قلوب حائره

الحلقه العشرين

الحلقة العشرون
ايهاب بصراخ \ امك ماتت واوعى تنسي ده
حازم اقترب منه وقام بصفعه امام الجميع ثم امسكه من قميصه وقال \ ايوه فاكر بس انت اللي نسيت ان عمتك هي الوحيده الي اهتمت بينا ورعتنا ومن غيرها كنت فعلا هتحس باليتم
هيام بخوف \ سيبه ياحازم علشان خاطري
حازم تركه وقال بحزن\ ايه الى جرالك كل ده علشان ايه
ايهاب بحده \علشان الانسانه الوحيده الى حبتها مش شايفانى انا بس شايفاك انت
حازم بعصبيه| انت اغبى انسان شوفته فى حياتى
هيام / بس بقى كفايه كده ايهاب اطلع اوضتك واعتبرنى انا كمان مت علشان ترتاح
رحل ايهاب من امامهم
هيام بدموع / انا عملت ايه علشان يحصل كل ده
حازم احتضنها / سبيه انا هتصرف معاه
عبد اللطيف نهض من مكانه وقال بغضب / انا متكلمتش بس علشانك انتى بس لو حصل ده مره تانيه انا هكسر دماغه مفهوم تصبحو على خير
ولاء بتفكير \ هو ليه حبيبه فعلا
نور بشك\ وانتى مالك انتى
ولاء \ انا بس عايزه اعرف
نور \ ليه مهتمه تعرفى كل حاجه عنه
ولاء \ هو مش ابن عمي
نور وهى تنظر حولها وقالت بحده \ انتى اتجننتى افرض حد سمعك
ولاء \ يووو هو حرام اتكلم
نور \ ولاء امش قدامى انا مش ناقصاكي
هند \ ازيكم
ولاء \ كويسين الحمد الله
هند \ها عاملين ايه مرتاحين هنا
ولاء بضيق \ هو في حد يرتاح مع الست مورجانا
هند ضاحكه \ عارفه انها لا تتطاق
نور \ ربنا يصبرنا عليها
هند \ يلا روحو نامو علشان بكره يوم طويل
ولاء \ اشمعنه
هند \ بكره فى حفله بمناسبة حمل ندي
نور بابتسامه \ الف مبرووك
هند \ الله يبارك فيكى
صعدو الى غرفتهم ومددو على السرير
ولاء بهمس \ نور انتى نمتي
نور \ لا مش جيلى نوم
ولاء \ نور انا مش مرتاحة خايفه اوي
نور احتضنتها \ وانا والله مش مرتاحه بس نعمل ايه قدرنا
ولاء بحزن \ مش عايزه اشتغل فى المطبخ تانى
نور\ معلش استحملى
ولاء \ شكله مش راجع وهنعيش حياتنا كلها خدامين
نور بتفكير \ تحبى نمشي ونسيب البيت
مورجانا بصوت عالى \ الصوت عايزين ننام
ولاء بهمس \ مش عارفه بس الى اعرفه انى مش طايقة مورجانه
نور ضاحكة \ وحياتك وانا مفيش حد عاقل يطيقها
مورجانه بحده \ قولت نامو ايه مبتسمعوش
نور \ اهدي ليطقلك عرق
ولاء \ خلينا ننام ياستى انا مش ناقصاها
.............فى غرفة ايهاب
دلف حازم الغرفه ليراه ممدد على السرير فاقترب منه \ قوم عايز اتكلم معاك
ايهاب \ يووو بقى سيبنى انام
حازم جذبه من يده \ قوم مفيش نوم غير لما نتكلم
ايهاب نهض بصعوبه فاقترب حازم وجذبه من ياقة قميصه وتوجه الى الحمام وقف امام الحوض وفتح صنبور المياه ووضع راس ايهاب اسفل المياه
ايهاب بصراخ \ انت بتعمل ايه
حازم \ علشان تفوق كده وتكلمنى
ايهاب قام بابعاده وسحب فوطه ووضعها على شعره \ انت اكيد اتجنت
حازم \ انا اتجننت علشان خايف على اخويا
ايهاب بضيق \ حازم انا اسف بس كل الي قولته مقصدهوش انا بس مضايق شويه
حازم \ انا مش محتاجك تعتزر انا عايز افهم في ايه
ايهاب / صدقني ما فيش حاجه انا بس تعبان سيبني دلوقتي
حازم بضيق / ياه للدرجه دي بعدنا عن بعض ايه بقينا اغراب
ايهاب جلس علي السرير ينشف شعره
حازم /هو انا مش اخوك صحبك الي دايما تقول ملكش غيره ايه الي حصل بقي
ايهاب / ارجوك متطغطش عليا
حازم بخبث / لا ما انت لازم تقول لي مين دي الي وقعت ايهاب فاروق بجلاله قادره على جدور رقبته
ايهاب انتفض من مكانه وقال بتوتر / انت فاهم غلط الموضوع بس....
حازم وضع يده علي كتفه / قلي لي بقى مين دي اللي بتحبني ومش بتحبك
ايهاب بتنهيده / رحاب
حازم بضيق / كنت عارف....
