قلوب حائره

الحلقه خمسه وعشرين

.
الحلقه الخامسة والعشرون
هيام التفتت له وقالت بابتسامه \ اهلا وسهلا بحضرتك
لينهض ويمد يده ونظر لها بابتسامه \ ازيك ياهيام
هيام نظرت له بصدمه نعم هو نفس الصوت لم تنساه مطلقا شكله تغير قليلا ولكن تعرفت عليه
هيام خانتها عبراتها وقالت \ انت ....
خالد \ كنت عارف انك هتعرفيني
حاولت جاهده بان تتماسك فقالت بصوت متحشرج \انت عايز ايه
عبد اللطيف \ جاي يسلم علينا كثر خيره بردو
لمحته ينظر لها ويدقق فى ملامحها فقالت بسخريه \ كبرت مش كده
خالد بابتسامه \ زي ماانتى متغيرتيش طول عمرك حلوه
هيام بعصبيه\ انت ايه الى رجعك
خالد \ انا مكنتش متصور ان رجوعي هيضايقك
هيام بحزن\ رجوعك مش فارق معايا
خالد \ليه كل ده يا هيام
هيام بتوتر \ وياتري جاي مع مراتك
خالد نظر لها \ الله يرحمها اتوفت من سنتين
هيام ابعدت وجهها عنه وقالت \ انت عايز ايه ورجعت ليه
خالد \ هيام انتى الى اخترتي وانا عمري كان بيجري كان لازم اتجوز
هيام ضاحكه بسخريه وكانها تحاول اخفاء حزنها \ انا مش فارق معايا تتجوز ولامتتجوزش
خالد بحزن \ هيام انا عمري منسيبتك
عبد اللطيف بعصبيه \ انا دلوقتى الى بقولك عايز ايه راجع تسال علينا فعلا ولا جاي لغرض تانى
خالد \ انا كنت جاي علشان عايز اتجوز هيام عايز اكمل حياتى معاها
هيام انهمرت الدموع من عينيها \ اسفه جيت متاخر
خالد بعدم فهم \يعني ايه
هيام مسحت دموعها وقالت بحزم \ يعني مرفوض
خالد بصدمه \ ليه مرفوض ...عايزه تقنعينى انك مبتحبنيش طيب لو مبتحبنيش متجوزتيش لحد دلوقتى ليه
هيام يدموع \ لان الى قدامي ده انا معرفهوش الى حبيته واحد لسه فى اواخر العشرينات وانا كنت لسه يادوب طالبه فى الجامعه
خالد بسخريه \ انا نفس الشخص
هيام بحزن \ بس انا اتغيرت انا كبرت مبقتش نفس البنت الى سبتها
خالد \ بلاش نضيع وقت ياهيام خلينا نعيشلنا يومين خلينى اعوضك عن كل الى اتحرمتى منه
هيام \ ياه وانت لسه فاكر دلوقتى
عبد اللطيف ينظر لابنته بحزن
فقال خالد \ هيام ارجوكي .....
هيام بحزم \ الكلام انتهى اتمني انك ترجع مطرح مكنت
خالد بعدم تصديق \ انتى بتقولى ايه
هيام لم تستمع اليه وذهبت من امامه بسرعه
خالد \ هيام ديه تانى مره تختاري تبعدي

.................
خرج حازم من مكتبه لمح ولاء فاقترب منها \ خلصتى الشغل
ولاء تجاهلته وكادت تبتعد ولكن اوقفها قائلا \ هو انا مش قولت اما اتكلم تقففى
التفتت له \ عايز ايه
حازم \ في ايه مالك
ولاء بتافف \انجز انا مش فضيالك
حازم \ انتى بتكلمينى كده ليه
ولاء بغضب \ انا حره اتكلم زي ما انا عايزه شيء ميخصكش
حازم \ انا عمري مشوفت فى حياتى كده ابقى انا السبب فى الامله الى انتى فيها وتكلميني كده بدل متشكرينى
ولاء \ انت معملتش اي حاجه علشان اشكرك عليها
حازم \ انتى بت مستفزه وناكرة الجميل
ولاء بتافف \وانت رخم
حازم بعصبيه \ انتى شايفه نفسك على ايه متنسيش انك كنتي خدامه وعايشه عندنا شفقه مش اكثر
ولاء اتعصبت \ انت انسان مش متربى وتصدق بقى انا هقول لعبد اللطيف بيه على البنت الى شوفتها فى مكتبك
حازم قرب منها وامسك معصمها بقوه \اخرتها واحده زيك من الشارع تهددني
ولاء ابعدت يده بقوه وقامت بصفعه وقالت بصراخ \ انت احقر انسان شوفته فى حياتى
ابتعدت بسرعه وهى تبكى اما هو ظل واقف لم يستوعب الامر بعد هل قامت بصفعه
حازم بغضب\ ماشى ياولاء هتشوفى انا هعمل فيكى ايه
.............
نور دلفت الى مكتب رامز
نور \ انا خلصت شغلى
رامز رفع نظره لها ونظر لها نظره طويله ثم ابتسم وفتح درج المكتب والتقط مستند ورماه امامه على المكتب \ اتفضلى خلصى الملف ده
نور \ بس انا خلصت ولازم امشي
رامز \ انا كلامي هنا يتسمع ومفيش نقاش
نور اتعصبت \ هو فى ايه يارامز انت بتعقبنى
رامز بصوت جهوري \ ياربت يا انسه لما تكلمينى تقولى استاذ رامز انا هنا مديرك
نور دبدبت على الارض بغيظ\ انا عارفه ان شغلى هنا هيجبلى الضغط
رامز ابتسم ولكن اخفاها سريعا وقال ببرود \ اتفضلى على مكتبك
نور بتافف \ هو انا مش هروح
رامز \ احنا هنا فى موعيد عمل رسميه مينفعش نتخطاها
نور التقطت الملف بضيق وخرجت واغلقت الباب خلفها بقوه
ابتسم رامز \ استنى عليا ده انا هجننك
فى بيت عبد اللطيف

