البارت54 من القصة الحقيقية #رجال_لاتعرف_الحب بقلمي #الكاتبة_شهناز_الخزعلي #Jaymin
وحدي اطلع بس طز لازم اروح ..لازم اتطلك بعد مااتحمل ...وصلت لبيت اخلاص....اخلاص اخترعت ضلت تباوع ورايه ماكو احد ...
_جاية وحدج بهذا الليل ؟
_لا اب ...لا ام عندي ...طلكوني منه ......تره اني ماغلطت بشي ....غلطتي ويه سرمد بسيطه ودفعت ثمنها غالي كلش ...غالي كام يجيب نسوان على فراشي ترضيها؟ماعدا الضرب والإهانة اني ...اني رجعت عبالي بي امل عبالي يتغير ...
_وشحابرج تتحملين ابقي هنا هذا بيتج منا لحد ما ينصلح حاله
_ماريدة ....ماريدة
_اصعدي نامي ويصير خير ......
يامن /رجعت للبيت ب٣بالليل لكيت الخاتون مموجودة تخبلت... بوجهي كبل طلعت لبيتها...
*جنت هستوني داريد انام دك الجرس ...وجهي صار كركم كمت على اخلاص....
شفتها كبالي "
_هذا...هذا جاي سكران ...
فتحت الباب و
اخلاص تصورت اذا ما اروح يسوي شهيرة بالمنطقه . .وكل كلامها قبل شويه تلاشى شهالحظ...من حجي منا ومنا ماعاد الي لازم احجي كل الي اسويه هو اسكت وابتلع همي بيني وبين نفسي واسكت هفففف ...رجعت وياه واني ال ممنونه ....احس نفسي احجي بدون اي جدوى ولازم اسكت ...
مرت الايام ويامن متخبل بس يهدد ويتوعد ويعاشرني ويكولي اله تحملين منا لحد ما ارجع من الموصل ويغيب بين١٠او٢٠يوم ومرات ٢٤يوم فد ارتاح كلش من يروح ويعوفني اني واني خايفه ومطكطكه لا احمل ...
ومرة رجع ... عصبي وروحه طاكه بخشمه ....كال بحديه"
_سويلي شاي ....
باوعت عفته وكمت سويت جاي ...جبته اله كال"
_اي ماكلتي؟ليش ماحملتي اخاف تشربين مانع حمل بعدج ؟ها احجي
_سويتها مرة .....مرة وحدة سويتها ابتليت ها؟ مؤاخذة وشنو تريدني احمل منك ها؟ من كد ما سعيدة وحضي كاعد كافي ....كافي يامن.....
_اش ولاحرف ولا كلمه انتي تنجبين....
لزم ايدي...
_احبج
سحبتها منه ...اشو هذا تخبل بالزايد كام جرها قوي وجاب قوري الشاي وذبه على ايدي ...كمت اصرخ ايدي احتركت من الحار كمت ابجي .....
اه
_بجر نروح للطبيبه اريد اشوف شنو وضعج...
هو يحجي وإني الوب ..الوب من الوجع ....جبت معجون أسنان خليت على الجرح..هو راح نام واني نزلت الصاله كعدت بالكاع ....ايدي وراسي على الطبله وغفيت ثاني يوم الصبح ...حسيت ب دفرة بخاصرتي....اه
_كومي خل نولي للدكتورة قبل مايجون اخوتي ولازم اروح بمكانهم.. ادبسز نايمه هنا .
باوعت عليه كمت غسلت وبدلت ...باوعت على ايدي شبعت قهر العالم تصحح بشكلها ويامن يخرب بشكلي...بدلت وطلعت جان هو بالسيارة ديخابر صعدت...ورحنا للمستشفى....الدكتوره اخذتني للفحوصات اني مابيه شي ؟؟؟؟ ف اضطرينا نحلل اني ويامن حتى نشوف من منو السبب .....وره ايام طلع التحليل وتم التاكد منه انه يامن مايخلف نسبته ضعيفه ...ماقبل مااقتنع تخبل ماكو رجال يرضى ينكسر ..ويطلع بي عيب هه...ماكو بسس اذا بالمره كبل ...كبل يطلكها لو يدوسها لو يطلعها ناشز ويروووح ..يروح والهوه وراه.... هه احنه احنه النساء مهمشات....هاي معاناتي نقطه ببحر بالنسبه لهواي نساء ...
