قلوب حائره

الحلقه الرابعه والعشرين

الحلقه الرابعة والعشرون
اشرقت الشمس من جديد لتعلن عن بداية يوم جديد
فاقت نور من نومها وتثاوبت بكسل \ ولاء اصحي يلا
ولاء ابتسمت \ اصحي انتى ياكسلانه انا صاحيه من بدري
نور باستغراب \ وده من امتي ان شاء الله
اقتربت ولاء منها وقالت بسعاده\ انا صحيت بدري علشان الحق اجهز نفسي علشان الشغل
نور تذكرت الامر فقال بتافف \ ومالك مبسوطه كده ليه
ولاء بفرحه \ تخيلى نايمين فى اوضه لينا ومحدش مشاركنا فيها وشغل جديد فى شركه كبيره يابنتى ده كانه حلم انا بجد مش مصدقه
نور نهضت من علي السرير وقالت بضيق \ انا اول مره فى حياتى احس انى خايفه عليكى بجد
ولاء \ خايفه عليا من ايه
نور قربت منها وقالت \ خايفه انك تفوقى من حلمك ده على كابوس
ولاء بحزن \ انتى مبتحبيش تشوفينى مبسوطه ابدا
نور بسخريه \ انا بس بعرفك ان حلمك ده مش هيكمل
ولاء بضيق \ لا هيكمل يانور وبابا هيرجع وهنبقى مبسوطين
نور بتنهيده \ اعملى الى انتى عايزاه
دق الباب لتذهب ولاء لتفتح \ خير ياعزه فى حاجه
عزه \ عبد اللطيف بيه مستنيكم تحت
ولاء بابتسامه \ احنا نازلين علطول
ولاء اغلقت الباب واقتربت من نور \ انجزي يلا احنا اتاخرنا
نور بشك \ انتى مش مستغربه من حكاية عبد اللطيف بيه
ولاء \ واستغرب ليه
نور \ واحد المفروض انه ميعرفناش يوافق يشغلنا وكمان يدينا اوضه كبيره لينا متقلش عن اوض احفاده مش غريبه شويه
ولاء \ تقصدي انه عارف احنا مين
نور \ اكيد تصرفاته بتقول كده
ولاء بابتسامه \ وده يضيقك فى ايه لو هو فعلا عارف احنا مين يبقى هو بيحبنا لانه بيهتم بينا
نور بضيق \ فى حاجه مش مظبوطه
ولاء اقتربت منها \ نور علشان خاطري بلاش كل حاجه تشكي فيها مش كل الناس وحشه
نور بعصبيه \ والى قالته ابله ليلى عليه وانه طرد ماما
ولاء \ انا قلبى بيقولى ان كل الكلام ده محصلش
نور \ تقصدي انها كذبت علينا
ولاء \ معرفش بس الى اعرفه اننا لازم ننزل دلوقتى يلا
...............
بعد قليل نور وولاء خرجو من غرفتهم ليلمحو ليلى قادمه نحوهم
ليلى \ ايه الاخبار سمعت ان عبد اللطيف بيه عينكم عنده فى الشركه
ولاء \ حصل فعلا وادينا رايحين نستلم الشغل
ليلى بتوتر \ والله يابنات مش عارفه اقولكم ايه
نور \ هو فى حاجه حصلت
ليلى \ انا بقول ايه متيجو تعيشو معايا افضل بردو لحد اما حسن بيه يرجع
ولاء بعدم فهم \ ليه ايه السبب
ليلى \حاسه انكم مش مرتاحين هنا
نور \ عادي يعنى ادينا قعدين
ليلى \ وكمان انتو مبقيتوش شغالين هنا يعني قعادكم ملهوش اي لازم
نور بتفكير \ بس هما الى عايزنا نقعد
ليلى \ انا قولت اريحكم بردو ديه امكم الله يرحمها موصياني عليكم والصراحه بقا اناخايفه من مورجنا لتعمل فيكم حاجه ( الكذب بيشر من عنيها )
ولاء بسخريه \ يعني انا بيت ابويا موجود واسيبه ده حتى ميصحش
نور \ ولاء عندها حق احنا مش هنتنقل من هنا الى لما نشوف حسن بيه
ولاء \ اما مورجانا انا مش خايفه منها متقلقيش يامدام ليلى احنا فى بيتنا وسط عيليتنا
عبد اللطيف اتى من خلف ليلى وقال \ يلا علشان اتاخرنا
التفتت ليلى وابتسمت بتصنع اما هو نظر لها نظره طويله ولكن ابتعد عنها ومعه نور وولاء
>>>>>>>>>>>>>>>>>>
........... فى شركة عبد اللطيف
دقت السكرتيره على الباب ثم دلفت الى الداخل
