قلوب حائره

الحلقه الاخيره

الحلقه الاخيره
قلوب حائرة بقلمى نورا سمير
ولاء كانت تنظر فى المراءه وتمشط شعرها\ نور يلا اجهزي مستنينا تحت
نور / ...............
ولاء لمحتها جالسه على السرير وشارده فاقتربت منها بقلق \نور انتى كويسه
نور \ انا قلقانه اوي حاسه ان حياتنا اتغيرت بسرعه بقينا مبسوطين
ولاء\ وفيها ايه ديه
نور \ مش عارفه يمكن لاننا عمرنا مفرحنا من قلبنا علشان كده شايفين ان السعاده والفرحه حاجه جديده علينا
ولاء جلست بجانبها \ وانا كمان واضح اننا بقينا بنخاف نفرح لحسن نحسد الفرحه
نور بتنهيده \ انا كان نفسي اوي ماما تكون معانا فى يوم زي ده
ولاء بحزن\ ماما كان نفسها تشوفنا مبسوطيبن ولما حصل هي مكانتش معانا
فتح الباب ودلف ليراهم جالسين وعلامات القلق والحزن باديه عليهم فاقترب منهم \ حبابيب بابا مالهم
ولاء \ ماما وحشتنا اوي كان نفسنا تكون معانا
حسن \ ماما معاكم عايشه جواكم وهى فرحانه جدا علشانكم
نور بدموع \ كان نفسي ماما تختار معايا الفستان
حسن مسح دموعها \ ماما لو شافتك بتعيطي كانت هتزعل يرضيكي تزعلى ماما فى يوم زي ده
نور ارتمت باحضانه \ انا مش عارفه ازاى كنا ممكن نعيش من غيرك
ولاء مسحت دموعها \ بابا متبعدش عنا تانى
حسن قبل راسها \ اوعدك انى هفضل جنبك ..........يلا بقا علشان حازم ورامز مستنين
نور \ يلا احنا جهزنا خلاص
حسن \ استنو فى طلب منى ممكن علشان خاطري تعملوه
ولاء \ فى ايه يابابا
حسن .........................................
.............. بالاسفل
ايهاب \هما اتاخرو كده ليه
هيام ضاحكه \ يابنى اصبر ايه مالك
مسد على شعره وابتسم بحب \ بحبها ياماما
هيام ابتسمت \ ما انا عارفه ياحبيب قلب ماما
رحاب تقدمت منهم \ اتاخرت عليكم
ماذن ابتسم واقترب منها \ ايه الحلوه ديه
رحاب ابتعدت عنه بخجل واحتضنت هيام \ شايفه ياعمتو بيكثفني ازاي
حازم بضيق \ احنا كده هنتاخر
هيام \ انا بجد مش فاهمه مستعجلين ليه
حازم \ ياماما ورانا حاجات كتير والفرح بكره
هيام \ متقلقش انا وجدك هنظبط كل حاجه
نور \ احنا جاهزين ..... امال رامز فين
هيام \ ابدا مستني بره ومعاه ماذن وهند
ولاء \ طيب يلا مستنيين ايه
حازم \ مستنين جنابك ايه كل ده تاخير
ولاء اقتربت منه \ انا عروسه ومن حقى اتاخر براحتى
حازم ابتسم \ طبعا هو في حد قال غير كده
ولاء ضحكت \ يلا بينا
حازم \ اتفضلى يا سمو الاميره
هيام ضاحكه \ والله انتو الاثنين عسل
شيماء اقتربت منهم \انتو لسه ممشيتوش لحد دلوقتى
ولاء نظرت لنور واشارت لها فقالت نور \ انتى مش هتيجي معانا يا ماما شيماء
شيماء بصدمه نظرت لهم بعدم تصديق
رحاب ابتسمت بسعاده \ ايوه ياماما تعالى معانا
شيماء نظرت لنور وولاء لتراهم ينظرون لها بابتسامه ولمحتهم يقتربون منها \ احنا مستنينك على فكره احنا مش هنروح من غيرك
شيماء شعرت بان لسانها اصبح ثقيل لاتستطيع النطق فقالت نور \ انا اسفه انا كنت بقولك زي رحاب لو ضايقتك مش هقولها تاني
شيماء ابتسمت \ بالعكس انا فرحت
ولاء اقتربت منها \ ممكن تعتبرينا زي رحاب وماذن
شيماء \ اكيد انتو زيهم انتو اخواتهم ........
