#ما بعد الحرمان

الفصل السادس و الثلاثون

الفصل السادس و الثلاثون

ما بعد الحرمان

بقلمي...شمس

🌹🌹🌹🌹🌹🌹🌹🌹🌹🌹🌹

لا يفرق الله بين قلبين لهما
نفس النية الطيبة،
و القلوب على نواياها تلتقي.❤️

______________________________________

لينا: وراه الغده رحنا للناصرية
لان علي دوامه باجر صار وي رائد نزوله
وصلنا المغرب لبيت عيالي
سلمت ع الكل و رحت لغرفتي ارتاح
وراه العشه حضرت جنطه علي

و اجتي زهرة وزعت الهدايا الهم
بس بيت ماجد ماكو رايحين لزيارة
بقينا ل12 نتعلل لحد مراحت زهرة
صعدت لغرفتي حضرت نفسي لعلي
شوي و اجه
شافني متحضرتله بقه يباوعلي باعجاب
طفه الضوه و اخذني لحضنه...

ثاني يوم كعدت من النوم
شفت الساعه بال9 الصبح
و علي ماكو بس ملابسه ع السرير
محسيت عليه من كعد للدوام
كمت غسلت و لبست فستان بيت مشمشي
و لبست الشال
نزلت صبحت ع خالة الكاعدة
تطبخ و بسمة تنظف و
ايات اكيد نايمه

سويتلي ريوگ و غسلت المواعين
ساعدت بسمة بالتنظيف كملت و
رحت سبحت و صليت
و تغدينه وراه الغده سويت حملت
تنظيف لغرفتي
و هيج خلص اليوم
و علي خابرني الصبح و بليل
ثاني يوم استلمت التنظيف و
بسمة عليها غسل الملابس

العصر جنا كاعدين ناكل كرزات و جبس
و احجي وي بسمة ع سفرتنا

ايات: اخوج شعاجبه بمرته شو لاذوق و لا خلقه

نرفزتني بحجيها رديت عليها
لينا: عاجبه طيبة گلبها و قناعتها بابسط الاشياء

ايات: ههههههه حقها تقنع وين تلكه واحد يكلبها مثل اخوج شو لا جمال لا شهادة

فتحت عيوني من وقاحتها و اسلوبها المستفز
عاد عمتي سكتتها

ام علي: خايبه لكاها مسنعة و نظيفه
مو تخمرها الصينيه بغرفتها

بسمة: ههههههههه بم تم القصف

كامت معصبة و راحت لغرفتها
اندارت خالة عليه و گالت

ام علي: يمه شوكت تحبلين اريد اشوف بزر ابني

لينا: بيد الله

ام علي: و نعم بالله
الله يرزقكم و يترس حضنكم جهال

لينا: آمين خالة
حز بنفسي حجيها ولو
من حقها تشوف اطفال ابنها
بس شنو بايدي مو رحت للدكتورة و
گالت مبيه شي غير التهابات بسيطة