اي يامن حصل على اكبر عقاب عقيم اضافه الى بي نسبه من الايدز ...الايدز الي كو بس يجي من الاكل الملوث....الايدز يجي من المعاشرة ....معاشرة النساء....الحرام...الحرام ياكل صاحبه تلقائيا امتنع من معاشرتي الحمد الله تخلصت منه ...اي ورحت لبيت اهلي ومناك طلعت لمستوصف جيكت اخاف بيه ايدز وشكد نسبته ... الحمد الله...ألحمداالله مابيه شي..رجع البيت اخلاص..لبيتنا واني انشال وانركع ....ملخت روحي مابقيت شي ماسويت......مارجع...مارجع لو يهجم المنطقه فوك روسنا مارجع ....بي ايدز ....
قررت اتطلق ....صدفه علاء جاي لبيتنا كاعد يسولف ويه اخلاص روحه واصله ل خشمه يبو هذا شجابه مجرد مادخل اختنكت بس .....فكيت عيوني ...اي هذا هو الخلاص.......الخلاص من يامن يارب....كمزت كتله "
_انت محامي
_لا احمس بصل
_لا طلكني ...
_ههه خل ازوجح وراها تدللين
_هههه لالا طلكني زوجي دمرني تعبني .....ليش يكولون ما النا احد
_تحجين صدك ..خادم اني انطيني معلومات وتعالي اكعدي خل اسولف وياج ...
ضلينا نسولف ونحجي سوة... حجيتله كلشي....
_اكلج اذا تبقين هنا هذا يستقوي بالزايد وانتي تردين تطلكين تعالي يم امي
_سلمى؟
_اي شبيج ....هو هم ينحسب بيت خالج مصطفى هههههه امي مطلعه عينه من الضيم وسجى هم موجودة يعني لمه كبيرة...
واذا تريد اخلاص خل تجي ...
_يمه اني اقابل هاي ام صماخ ...شجاب الحية على البطنج خليني ببيتي ...اخذها وروح هالمرة حجي علاء صح...
_زين لعد خل ابدل ... .
جمعت غراضي ورحت على بيت سلمى ....سلمى عيونها بحلقت من شافتني جايه زركت ...لالا والحلو غصت بالاكل بس ماتكدر تحجي شي يربي شراح تسوي بيه يبو ....بس هيه هم مستفيدة اني دمبك وراح تضل تدك بيه علج وتعلج بي ....بس مايخالف تهون بس كون اخلص من يامن ....اه ياراسي......احه خالي وحجيناله كلشي ....
ومن جانب ثاني زينب من عرفت اني يم سلمى استغربت.......
يمكن الصرة مالتنا مشمورة يمها .....عزاااا يلا هم سلمى ولا هم يامن ...وره مرور٤ايام يامن اجه ودك باب بيت خالي وتكاونوا سوة هذيج الكونه....وخالي طرد مصطفى .....وبلشت بقضيه الطلاق وجاري تنفيذه....شكد حاول يامن يكسب القضية بس ماكو فايدة واخيرا تطلقت هم وانزاح.......رجعت لبيت اهلي __________يتبع
رايكم البوم نامو مرتاحين ههههه لاتنسوا لايك تصويت اهمشي حتى استمر بالنشر تحياتي الكم متابعيني #الكاتبة_شهناز_الخزعلي #Jaymin
أنت تقرأ
رجال لاتعرف الحب(مكتمله)
Chick-Litهي فاتنه ...هو رجل بلا رحمة،اي؟عاصفة جمعت الخريف والربيع معا ؟ أجتماعية،حقيقية،واقعية بقلمي #الكاتبة_شهناز_الخزعلي Jaymin