هيام لمحت حسن يقف ينظر لهم بابتسامه فابتسمت له واشارت له (انت صح )
ولاء \ يبقى علشان خاطرنا تعالى معانا محتاجينك تساعدينا فى اختيار الفساتين
شيماء ابتسمت \ انا موافقه ثوانى وهجهز
رحاب بسعاده احتضنت ولاء ونور \ بجد انا بحبكم اوي انتو احلى اخوات بجد
...............
وصلو لاتيليه وعندما دلفو الى الداخل ولاء لمحت فستان ابيض على الملكان كان مطرز من فوق ووواسع من تحت ومنفوش
ولاء باعجاب \ ده تحفه انا عايزه ده
حازم نظر له فقال بضيق \ لا طبعا انتى مش شايفه مفتوح من فوق ازاى
ولاء بتافف \ بس شكله حلو
حازم بامر \ شوفى غيره
ولاء بتذمر \ هو ده انا مليش دعوه
ولاء اقتربت من شيماء \ ماما شيماء انا عجبنى الفستان
شيماء تدخلت \ خلاص ياحازم ممكن نقفل الفتحات ديه
ولاء \بس كده هيغير شكله
شيماء \ لا متقلقيش
ولاء بابتسامه \ اذا كان كده انا موافقه
شيماء نظرت لنور \وانتى يانور مفيش حاجه عجبتك
نور لمحت فستان اخر رقيق ضيق من فوق وواسع من تحت ومن الوسط مطرز
نور \ ده شكله حلو اوي
رامز اقترب منها ونظر للفستان ثم نظر لها وقال بابتسامه \ فعلا رقيق وتحسي انه شبهك
نور ابتسمت بسعاده \ يعنى عجبك
رامز نظر لها \ يهمك راي اوي كده
نور \ طبعا مش انت هتبقى جوزي
رامز \ حلو اوي جوزي ديه قوليها تانى
نور بخجل ابعدت عنيها عنه ولكنه لف وجهها له فقالت \ خلاص بقا متبصليش كده
رامز \ هو انا مقولتلكيش انك اجمل بنت شافتها عنيا
نور بشك \ ليه هو كان في بنات غيري عينك شافتهم
رامز\ ها احم انا مقصدش الى فهمتيه انا اقصد
نور ضاحكه فقال بعدم فهم \افهم ايه من الضحكه ديه
نور \انا واثقه فيك وعارفه انك بتحبنى انا كنت بهزر
.........
.....رحاب بضيق \ محتاره ومش عارفه اختار انهي
ايهاب \ كلهم اختارو الفساتين الا انتى يلا مفيش وقت
رحاب \ اعمل ايه طيب ...اقولك اختارلى انت
ايهاب \لازم انتى الى تختاري
رحاب اقتربت من فستان كان جريء فقال ايهاب بصدمه \ انتي اكيد اتجنني طبعا لا
رحاب اقتربت من فستان اخر واشارت له \ فقال بضيق \ فى ايه يارحاب قدامك فساتين كتير محترمه وكويسه
رحاب \ انا مش بعرف اختار
شيماء \ رحاب ياحبيبتى اليوم ده بيكون مميز ومبيتكررش فلازم الفستان يبقى عجبك انتى
رحاب لمحت فستان منفوش له ديل طويل ومطرز \ حلو ده عجبنى
...................
