قلوب حائره

الحلقه الثالثه والثلاثون

الحلقة الثالثه والثالثون
لمحها من بعيد واقفه مستنده على الحائط تذرف الدموع اقترب اليها وقال \ ممكن تهدي شويه صدقينى هتبقى كويسه
مسحت دموعها وقالت بصوت باكي \ نور بالنسبالى مش اخت وبس هى امي الثانيه هي سندي
حازم \ هو انا ممكن اسالك سوأل
ولاء هزت راسها بايجاب \ اكيد اتفضل
حازم \ هو انتى ليه معرفتنيش من البدايه انك بنت عمي
نظرت له \معرفش يمكن علشان نور هى الى قالتلى بس انت ليه كنت بتعاملنى كده
حازم بتنهيده \ مش عارف بس اول مره اتعصب على بنت واتنرفز بالشكل ده بس الصراحه انتى فيكى حاجه مختلفه نظراتك عصبيتك كل حاجه غريبه بس.........
ولاء \ بس ايه
حازم اقترب منها \ انا اسف على كل حاجه انا غلط فى حقك صدقينى مكنش قصدي.
ولاء \ بعدين الكلام ده مش دلوقتى
رامز اقترب منهم وقال بتنهبده \ حازم وصل ولاء البيت
ولاء \ لا انا مش هقدر اسيب نور لازم اطمن عليها
رامز \ مفيش زيارات والعمليه لسه الصبح
حازم \ طيب روح انت كمان
رامز بحزن \ مش هينفع اسيبها
ولاء بدموع \ وانا كمان مش هقدر انى اسيبها
حازم \ اسمعى الكلام ياولاء انتى محتاجه ترتاحي شويه رامز عنده حق
رامز \ واي حاجه تحصل هعرفك متقلقيش
حازم وضع يده على كتفه \ كله خير ان شاء الله
............
دلف الى القصر غاضبا \ انتي يالى اسمك ليلى تعالى هنا
شيماء اتت على صوته بقلق \ فى ايه ياعمي بتزعق ليه
ايهاب \ خير ياجدو ايه الى حصل
رحاب ركضت اليه بخوف \ هي نور حصلها حاجه
عبد اللطيف بصوت جهوري \ نادولى ليلى حالا
ليلى تقدمت منه بقلق \ خير ياعبد اللطيف بيه حضرتك عايزني ليه
ولاء دلفت الى القصر هي وحازم ليلمحو الجميع ملتمون فقالت بقلق \ هو في ايه
عبد اللطيف التفت لها \ كويس انك جيتى لازم تعرفى الحقيقه
ولاء \ حقيقة ايه انا مش فاهمه حاجه
عبد اللطيف \ ليلى فهمتكو انى طردت شاديه وكرهتكم فيا وخلتكم متقولوش انتو مين
ليلى بخوف \ كذب انا مقولتش حاجه
ولاء نظرت لها باستغراب \ ليه هو مش انتى قولتى ان جدو هو الى طرد امي ورمانا فى الشارع
ليلى \ انتى كذابه انا مقولتش كده
عبد اللطيف \ انا كلمت خيري وقال انك انتى الى روحتى خوفتيها منى وخلتيها تبعد بس عايز اعرف ليه الحقد والغل ده
ليلى برعب \ صدقنى الكلام ده مش حقيقي هو بيكذب عليك
عبد اللطيف \ اتكشفتى خلاص ......مورجانا تعالى ...
مورجانا \ نعم ياسعادة البيه
عبد اللطيف \ قوليلى مين عرف عماد مكان ولاء ونور
مورجانا \ انا سمعت ليلى وهى بتكلمه وتعرفه العنوان
ولاء بغضب \انتى الى عملتى كده طيب ليه عملنالك ايه
مورجانا\ وكمان اتفقت معايا ادخل نور وولاء الاوضه واقفل عليهم واخليك تشك انهم حرميه علشان تطردهم
ولاء بعدم تصديق \ازاى وليه ديه ماما وهى بتموت قالتلنا نجيلك لانك زي اختها كانت وثقه فيكى
ليلى بغضب \ لانها بتاخد كل حاجه لما جبتها كانت حتة خدامه لكن فجاءه سابت الشغل واتجوزت حسن وخلفت منه وكتبلها بيت باسمها وفلوس فى البنك ومش كده وبس .......حتى جوزي بقى شايفها ملاك من السما دايما كلامنا لازم يكون عنها شكيت انه بيحبها غيرت منها هى ايه الى عندها ومش عندي
ولاء \انتى بتقولى ايه
ليلى بعصبيه \ كل حاجه اتمنيتها هى حققتها غيرت منها كل يوم تحكيلى قد ايه حسن بيحبها وبيجبلها كل الى بتتمناه تخيلت فى يوم انى اكون مكانها بدات اخطط ازاى اخليها تسيبلى البيت لقيت الحل ان عبد اللطيف بيه يعرف يالجواز
عبد اللطيف \ عملتى ايه وخلتيها ازاى تهرب
..............