حازم \ فى حاجه ياهنا
هنا \ حازم بيه الانسه فريده بره وعايزه تقابلك
حازم \ دخليها بسرعه
دخلت فريده بابتسامه وقالت \ ايه رايك فى المفجاءه ديه
حازم \ هنا اخرجي ومدخليش حد دلوقتى خالص
هنا\ حاضر
فريده \ مالك ياحازم مش مبسوط انك شوفتي
حازم بغضب \ قولتلك مليون مره متجليش المكتب افرضي جدي شافك
فريد بضيق \ انت من امتي بتزعقلى كده
حازم بتنهيده \ انتى عارفه اني مش عايز مشاكل
فريده بدموع \ انت خلاص مبقتش تحبني
حازم / مين بس الى قال كده
فريده \ تصرفاتك
حازم \ لا ياستى بحبك بس مش عايز حد يشوفنى معاكي لحد اما اقنع جدو ونتجوز
فريده \ انت مش حاسس بيا
حازم \ ليه بس بتقولى كده
فريده \ انا بقالى اكثر من اسبو ع مشوفتكش وانت مش سائل فيا
حازم احتضن يدها وقال \ خلاص هانت ماما قالتلى انها هتقنعه
فريده بسعاده \ بجد ياحازم
حازم \ طبعا ياروح قلب حازم
فريده \ طيب كنت عايزاك تقنع بابا يرفض العريس المتقدملى وتعرفه انك عايز تجوزني
حازم \ حاضر ياستى اوعدك هروح وهقنعه
فريده اقتربت منه واحتضنته \ انا بحبك
فى نفس اللحظه الى فتحت ولاء الباب
ولاء بخجل \انا بعتزر واضح اني جيت في وقث غلط
فريده بعصبيه \ انتى ازاي تدخلى كده من غير استذان
ولاء بضيق \ انا اعتذرت
حازم \ انتى الى غلطانه يافريده كان لازم تراعي انى فى الشغل
فريده اتضايقت وقالت \ انا مش غلطانه انا خطيبتك ومش من حق اي حد يدخل
حازم بصوت عالى \يعني مكنش ينفع تخبطي قبل اما تدخلى
ولاء بزعل\ واضح انى عملت مشاكل انا اسفه يا حازم عن اذنكم
خرجت ولاء وتشعر بشعور غريب لم تستطيع تفسيره
فريده بسخريه \ حازم كده حاف
حازم \ اهدي يافريده ممكن
فريده \ يعنى انا استحمل جدك والى عمله معايا لما عرف انك بتحبنى وقولت اكيد مش هتسيبنى وبتحبنى وفى الاخر عينك تزوغ على موظفة عندك بس اقول ايه انا الى غلطانه انى صدقتك
حازم \ كل الى انتى بتقوليه ده مش صح انا بحبك انتى
فريده \ ياسلام بعد اما قليت منى قدامها
حازم \ انا اسف حقك عليا
....
نور جالسه بمكتبها تتطلع بالورق الذي امامها
ليدلف رامز الى المكتب \ اخبار الشغل ايه
نور \ مش فاهمه اي حاجه
رامز ابتسم \ متقلقيش واحده واحده وهتفهمي كل حاجه
نور بتافف \ انا زهقت
رامز \ ايه رايك تشربي قهوه فى مكتبي
نور \ معاك انت مستحيل
رامز \ ليه يعني
نور بتافف \ معلش سيبنى على راحتى
رامز \ هو انتى ليه بتكرهينى
نور بضيق \ انا مش بكرهك
رامز بسخريه \ واضح فعلا
نور \ لو سمحت يا رامز ياريت تعاملنا يبقى فى اضيق الحدود وعاملنى زي مبتعامل الموظفين
رامز \ للدرجادي مش طيقانى
نور \ انا بقول كده علشان نعرف نشتغل سوي لو مش عجبك اروح لعبد اللطيف بيه واقوله ينقلنى
رامز بغضب\ انتى الى اختارتى يانور بس مترجعيش تزعلى
نور بعدم فهم \ ايه الى هيزعلنى
رامز ببرود \ لان طريقتى مع الموظفين مش هتعجبك بس براحتك
نور باستغراب \ ليه يا عني
رامز تحولت نبرته وقال بعصبيه \ انتى هنا فى شغل يا انسه يعنى ممنوع تتكلمى وياريت تشوفى شغلك
نور \ انت بتتكلم كده ليه
رامز بجموود \ انتى هنا زي باقى الموظفين وانا بعملك زيهم يعنى تنفذي كلامي بالحرف
خرج مسرعا من المكتب وهو يلعن ذالك الحب الذي يقلل من قيمة المرء

.............