بعد وقت طويل اختارو الفساتين والبدل بعدها عادول الى المنزل
دلفو الى المنزل بسعاده وذهب كل واحد الى غرفته ليتلقو الصدمه
حازم دلف الى غرفته لينصدم \ ايه ده هو فين سريري ودولابي انا اتسرقنتت
خرج حازم مسرعا من الغرفه ليلمح ايهاب الغاضب فاقترب منه \ مالك في ايه
ايهاب \ انا اتسرقت السرير والدولاب ومكتبى كل اتسرق حتى هدومي مش موجوده
حازم \ انا نفس الحكايه الاوضه فاضيه مفيهاش حاجه مستحيل بيت عبد اللطيف اتسرق ده حدث تاريخي
محمد اقترب منهم ضاحكا \ انتو بجد فظاع
حازم بضيق \ انت بتضحك ليه ان شاء الله
ايهاب \ هتلاقيه اتسرق هو التانى فاتجنن .....يحنن ياحبيبي اتكل على الله
محمد وقع على الارض من الضحك وقال \ انتو هتنامو على الارض النهارده
ايهاب \ يا برودك ياشيخ اتسرقنا وانت بتضحك
.......
نور وولاء دلفو الى غرفتهم لينصدمو \ احنا اكيد دخلنا اوضه تانيه
ولاء رات ورقه معلقه وحولها الورود فقرات المكتوب على الباب \ رامز ونور
نور بسعاده ظلت تتطلع بالاثاث \ يعنى الاوضه ديه اوضتى الله دي حلوه اوي
ولاء نظرت لتري تلك الستائر ذات الوان مبهجه والسرير المغطي بالورود ومزين
اقتربت من نور \ ايه ده مين اللى عمل كل ده
نور هزت كتفيها بمعنى \ معرفش
ولاء بضيق \ طيب انا هنام فين دلوقتى وفين هدومي والاسكتش
نور بتفكير \ تعالى ندور واكيد هنلاقى اوضه مكتوب عليها اسمك انتى وحازم
خرجو مسرعين من الغرفه وظلو يبحثو ليجدو غرفه مكتوب اسم ولاء وحازم فدلفو الى الغرفه
ولاء لمحت لوحات والوان ومكتب صغير بالجنب فركضت عليهم وقالت بسعاده \ الله مين الى جاب ده
نور\ يابنتى شوفى الاول الاوضه
ولاء \مش مهم الاوضه المهم اني بقا ليا مكان ارسم فيه ولوح كمان ديه كانت بالنسبالى حلم
حسن اتى من خلفها \ عجبكم
ولاء اقتربت منه \ انت الى عملت ده
حسن \ انا قولت لازم اوضكم هى الى تتعمل الاول وانا الى اشرفت على العمال
نور بسعاده \ بجد شكرا اوي يابابا
ولاء \انت الى جبت الوح والالوان
حسن \ الصراحه لا جدك هو الى جابهم
............................
التم الجميع حول طاولة الطعام فقالت ولاء \ طيب دلوقتى هنام فين
عبد اللطيف \ انا جاهزت اوضه لولاء ونور ورحاب واوضه تانيه للشباب
هيام \ بعد الاكل كله يطلع ينام علشان هتصحو بدري
حازم نظر لولاء \ بقولك ايه من دلوقتى لو شوفتك حطه ميكب مش هيحصل طيب
ولاء \ انا حره اعمل الى عايزاه انت مش هتجبرنى
حازم بضيق \ ولاء لمي الدور والاسلوب ده يتغير انا مبحبش اقول كلمه متتسمعش
حسن \ انت الى لم الدور ابوها قاعد وانت بتعلى صوتك عليها وكمان لسه فى حكم المخطوبين امال لما تتجوزها هتعمل فيها ايه
حازم \ ياعمو انا بغير عليها
حسن \ التفاهم بيبقى بالعقل كل بعقلها حلاوه قولها كلمتين حلوين مثلا انتى حلوه من غير ميكب فتقنعها لكن باسلوبك ده هتعند
ولاء نظرة لوالدها \ هو انا بنتك ولا هو
حسن \ ياحبيبتى بانصحه هو ابن اخويا بردو ولازم اعرفه ان طريقته ديه غلط
شيماء \ حازم معروف من زمان بانه عصبي وبينفذ بس الى على مزاجه
ولاء بضيق \وانا كمان هعمل الى انا عايزاه ولو مش عجبك يبقى بلاها الجوازه ديه
حازم بهدوء \ انتي عارفه انى بحبك والى بيحب بيغير لو انا قولتلك حطي ميكب والبس براحتك يبقي انا مش بحبك
ايهاب بتذكر \ صحيح ياجدو هو احنا مش هنطلع شهر عسل
حسن ابتسم \ متقلقوش جهزنالكم كل حاجه
هند \ انا الحمد الله شبعت
ماذن \ انتى ما اكلتيش حاجه
هند \ لا مش جيلى نفس
ندي بمزاح \ لحسن تكوني حامل
هند \ انتى عرفتى ازاى
شيماء بسعاده \ انتى حامل ياهند
هند بابتسامه \ ايوه انا حامل ولسه عارفه امبارح
حسن بفرحه \ ياعنى انا هبقى جد
نور \ ايه الخبر الحلو ده
عبد اللطيف \ مبرووك ياهند
...........................................................