فلاش باك
شاديه \ فى ايه ياليلي ايه الى جابك فى وقت متاخر كده
ليلى \ عبد اللطيف بيه عرف كل حاجه
شاديه بقلق \ عرف ايه
ليلى \ عرف انكم متجوزين
شاديه بصدمة \ عرف ازاى
ليلى بخبث\ المصيبه انه هياخد البنات وهينسبهم لواحده تانيه وانتى هتترمى فى الشارع ياما قولتلك بلاش مسمعتيش كلامى الناس ديه مبتفكرش غير فى الفلوس والمراكز والنسب واحنا بنتظلم ويداس علينا
شاديه \ اهدى وفهمينى ايه الى حصل
ليلى \ بقولك سمعتهم وهما بيتكلمو وعبداللطيف بيه قرر ان ياخد البنات وانتى هتترمى فى الشارع ومش هتشوفيهم تانى فاهمه يعنى ايه
شاديه وضعت يدها على فمها وقالت بخوف \ لا مستحيل
ليلى \ انا مش قادره اتلم على اعصابى من ساعة اما سمعتهم وهما بيتكلمو
شاديه بهلع \ لا انا هستنى حسن هو هيتصرف اكيد مش هيبعنى هو وعدنى بكده ايوه هو مش هيبعنى
ليلى اقتربت منها وبحزن مصطتنع \ قولتلك بلاش احنا مش قدهم هما فين واحنا فين كان لازم تعرفى ان العلاقه ديه مش هتستمر وهو عمره مهيقدر يرفض اويعصي كلمه عبد اللطيف بيه يقولها
شاديه انهارت \ طيب بناتى هيعيشو ازاى انا مستحيل اسيهم انا اموت لو بعدو عنى قوليلى اعمل ايه
ليلى \انا لو منك كنت هاخد الولاد وابعد عبد اللطيف ايده طايله وانتى عارفه
..........عوده
ولاء \ بعنى ايه يعنى جدو مطردهاش......كل ده من تخطيطك كانت عملتلك ايه وليه قولتي انه هو هددها انا مش قادره افهم ازاى
عبد اللطيف \ انا فعلا كنت مضايق ان ابنى يخبى عليا حاجه زي ديه ....لكن لما شوفتك انتى ونور قلبي حن شوفتكم وكنتو متعلقين بمامتكم حسيت انى لو خدتكم منها هبقى ظلمتكم بس تانى يوم اكتشفت انها مشيت ومنعرفش مكانها
شيماء \يعنى نور وولاء ولاد حسن
ماذن \ ايوه ياماما اخواتنا
هيام بغضب \ حقدك وغيرتك عموكي ودمرتي اسره لا وبدل متكفري عن ذنبك روحتى اذنبتى ذنب اكبر بانك تخفيهم عنا ومتعرفيناش ليه يا ليلى عملتي كده
ليلى بدموع \ انا اسفه بس كنت شايفه ان كل ده هيكون فى مصلحتى ...
هيام \ وكنتي عارفه هما فين كل الوقت ده ومقولتيش
محمد \ للدرجادي الغيره توصل البن ادم ان يدمر حياة بنادمين ملهمش اي ذنب
ندي بزعل \ لاحول ولا قوة الا بالله ربنا ينتقم منك على انك فرقتى ولاد عن ابوهم
...................\ ليه شيفانى بتعذب وتكذبي عليا عارفه انى هموت واشوفهم وبرضو مصعبتش عليكى ......
التف الجميع على صوته لتنصدم ولاء \ .............بابا