#ما بعد الحرمان

الفصل الأول

بسم بالله بهِ ابداء و بهِ انتهي...

مساء الخير و الحب و العافية أحبتي...

ان شاءالله ابدأ معكم قصة ( ما بعد الحرمان) مع بطلتي الصبوره نبحر معها في لحظات الحرمان من ابسط الاشياء و منها سند الأب و الأخ و الحياة المُرفهة
.
.
.
أنتظروني في فصولها القادمة
و لا تنسوا سروري و امتناني لكم من تصوتو و تشاركوني ارائكم الجميلة في القصة....

(الفصل الأول)

ما بعد الحرمان

بقلمي... شمس

💔💔💔💔💔💔💔💔💔💔💔💔

التنبه الدائم ، العمل ، الصراع ، الحرمان بشتى أنواعه ، هذه كلها شروط ضرورية لا يجوز لأحد أن يتجرأ على الحلم بالخروج منها ولو للحظة واحدة ، علينا كي نعيش بشرف أن نتمزق ، أن نسخط على أنفسنا ، أن نقاتل ، أن ننخدع ، أن نبدأ ونهمل ، ثم نعيد ونبدأ من جديد, وأن نحرم أنفسنا دوما ، فالطمأنينة دناءة في الروح.
- ليو تولستوي
______________________________________

القصة حقيقية
.
.
لفتاة اتعبتها الحياة
.
.
و اخذت منها اغلى ما لديها
.
.
و دارت بها الدنيا
.
.
و مسحت غيمة احلامها
___________________

راجعة من الدوام وصلت باب بيتنا الابيض
بس صاير لونه جوزي لان مزنجر!
فتحته و دخلت للبيت.
وصلت لباب المطبخ
شتميت ريحه الأكل افيش ترد الروح
شفت ماما تنظف بالخضرة ...

علا:ماما ميتة جوع شبيه الغده.

أم علا:هلا بنتي شلونج؟

علا: تعبانه كُلش الدروس فوگه فوگه
ما ينطون مجال نرتاح.

أم علا: هاي آخر سنة شدي حيلج حتى تخلصين.

علا:ان شاءالله لعد يوم وينها ؟

أم علا:داتصلي
روحي بدلي لمن تخلص صلاة و نتغده

علا:ماشي ماما.
رحت للغرفة شفت بيبي لابسه جادر الصلاة
كاعدة تسبح على سجادتهة
دنكت بست راسها
بدلت بملابس بيت تراك لونه اسود
بس لونه املح من الغسل

غسلت ورحت للمطبخ
هو عبارة عن سنگ صغير
و جهة كاونتر وحدة (هو لونه ازرگ)
بس شكد ما قديم يبين لونه ازرگ
على رصاصي

لكيت بيبي و ماما منتظريني اجي
تغدينه وراها رحت انام ساعة و اكعد اقره
بيبي تغسل المواعين و ماما يمهه يسولفون...

غمضت عيوني،
كلشي يدور براسي من احداث اليوم
بالدوام و الدروس..
راحت ذاكرتي للبعيدين عن العين و
القريبين من القلب
بابا
.
.
أخواني
.
.
أختي
.
.
رجعت ذاكرتي لقبل عشر سنوات...

شهر ٤ سنة ٢٠٠٧ م
_______________

جان عرس ابن عمتي
اهلي يتحضرون حتى يرحون