يوم الفرح.............
رحاب اقتربت من نور \ اصحي يلا يانور
نور فتحت عيناها وقالت بكسل \ هي الساعه كام
رحاب\ الساعه تسعه ونص
نهضت نور بتثاوب \ بس انا عايزه انام
ولاء \انا مش عارفه هي الفساتين اتاخرت كده ليه
رحاب \ زمانها جايه متقلقيش
حسن دلف الى الغرفه \ بناتى الحلوين عملين ايه
ولاء \ بابا هى الفساتين وصلت ولا لسه
حسن \ مش عارف
نور لمحت فتاتان يقفان خلفه \ مين دول يابابا
حسن \ هيام قالت انهم كوافيرات على ما اعتقد
.عبد اللطيف اقترب منهم \ يلا يا حسن سيبهم يجهزو وتعالى معايا ورانا شغل كتير
اقتربت فتاه منهم \ يلا نبدء بمين
ولاء \ رحاب الاول هى الاصغر
رحاب \ طيب بس انا مش عايزه ميكب كتير
الفتاه \ لا لسه الميكب مش هيكون دلوقتى الاول ماسكات علشان الوش
.................بعد وقت طويل
استمعو لدق على الباب
نور فتحت الباب
رامز \ جيبنالكم الفساتين
حازم نظر له وغمزله فقال \ بس غيرناها وجبناهم على زوقنا
نور بضيق \انتو ازاى تعملو كده
ولاء اقتربت \ اعملو حسابكم لو الفساتين الى اختارناها مجاتش مفيش جواز
حازم اقترب منها \ هو انتى دايما كده تهددينى
ولاء \ ده الى عندي
حازم اقترب منها \ ماشي ياولاء انا بقى هوريكي
ليضع يد عند ظهرها واخري عند قدميها ليحملها على يديه لتصرخ \ نزلنى ياحازم
حازم \ علشان تحرمي
ولاء نظرت له \ هعضك والله العظيم
حازم \ انزلها بسرعه وقال \ اوف انتى تقيله اوي كده ليه
لتنصدم من جملته \ انا تقيله ماشي ياحازم
ركضت عليه ليركض هو بعيدا وهى ظلت تركض خلفه حتى ابتعد عنها فقالت فى سرها \ انا هوريك ياحازم
نور نظرت لرامز \ فين الفساتين
رامز \ والله هى ديه الفساتين احنا كنا بنهزر
.............
حسن اقترب منها \ شيماء انا غلط وعارف ده بس انا عايز فرصه واوعدك انى هكون زوج كويس
شيماء \ حسن متتعبش نفسك
حسن \ ياشيماء انتى بجد مهمه بالنسبالى ومحتاجك معايا
شيماء \ لو بتقول كده علشان الاولاد فخلاص الاولاد كبرو
حسن امسك يدها \ لا مش علشان الولاد علشان انا محتاجك معايا
شيماء\ حسن انا بجد مش قادره افكر
حسن \ علشان خاطري ادينى فرصه واحده بس اثبتلك انى بحبك وانى بجد عايزك معايا
شيماء بتنهيده \ ماشي ياحسن انا هديك فرصه
حسن \ يعنى سمحتينى خلاص
شيماء \ مسمحاك ياحسن وهحاول انسي وابدء من جديد
..................................................