كان جالس على حاسوبه منهمك فى التفكير حتى قطعت تفكيره صوتها فلمحها تقترب منه وقالت بتوتر \ انا اسفه يا ايهاب
ايهاب بابتسامه \ انتى مش محتاجه تتاسفى
رحاب \ انا عارفه انك زعلان منى لاني احرجتك قدامهم كلهم
ايهاب ضاحكا \ انتى عبيطه انا مش فارق معايا غيرك
رحاب بحزن \ انا مش عايزاك تفهمنى غلط
ايهاب بتنهيده \ جايه تقوليلى انك رفضاني مش كده
رحاب \......
ايهاب \ اسمعينى يارحاب انا مش عايز اعرف ليه بس الى عايزك تعرفيه ان جدك مجبرنيش على حاجه
رحاب \ انت بتقول كده علشان متزعلنيش
ايهاب \ انتي عارفه انا ليه كنت بتعصب عليكى قبل كده
رحاب هزت راسها بنفىي
فقال مبتسما \ لانى كنت بغير عليكى كنت خايف تروحي مني انا بحبك من زمان
رفعت عينايها اليه لتلتقى عيناهم فقالت بخجل \ انت عمرك مقولتلى
ايهاب \ كنت ناوي بس لما لقيتك مهتمه بحازم اتجننت اتخيلت انك بتحبيه علشان كده مكنتش بقعد فى البيت كنت بهرب
دمعت عيناها \ انت بجد بتحبنى
ايهاب بحب \ فوق متتصوري
رحاب \ بس انا مش عارفه اذا كنت ببدلك نفس الشعور ولا لا ......
ايهاب \ ادينى فرصه اثبتلك انى فعلا بحبك نتخطب ولما تخلصى الجامعه نتجوز ده يعني لو عايزه تكملى ....
رحاب بتفكير\ طيب ممكن تدينى فرصه افكر
ايهاب بسعاده \ اكيد
.......................................................
فى المساء فى المنزل
الخادمه \ عبد اللطيف بيه فى واحد بيسال على حضرتك
عبد اللطيف باستغراب \ مين ده مقالكيش اسمه
الخادمه \ لا ياسعادة البيه مقالش
عبد اللطيف \ هوفين
الخادمه \ مستني فى الصالون
عبد اللطيف \ طيب شوفيه يشرب ايه وانا جاي حالا
بعد قليل خرج عبد اللطيف ليقابل الضيف
عبد اللطيف \ اهلا وسهلا
....\ ايه يا عبد اللطيف بيه انت مش فاكرني
عبد اللطيف دقق فى ملامحه وقال بشك \ مش معقول خالد
خالد بابتسامه \ زي ما انت ذاكرتك قويه
عبد اللطيف \ انت رجعت امتى
خالد \ بقالى ست شهور
عبد اللطيف \بقى ياراجل جاي من ست شهور ومفتكرتش تيجي تشوفني غير دلوقتى
خالد \ مشاغل والله يا عبد اللطيف بيه
عبد اللطيف \ قولى عامل ايه فى حياتك
خالد بتنهيده \ اهو كله ماشي
الخادمه \ القهوه ياسعادة البيه
خالد التقط فنجان القهوه ولكن لمحها تنزل من على الدرج وتقترب نحوهم توتر فترك فنجان القهوه لاحظه عبد اللطيف فالتفت ليلمح ابنته
هيام \ مقولتليش يابابا ان عندنا ضيوف
عبداللطيف بقلق \ نسيت
هيام التفتت له وقالت بابتسامه \ اهلا وسهلا بحضرتك
لينهض ويمد يده ونظر لها بابتسامه \ ازيك ياهيام
هيام نظرت له بصدمه نعم هو نفس الصوت لم تنساه مطلقا شكله تغير قليلا ولكن تعرفت عليه
هيام خانتها عبراتها وقالت \ انت ,......