان كده جدك قومك وقعدني مكانك
حازم اقترب منها وقال بحده \ انتى بتلعبى على ايه بالظبط
ولاء \ بقولك ايه انا مش عايزه صداع خد السلحفه ديه بعيد عني انا عايزه استجم
حازم امسك على معصمها بغضب \ بلاش تستفزينى انتى عارفه انا ممكن اعمل ايه
ولاء ابعدت يده عنها وقالت بعصبيه \ انت انسان مش محترم
فريده اتعصبت \ انتى الى مش محترمه
ماذن اقترب منها \ فى ايه ياولاء
ولاء بحزن \ عمالين يستفزوني ويقولو عليا انى خدامه
ماذن بعصبيه \ حازم خد فريده وابعدو عنها
حازم باستغراب \ انت بتزعقلى علشان خاطر واحده كانت خددامه عندنا
ماذن \ انا بحذرك وبقولك ابعد عن ولاء انت فاهم
حازم بسخريه \ قولى كده
ماذن ابتعد عنه وقال لها \ اي حد يضايقك قوليلى تمام
ولاء بابتسامه \ ربنا يخليك ليا يارب
ماذن احتضنها\ ويخليكي ليا يارب
حازم اتعصب جدا واقترب منهم \ انا دلوقتى فهمت انتى عايزه ايه
ولاء بعد فهم \ عايزه ايه
حازم \ انتى جايه ترمي نفسك لاي حد علشان تفضلى هنا انتى واحده رخيصه ياتري على علاقه بمين تانى
امسكه ماذن بغضب من ياقة قميصه \ حازم احترم نفسك واياك تتكلم معاها بالاسلوب ده تانى
ولاء بحزن \ انت ليه بتعمل معايا كده
حازم بغضب \ علشان عارف نواياكي شويه ذياد وشويه ماذن والله اعلم ضحكتى على مين تانى
ولاء بدموع \ انت مش فاهم اي حاجه
ماذن بحده \ انت ايه الي بتقوله ده
حازم \ انت عارف هند لو عرفت انك على علاقه بخدامه هيحصلها ايه
ماذن \ حازم بلاش تصرفاتك الغبيه ديه
حازم التفت ليري هند واقفه تنظر لهم بعين دامعه
ماذن بضيق ذهب اليها \ هند اسمعينى الاول انا ...
قطعته هند بدموع \ طلقنى ياماذن ...........
...........