كانت واقفه امام المراءه تنظر لنفسها فى ذالك الفستان والطرحه البيضاء التى تنسدل على ظهرها
نور اقتربت منها \ انا مش مصدقه انى اشوفك قدامي ولبسه فستان فرح
ولاء نظرت لها \ نور انا عايزه اقولك حاجه
نور \ حاجة ايه ياولاء
ولاء احتضنتها \ربنا بيحبنى لانك تؤمي ربنا كان ليه حكمه لان انا كنت ضعيفه ولو كنت لوحدي كان زمانى دلوقتى متجوزه عماد وحياتى مدمره لكن انتى نصي التانى قوتى لما بشوفك بطمن لما بتبعدي بحس بالضعف والخوف انتى الى هربتينى والى جبتينى هنا انتى سبب سعادتى انتى بالنسبالى مش اخت وبس لا انتى امي الثانيه ربنا يخليكى ليا وميحرمنيش منك ابدا
نور ابتعدت لتلمح تلك الدموع التى على وجنتيها
فمسحت دموعها وقالت \ انا مش قويه زي ما انتى فاكره انا بقيت قويه علشانك علشان احميكي واحافظ عليكى وابعدك عن شر كنتى ممكن تقعى فيه وكان هيدمرلك حياتك .....انتى اختى وبنتى واهم حاجه عندي وبحمد ربنا اننا قدرنا نخلص من عماد الى كان مسببلك رعب فى حياتك دلوقتى انتى هتتجوزي واحد بيحبك وهيحافظ عليكى وهيحميكي ودي امنيتى الوحيده انك تكوني مع الشخص الصح
رحاب بزعل \ طيب وانا محدش بيحبنى
نور وولاء ضحكو واحتضنوها فقالت نور \انتى بقى بنتنا الصغيره الى خطفت قلبى اول لما شوفتها انتى طيبه اوي يارحاب وبجد انا مبسوطه انا عندي اخت زيك
حسن دلف الى الغرف ببدلته السوداء ليلمحهم وهم محتضنين بعض فابتسم بسعاده \ ربنا يخليكم لبعض
نور التفتت له فقال \انا مش مصدق انى هسلم بناتى لعرسانهم اللحظه الى بيستناها كل اب
نور احتضنته
حسن ابتسم \ يلا العرسان واقفين تحت ومستنين
ولاء \ وحازم واقف تحت
حسن \ كلهم واقفين تحت يلا اجهزو بسرعه
..........................
حازم بتوتر \ هوا انا قلقان كده ليه
رامز \ علشان ده يوم بيكون يوم مصيري هتغير حياتنا كلها مع اشخاص نكمل حياتنا معاهم
هند \ بصولى هنا عايزه اصوركم
رامز وقف ووضع يده على كتف حازم لتلتقط الصوره
فقالت بمرح \ صوره كمان يلا
حازم وضع يديه وكانه ممسك بمسدس واسند ظهره فى ظهر رامز الذي فعل مثله بالظبط ورفع حاجبيه لتلتقط الصوره وهى تضحك عليهم \ كفايه كده
ايهاب \ هما اتاخرو كده ليه
هند لمحت حسن وهو محتضن يد نور وينزلو من على الدرج \ العروسه وصلت
التفت رامز ليمحها بذالك الفستان لينظر لها بذهول واقترب منهم وقال بعدم تصديق \انتى مين
نور بوذت \ عريس مش عارف عروسته
رامز \ لا عريس شاف حوريه طلعه من البحر وقفت قدامه بفستانها الى كانه معمول ليها مخصوص لو تعرفى انا شايفك ازاى
نور بخجل \ خلاص يارامز
رامز التقط يدها وقال \ انا خايف انى اكون بحلم حتى لو حلم مش عايز افوق منه عايز بس افضلك ابصلك
نور بخجل \ انت بتكثفنى بكلامك ده