ايهاب بقلق / طب وانت متضايق ليه اوعى تكون بتحبها
حازم / حب ايه انت التاني رحاب ديه زي اختى
ايهاب بقلق / يعني انت مخطبتهاش
حازم ضاحكا \ ياغبى بقولك زي اختى
ايهاب بعدم فهم / امال انتو كنتو مبسوطين اوي ليه
حازم / علشان للاسف انت هتبقى عم
ايهاب باستغراب \ انا ازاى ده
حازم بسخريه \ انا مغلطتش لما قولت عليك غبى
ايهاب بسعاده \ تقصد ان ندي مرات محمد حامل
حازم \ اخيرا فهمت
ايهاب بضيق \ انا شكلي عكيت الدنيا
حازم \ هي ديه اول مره
ايهام بحزن \ اسف والله ياحازم انت متعرفش انا بحب رحاب قد ايه
حازم بزعل \ لو بتحبها فعلا مكنتش هتزعلها
ايهاب \ تصرفاتها بتعصبنى اعمل ايه
حازم/ على فكره رحاب مش بتحبنى
ايهاب بلهفه / وانت عرفت ازاى
حازم / لان جدو قالها انها لازم تتجوز من العيله خوفا من ان حد يطمع فيها
ايهاب بتفكير / طيب ماهو انا من العيله بردو
حازم بغيظ \ ازاى وانت بتكلمها باسلوب وحش وديما بتجرحها
ايهاب / انا طلعت غبى
حازم \ ده حقيقي فعلا وانسي خالص انها تحبك
ايهاب بثقه /هعرف ازاي اخليها تتغير وتحبني بجد
حازم نهض وقال/ قبل اي حاجة عايزك تعتزر من عمتك ومتنيمهاش زعلانه
ايهاب بحزن / انا مش عارف ازاي قولت كده انا جرحتها كتير هي مستحيل تسامحنى
حازم/صدقني هتسامحك
ايهاب بتنهيده \ ربنا يستر بقى
حازم اقترب منه وقال بانذار \ والله العظيم لوشفتك بتشرب تاني لهعلقك يا ايهاب ولو مش خايف مني خاف من ربنا انت بكده بتغضبه فاهم
ايهاب اقترب من حازم واحتضنه /ربنا يخليك ليا يا حازم انا مش عارف من غيرك كنت هعمل ايه
حازم /انا اخوك ويهمني مصلحتك
ايهاب / وعد مش هيتكرر ده تاني
حازم / يلا تصبح على خير
ايهاب بابتسامة / وانت من اهل الخير
.........
تسللت اشعه الشمس على غرفه الخدم المتواضعه كان هناك شيء غير عادي
كانت نور نائمه والجميع ملتف حولها يهمسون بقلق
اما ولاء كانت ممسكه بيدها والرعب بادي على وجهها تحاول ايقاظها لكنها غائبه تماما كان وجهها شاحب وكان جسدها ينتفض بخوف فجاء انتفضت من نومها صارخه / ماما متسبنيش
ولاء بخوف /نور في ايه مالك انتي كويسه
نور فتحت عيناها ببطء لمحت الخدم ملتفت حولها و ولاء تنظر لها بقلق
فجاءه شعرت بيد تمسد علي شعرها بحنان فنظرت لها لتجدها هيام تنظر لها وقالت بقلق حقيقي /قلقتينا عليكي انتي كويسه ياحبيبتي
نور بتوتر /هو ايه الي حصل
ولاء ارتمت باحضانها وقالت بين دموعها /انا قلقت عليكي اوي فجاء لقيناكي بتترعش وعماله تنادي على ماما
نور بحزن /شوفت ماما الله يرحمها
ولاء / شوفتي ايه
نور انسالت الدموع على وجنتيهاوقالت ببكاء /ماما مشيت وسبتني بعدت عني كانها زعلانه مني
ولاء شددت من احتضانها وقالت بحزن/ ايه اللي حصل بس يا نور
نور وهي تمسح دموعها /شوفتها في الحلم بس كانت واقفه بعيد بنادي عليها لكنها مش سامعاني
ولاء بدموع/ الله يرحمها ويغفر لها
هيام اقتربت منهم واحتضنتهم /يا حبيبي ربنا يرحمها ادعولها
مورجانا اقتربت منهم/يلا علي الشغل بلاش دلع
هيام /اتكلمي عدل يامورجانه
مورجانه /مفيش وقت ياهيام هانم عندنا حفله النهارده
هيام /انتي مش شايفاها تعبانه
مورجانا / يا هيام هانم عندنا حفله النهارده ولازم الكل يكون جاهز
هيام بعصبيه / وانا لما اقول كلمه تتنفذ نور وولاء مش هيشتغلو النهارده فاهمه
مورجانه بقلق \ حاضر ياهيام هانم
هيام شاورت لخادمه \ عزه خدي بنتين معاكي وروحي نظفى الاوضه الى قولتلك عليها
مورجانا بتسائل \ ليه هو فى حاجه
هيام \ الاوضه ديه هتكون لنور وولاء
نور بصدمه \ لينا احنا
هيام مسدت على شعرها \ ايوه ايه مش عايزين ...اقتربت وهمست .. ولاتكونو حابين تقعدو مع مورجانا
ولاء بسعاده \ بجد هيبقالنا اوضه لوحدينا
ابتسمت هيام \ اكيد
موجانه بحقد \ اشمعنى يعني هما
التفتت هيام بعصبيه \ مورجانا لمي الدور مش عايزه اقلب عليكى وانتى عارفه انا ممكن اعمل ايه
كادت هيام تخرج من الغرفه ولكن عادت واقتربت من نور وقبلت راسها لتشتعل مورجانا غضبا
خرجت هيام من الغرفه
نور كادت تنهض لكن منعتها ولاء / انت رايحه فين خليكي مستريحه
مورجانه بغضب/لو فاكرين اني ممكن اسيبكم تبقو بتحلمو
....اسفه لو الحلقه قصيره