الفصل التاسع و العشرون
ما بعد الحرمان
بقلمي... شمس
❤️❤️❤️❤️❤️❤️❤️❤️❤️❤️❤️
منين أنت؟
من يا غصن جاي؟
اهلك بيا بستان؟
نوع من الورد!
كائن جديد أنت؟
شكو بروحك ندى؟
و يتبعك الفراش،
لا يمنه خضار ولاوكع وكته!
تجي خطار؟
مو ينفتح باب البيت؟
تلكه شجم گلب مفتوح
اوعدك بس تجي متروح!
____________________________________
علا: باوعت وراها شفت
رجال ركزت بيه ملامحه تشبه
ملامح بابا بس هالرجال باطراف شعره شيب
طويل و جسمه رياضي معبالك كبير بالعمر
لابس قاط اسود و قميص ماروني
بيبي: تفضل ابو غيث
صحيت من صفنتي من دخل و گال
_ السلام عليكم
وكف رائد و صافحه
رائد: وعليكم السلام
التفت الرجال الي و گال
_اكيد انتي علا
بقيت صافنه عليه
بيبي: ههههه اي هاي علا
سلمي ع عمج ابو غيث
من گالت عمي فتحت عيوني مصدومه
هذا عمي شجابه و شذكره بيه
باوعلي بابتسامة
_شلونج عمو
التفتت ع رائد
عفتهم و دخلت جوه
رحت غسلت وجهي
ما اريد تنزل دمعة مني
وين كان من كنت محتاجه سند الي
وين كان من مات بابا و بقيت وحدي
هسه اذكر عنده بنت اخو و يسأل عليها
دخلت لغرفة نشفت وجهي و هديت نفسي
ميستاهل اضوج بسببه اعتبره رجال غريب
رحت للمطبخ بقيت انتظر رائد يطلع من الاستقبال
شوي و اجتي بيبي تگلي رائد يگول جيبي الاوراق
رحت جبتهن و انطيتهن لبيبي تاخذهن
شوي و طلع رائد
طلعت وراه
علا: رائد
التفت الي شافني اجه باتجاهي
رائد: عيونه
سكتت و بقيت اباوع لعيونه
تقرب مني و حط ايده ع خدي
يمسح عليه بايده بخفة
رائد: ليش ضجتي من شفتي عمج
نزلت دمعتي من سألني
مسحها بايده
رائد: ااششش ما اريد تنزل دمعة منج
غمضت عيوني و اخذت نفس
علا: صعب اوصف الشعور الدااحس بيه
رائد: انسي و حاولي تحجين وياه
و تسمعين اله
بالاخير يبقه عمج
هزيت راسي ماشي
رائد: لا تضوجين
علا: ماشي
رائد: يلا اني اروح لا تنسين ب9 الصبح امر عليج
علمود تحليل الدم
أنت تقرأ
#ما بعد الحرمان
Ngẫu nhiênفتاة اتعبتها الحياة و اخذت منها اغلى ما لديها و دارت بها الدنيا و مسحت غيمة احلامها هل تصبر على مرارة الحياة؟ و هل ستعوض بما فقدته ؟ قصة حقيقة و واقعية (باللهجة العراقية)