حازم بقلق \هى ولاء فين
حسن ممسك بيد رحاب المبتسمه وخجوله فى نفس الوقت ونزلو الى الاسفل
ايهاب اقترب فقالت \ الفستان حلو
ايهاب \ الفستان حلو بس علشان انتى الى لبساه
حازم \ هو فى ايه انت ليه مجبتش ولاء
حسن \ كنت هنزلها لكن قالت ان رحاب تنزل الاول شكلها مش عايزه تنزل
حازم \ طيب معلش ياعمو اطلع جيبها
هيام ضاحكه \ يابنى مش كده
حازم بضيق \ لو مطلعتش هطلع انا
حسن \ يابنى اريح شويه انا طالع نازل راعي سنى
حازم نظر له \ طيب عن اذنكم
حسن لمح حازم وهو صاعد الى الاعلى وذاهب لغرفتها
نظر لهيام \ ده اتجنن ولا ايه
..............صعد اليها وذهب الى غرفتها ليري الباب مفتوح وهى جالسه ترسم فتافف \ انتى قاعدة هنا وانا مستني تحت
ولاء اقتربت منه\ انت اازاى تدخل هنا
حازم نظر لها ليصفر باعجاب \ايه الجمال ده
ولاء \ انا مش نازله
حازم \ نعم يعنى ايه ده ان شاء الله
ولاء \ الى انت سمعه مش نازله
حازم \ انت الى جبتيه لنفسك
اقترب منها ليحملها ولاء \ نازلنى حالا
حازم لم يستمع لها وخرج من الغرفه ونزل لها ليهمس الناس ومنهم من يضحك
حسن \ ايه الهبل ده
هيام ضاحكه \ معلش ياحسن الحب بيعمل اكثر من كده
حسن \ حب ايه ونيلة ايه
ولاء\ نزلنى ياحيوان الناس بتضحك عليا
حازم \ اقسم بالله لو سمعت صوتك انا هفضل شايلك طول الفرح
ولاء \ يا سلام مش كنت تقيله
حازم \ انتى مينفعش حد يهزر معاكي يعني
ولاء \طيب علشان خاطري نزلنى
حازم انزلها ليصفق الحاضرين
ولاء بزعل \ عجبك الشو الى عملته ده الناس هتقول عليا ايه
حازم \ ولا حد يستجري يتكلم عنك ده انتى مراتى
ولاء \لسه مبقتش مراتك
حازم بتذكر\ طيب كويس انك فكرتيني
ليمسك بيدها ويدهب الى الماذون \ يلا اكتب الكتاب
حسن \ يابنى انت ايه مستعجل دايما
حازم \ ياعمو بنتك مش هتقتنع بيا الا لو اتجوزنا ساعتها هتتاكد انى جوزها
رامز ضاحكا \ ايوه وانا كمان علشان الحلم يبقى حقيقه
ايهاب \ انا الاول انا الاصغر
حسن \ رامز ونور الاول
حازم \ ديه كوسه بقا
حسن \ اتلم ياولد عيب كده
..................................................بعد كتب الكتاب
رامز اقترب منها وقال بتسائل \ هو انتى حبتينى امتى
نور \ يعنى لما جيت قولتلى انى هبقى مراتك حسيتك مجنون شويه ولما جيت الاوضه وقولتلى انك بتحبنى وانك قلقت عليا
رامز \ انا فعلا مجنون بحبك
نور \ هو انت حبتنى ليه
رامز ضاحكا \ هتصدقينى لو قولتلك انى بجد معرفش بس اول لما لمحتك حسيت احساس غريب بقى عندي فضول اعرفك اكتر
نور \ بس ازاى كنت متاكد انك هتتجوزني
رامز امسك يدها \ لاني حبيتك وقلتلك الى اتمنيته والحمد الله الامنيه اتحققت وبقيتى مراتى
..........................................
