#ما بعد الحرمان

الفصل التاسع و الثلاثون

الفصل التاسع و الثلاثون

ما بعد الحرمان

بقلمي... شمس

❤️❤️❤️❤️❤️❤️❤️❤️❤️❤️❤️

ستجدين ألف رجل يحبكِ لشيء تملكينه
عيناكِ،جمالك أو أيّ شيء
لكن هنالك رجل يحبكِ
ليس لشيء سوى أنّكِ أنتِ 🌹

______________________________________

لينا: رجعنا للناصرية
مرت الايام و اني مستمرة ع العلاج
و اخذه بوقته و كل يوم اشرب كلاص
عصير برتقال

قبل يومين من حنة رضوان و دينا
رحت لاهلي اخذني ماجد
لان علي بالدوام هو و رائد ينزلون سوه

و بيومها جايين بيبي و خالاتي من اربيل
و العصر رحنا كلنا للمول اشترينه ملابس و
شنو نحتاج اما دينا و ريم مكملات كلشي

ثاني يوم اجت كعدتني علا
طبعا هي تنام من وكت مو مثلنا تسهر
بيومها جنت نايمه ب3 لان سهرانه وي البنات
اجتي كعدتني من الصبح
تريدني اكعد مكعدت

للعصر رحنا لمركز التجميل و تعشينه بمطعم
من رجعنا ارتاحينا و گلنه نتعلل و نلعب
صعدت اصيح ل علا و تغير جو عاد قنعتها

لعبنه و تونسنه شفت بنت خالتي تستفز
ب علا مقبلت ع تصرفها مگدرت اردها
بس علا عرفت تردها

ثاني يوم كعدنه الصبح بالعشرة
حضرنه نفسنه نروح للصالون
صعدت اشوف علا مكملت
لگيتها نايمه و عرفت مريضة مبين من وجها
اصفر عاد رحنا للصالون و رجعنا الظهر تغدينا
و التهينا نعدل بنفسنا اجه رضوان و اياد
رحت وي البنات كلت علا اكيد تجي وي رائد

وصلنا القاعة الاجواء تخبل و التحضيرات
تجنن و مرتبة حاجزين بقاعة بنادي الصيد ملكية
تخبل تسوه لان عروسين مو وحدة

وراه ساعه سوو دخولية لرضوان و ريوم
دخلوا يخبلون لايگين لبعض
وراها دخلو سردار و دينا يجننون
كعدوا و حنوهم انتبهت علا ماكو

خابرتها جاوبت كلتلي متجي و رايحه لاهلها
ضجت خطيه ماجتي و تونست ويانه
لليل رجعنا للبيت
خلصناها سوالف و تقشب ع المواقف
الصارت بينا بالقاعة نمنا متأخرين

ثاني يوم نفس الهوسه
رحنا للصالون و رجعنا الظهر عاد طلعنا
للقاعة ما قاصرة ترتيب و نزاكة و جمال
شوي و لمحت علا وي خالتي و سولاف
اجت كعدت يمي
لينا: شوكت اجيتي

علا: الظهر من كملت اجه رائد عليه

لينا: حلوة طالعه و مكياجج حلو

علا: مريم بنت جوارينه الحجيتلج عليها
هي حطتلي

لينا: كلش حلو مكياجها و التسريحه