الفصل العشرون
ما بعد الحرمان
بقلمي...شمس
💔💔💔💔💔💔💔💔💔💔💔
أحتاج إلى الهدوء جداً، ففي داخلي ضجيج مدينة من الحنين، وفي قلبي أشلاء حكاية ممزقة، وفي عيني ملح بكاء ألف ليلة وليلة.
______________________________________
علا: وصلت الشارع العام و ما ادري
شلون عبرت الشارع و ما شفت الا السيارة
الاجت بسرعه و حسيت انشمرت
و احس شي ينزل من راسي دافي
و عيوني تباوع للسماء عرفت هذا اخر يوم بحياتي
و غمضت بعد ما حسيت بشي
وراه فتره احس يمشون بيه و صوت ناس
و رجعت وراها ما حسيت بشي...
_________________________
لينا : اليوم كعدت و بدلت عندي دوام
طبعا علي منعني من كل لبس ضيگ
و اصلا اني لبسي مستور و ما احب الضيگ من اطلع
لبست بنطرون كابوي و قميص ابيض طويل و بيه رسم تطريز من جوه و عليه حزام اسود رفيع
و جنطه و شوز ابيض و حطيت مكياج خفيف
و نزلت و دنو اليوم ما تدوام
لگيت ماما بالمطبخ تسوي ريوگ
لينا : صباح الخير ماما
ام رائد: صباح النور
لينا : اليوم انتي تسوين ريوگ
ام رائد: اي لو ما تردين
لينا : شلون ما اريد و من ايدج
ام رائد: هههههه يلا تعالي بسرعه اكلي لا يجي الخط
لينا : كعدت ليش علا ما تجي اليوم
ام رائد: مااعرف شو ما نطتني خبر البارحه
لينا : اها يمكن عندها شي
ام رائد: يمكن
تريگت و اجه الخط و رحت للدوام
و اخذنه محاضرات و طلعنه من الدوام
رجعت للبيت علي بالدوام بس بليل يخابرني ساعه
خطيه كلش يتعب بالدوام عاذرته
وصلت البيت دخلت المطبخ شفت ماما تحضر بالغده
لينا : شنو هااي الريحه التجنن
ام رائد: سويت تبسي
لينا : الله احبه اغسل و اجي
رحت غسلت و شفت دنو و ماما كاعده
بدينه ناكل و ماما كالت
ام رائد: اليوم علا ما اجتي و خابرت اشوف ليش ما اجت يدگ و ما ترد
لينا : الله يعلم شنو صاير وياها
الا هي ملتزمه
ام رائد: الله اليعلم ان شاءالله هي بخير
لينا : كملت غده و صعدت فوگ انام
كعدت المغرب غسلت و نزلت جوه
شفت ماما بالصاله لابسه الاحرام و كاعده تقره قرأن
شويه و صدقت و رفعت راسها الي و كالت
ام رائد: قبل شوي خابرت علا
و حجت ويايه امها و كالت...
_______________________
علا: نايمه و احس بوجع برجلي و شي ثكيل عليها
ونيت من الوجع وحاولت افتح عيوني ما اكدر
شوي و سمعت صوت بيبي تكول
بيبي: هاا علوشه كعدتي الف الحمدلله
اني اروح اصيح الدكتور
و سمعتها راحت و ماما لازمه ايدي و تكلي
أم علا: يمه ليش هيج شسويتي بيه
بس انتي البقيتي الي و شهكت بالبجي
أنت تقرأ
#ما بعد الحرمان
Randomفتاة اتعبتها الحياة و اخذت منها اغلى ما لديها و دارت بها الدنيا و مسحت غيمة احلامها هل تصبر على مرارة الحياة؟ و هل ستعوض بما فقدته ؟ قصة حقيقة و واقعية (باللهجة العراقية)