لمحها من بعيد فذهب وجلس على نفس الطاوله وقال \ انتى ايه الى جابك هنا
سميره بهدوء \ رامز هو الى عزمنى
توفيق بعدم تصديق \رامز الى مش عايزك ومش مسامحك هيعزمك انتى ليه
سميره \ رامز وهند سمحونى
توفيق \مستحيل يسامحوكي على الى عملتيه
سميره \ انت نفسك انهم ميسامحونيش انت السبب فى كل حاجه انت الى كرهتهم فيا
توفيق \انا معملتش حاجه هما شافو بنفسهم امهم الى بعتهم علشان سفريه تبع شغلها فضلتى الشغل عليهم
سميره \ انت السبب انت لو كنت ادتني حريتى وخلتنى اتنفس شويه وعمل الحاجه الى بحبها مكنش كل ده حصل
توفيق \ انتى السبب لاني كنت بحبك ومحبش حد يشوفك او يبصلك
سميره بغضب \حب ايه الى تدمرني نفسيا حب ايه الى يخلينى ادخل فى حالة اكتئاب بسببك
توفيق \ يمكن غلط بس انتى بردو غلطى
سميره \انا غلط واعترفت بده بس انت بقى معنكش الجراءه انك تعترف انك غلط
هند اقتربت منهم \ انت بتعملو ايه مش وقته الكلام ده ده فرح ابنكم
توفيق \انتى الى عزمتيها
هند \ انا ورامز سمحناها ونسينا اي حاجه وحشه عملتها
توفيق \ ازاى متقولوش على حاجه زي ديه
هند بضيق \ كفايه بقى لو سمحتم لو عندكم اي كلام تقولوه يبقي مش هنا
سميره \ انا معملتش حاجه هو الى جيه يكلمنى
هند \ طيب اقعدو هاديين شويه (رحلت من امامهم )
سميره \ توفيق ممكن لو سمحت تنس اي حاجه دلوقتى وخلينا نفرح مع ابننا
توفيق \ حاضر ياسميره
....................
ولاء ممسكه بيد نور يرقصون حتى وقعت عيناها على شخص لتقف وتنظر له بصمت
نور نظرة لها \فى ايه يا ولاء
ولاء اشارت بيدها \ بصي هناك
نور لمحته يقترب منهم فقالت \ انت عايز ايه وايه الى جابك هنا
رامز التفت هو وحازم ليلمحوه واقف ينظر لهم
سليمان \ جاي ابارك ليكم هو انا مش خالكم
نور \ لا مش خالنا ولا نعرفك حتى
ولاء \انت جاى دلوقتى ليه
سليمان \ جاي اعتزر واطلب منكم تسامحونى
نور بسخريه \ نسامحك على ايه ولا ايه ولا ايه
ولاء \نسامحك على انك قتلت امنا
سليمان بصدمه \ انا قتلتها ياولاء
ولاء بحزن \ ايوه قتلتها لما جينالك وقلنالك امى هتعمل عمليه ومحتاجه فلوس وانت رفضت رغم كان معاك بس استخسرته فى اختك
نور \قولى انت نسامحك ازاى وانا كل اما افتكرك مبفتكرش غير ضربك ليا واهانتك لينا قدام الناس عايزنى اسامحك ازاى وانا كنت بقع قدامك ويغمي عليا وانت مبتتهزش وتقول هتقوم زي كل مره... مسالتش نفسك انا بيغمي عليا ليه ......انا عندي مشاكل فى القلب وكنت ممكن تقتلنى بسبب ضربك ليا وياريت بتضربنى بسبب لا ده غل جواك بتطلعه فينا كرهك لامي عماك رغم انها معملتش حاجه
ولاء بدموع \ نسامح على انك سببتلى رعب فى حياتى بسبب ابنك و نظراته المنحطه ورغم كده متكلمتش بيدخل اوضنا من غير اذن وبردو ساكت وكنت عايز تجوزهولى وانت عارف انى مش عايزاه عمري مهنسي الذل الى عشناه معاك احنا هنا حسينا بالى انت حرمتنا منه
سليمان \ انا عارف انى غلطان بس انا عايزكم تسامحونى
نور \ صعب اوي للاسف انا مش فاكرالك اي حاجه تشفعلك عندنا
سليمان \ انا خليتكم تكملو تعليم رغم انى كنت رافض
نور\ انت عملت كده مش علشانا انت عملت كده علشان امي كتبتلك الارض الى كانت باسمها
سليمان نظر فى الارض بخجل \ انا عارف انى قسيت عليكم بس كنت فاكر انى بكده هقدر احافظ عليكم كنت خايف تهربو وتعملو زي امكم
ولاء \ امي معملتش حاجه غلط امي اتجوزة الانسان الى بتحبه
حسن بغضب \ انت ايه الى جابك هنا هو انا مش قولتلك ابعد عنهم
سليمان \ انا عايزهم يسامحونى انا بقيت وحيد ابنى مسجون ومراتى سابت البيت وبقيت خايف اموت وهما مش مسمحنى
نور مسحت دموعها وقربت منه \ انا هسامحك بس ده علشان مراتك لانها السبب فى اننا نكون هنا دلوقتى
سليمان \ انا خالك ولو غلط فده كان خوف عليكم انا مش بكرهكم انا بحبكم
ولاء بسخريه \ احنا عمرنا ماشوفنا حبك دايما بنشوف كرهك
سليمان تنهد \ ربنا بحنن قلوبكم عليا ياولاد اختى
رحل سليمان من امامهم والحزن بادي عليه
..........