ايهاب واقف على باب غرفة هيام وقال بقلق \ ماما انتى كويسه
هبام \ ..........
ايهاب \ ياماما علشان خاطري افتحي بلاش تقلقينى عليكى
هيام بصوت متحشرج \ سبنى دلوقت يا ايهاب
ايهاب نزل الى الاسفل ليجد جده فقال \ هو ايه الى حصل ماما مش عايزه تخرج من اوضتها
عبد اللطيف بتنهيده\ سيبها دلوقتى هي محتاجه تقعد لوحدها
ايهاب \ يعنى ايه اسيبها صوتها باين انها معيطه
عبد اللطيف \متقلقش هيام قويه شويه وهتنزل
ايهاب بقلق \هو ايه الى وصل ماما للحاله ديه
عبد اللطيف \ هتعرف كل حاجه بس مش دلوقتى
حازم اتى من بعيد \ جدو كنت عايزك فى موضوع مهم
عبد اللطيف \ خير
حازم \ انا ...انا عايز اتجوز فريده.......
عبد اللطيف بضيق \ لسه بردو بتفكر فيها
حازم \ ايوه ياجدو انا بحبها وهى بتحبني
عبد اللطيف بتافف \اعمل الى انت عوذه
ابتسم \ بجد ياجدو
ايهاب بغيظ \جواز ايه دلوقتى الى بتفكر فيه وماما فوق قافله على نفسها ومش رديه ترد على حد
حازم بقلق \ ليه هو ايه الى حصل
عبد اللطيف \ بقولكم ايه انا تعبان ومش قادر اتكلم
حازم \ متقولنا يا جدو فى ايه
عبد اللطيف نهض من على الكرسي \ انا طالع اوضتى ومش عايز دوشه
نور وولاء دلفو الى المنزل
حازم لمحها ونظر لها ولكن ولاء تجاهلته
ايهاب \ هنعمل ايه دلوقتى هنسبها زعلانه كده
نور \ مين الى زعلان
ايهاب \ ماما قافله على نفسها ومش عارفين مالها
ولاء نظرت لنور \ تعالى نشوفها
حازم جز على اسنانه \ لا ملهاش لازمه هي كده كده مش هتفتحلكم
ولاء بتحدي \ يلا يانور نطلعلها
نور وولاء صعدو الى غرفة هيام دقو على الباب تحت انظار حازم وايهاب
هيام \ سيبوني لوحدي
ولاء بقلق \ ممكن تفتحي احنا عايزين نطمن عليكي
هيام \ سيبوني ...
نور \ احنا مش هنمشي من قدام الباب الا لما نطمن عليكى
هيام مسحت دموعها واقتربت من الباب وفتحته
ولاء بخوف \ انتى كويسه
هيام \ انا كويسه متقلقوش
ايهاب اقترب منها واحتضنها \ ماما مالك ايه الى حصل
حازم هو الاخر احتضنها
هيام ابتسم \ للدرجادي خايفين عليا
حازم \ انتى اهم حاجه فى حياتنا
هيام بدموع \تعرفو انى بحبكم قوي
نور \ الحمد الله اننا اتطمنا عليكى
فى غرفة رحاب
كانت جالسه على الاريكه محتضنه قدميها تفكر فى عرض ايهاب
هند بابتسامه \ بتفكري فى ايه يا رورو
رحاب \ ايهاب عايزنى اديلو فرصه
ندي \ وانتي قولتيلو ايه
رحاب \قولتلو سيبنى افكر
هند نظرت لندي ليضحكو سويا
رحاب لوت بوذها \انتو بتتريقو عليا
ندي \ حبيبتى ايهاب بيحبك بجد
هند \ وافقى ومش هتخسري حاجه
رحاب بحيره \ انا مبقتش عارفه اعمل ايه
ندي \ اقولك صلى استخاره
رحاب \ طيب بس بردو حاسه انى قلقانه
فجاءه رن هاتف رحاب فالتقطت الهاتف لتري رقم غريب
ندي \ مين
رحاب باستغراب\ مش عارفه رقم غريب
هند \ ردي شوفى مين
ندي \ لا لو رقم غريب مترديش
هند \ اسمعي كلامي انا وردي
رحاب اجابت \ الو مين معايا
...\ واحشتينى يارحاب
قفزت بسعاده \ بابا..........
..........
مستنيه ارائكم