ولاء ببكاء \انا كنت مصدقت انسي
حازم مسح دموعها\ خلاص علشان خاطري
ولاء \ .......
حازم اقترب منها \ مش عايز اشوف دموعك تانى مفهوم
ولاء ابتسمت بين دموعها فقال \ ولاء انا بحبك وبجد من ساعة مشوفتك وانا كل حياتى اتغيرت
ولاء \ وانا كمان بحبك ولما بكون معاك بحس بالامان
حازم بسعاده \ انتى احلى حاجه حصلت فى حياتى واوعدك ان هفضل جانبك وفى ظهرك وهحافظ عليكى
...
رامز امسك يدها وقا لت \ ممكن متفكريش فى اي حاجه غيري
نور \ ربنا يخليك ليا
رامز بحب\ ويخليكى ليا يانور قلبى
نور \ انا بجد بحبك يارامز انت دايما بتقف جمبيى بحسك دايما حوليا
رامز ابتسم بسعاده واقترب منها وقبل راسها \ وانا بحبك اوي يانور واوعدك انى مش هبعد عنك ابدا وهفضل جنبك
............
حسن نظر لهم بسعاده ثم خرج للفرانده وظل بتطلع بالسماء بهدوء ثم اغمض عينه واسند ظهره بالحائظ وتنهد \ النهارده يوم مميز بناتك بيتجوزو انا عارف انك اكيد مبسوطه ..........بحزن /اسف على كل حاجه سمحينى بس صدقينى هتفضلي جوه قلبى عمري مهنساكي هفضل احبك لاخر يوم فى عمري
شعر بيد على كتفه فالتفت ليلمح ولاء ونور
نور\ وحشتك مش كده
حسن ابتسم بحزن \ شاديه مكنتش مجرد زوجه كانت امي مكنش فى حد زيها لما بتبصلى بتعرف انا مالى من غيرها توهت
ولاء بتنهيده \ كلنا توهنا كانت سند لينا من غييرها معرفناش نعيش ملقناش حد يحن علينا زيها الدنيا قست علينا كتير مكنش قدامنا غير اننا نهرب والا كنا ممكن نتكسر
نور ظلت تتطلع حولها بهدوء \ توهنا كتير حاولنا نلاقى سند بس ملقناش اتظلمنا كتير لحد لما وصلنا هنا لقيا الحضن الي كنا مفتقدينه واخيرا ارتحنا ولقينا الى كان ضايع مننا

..............قلوب حائره هو ليس باسم بل وصف مرو به ابطالنا اتظلمو من اقرب الناس قلوبهم اتكسرت وسندهم راح تاهو فى دنيا ملهمش حد فيها قررو يهربو ويدورو على السند والامان الى نفسهم فيه
وصديقه خانت الامانه والعيش والملح ودمرت اسره وفرقت اب عن ولاده
........واب عمره بيضيع وهو بيدور فى كل مكان على بناته ومراته محدش حس بوجعه وهو حابس نفسه فى اوضة الزكريات
وبعد وقت طويل لقو اخيرا السند والاهل والاخوات والاحباب ضحكتلهم الحياه
واخيرا وصلو لبر الامان وحضن الاب ال اتحرمو منه ....النهايه
تم بحمد الله ♥♥♥