#ما بعد الحرمان

الفصل الخامس و الثلاثون

الفصل الخامس و الثلاثون

ما بعد الحرمان

بقلمي... شمس

🌹🌹🌹🌹🌹🌹🌹🌹🌹🌹🌹

تمسك بالعلاقة التي لا تجد فيها
كلمة"أحبك" لكنك تجد فيها كل
شيء يثبتها حتى و أن لم تقال
فتَفاصيل الاهتمام عَظيمة قد تَغلب
الحُب أحَياناً.❤️

______________________________________

علا: جيب وياك فرشة اسناني نسيتها

رائد: هاي

علا: شكرا

رائد: يلا حتى انزلهن

علا: ها اها كملت اخذهن
اخذ جنط السفر ينزلهن
باوعت لنفسي اخر نظرة
شعري كالعادة سويته كعكه
و مكياج خفيف مناسب وي لبسي
قميص كابوي ابيض جواه تشيرت ازرق مشجر بورد كبار ابيض و سمائي مدخلته جوه البنطرون الكابوي الازرق و حذاء رياضي ابيض و بيه الوان ازرق و رصاصي فاتح و جنطه رصاصي فاتح و قلادة ناعمه بيها شذر جويتي و التراجي و السوار نفس الشي لانه كامل
رشيت عطر و نزلت
شفت الكل جوه سلمنه عليهم و طلعنا
رضوان يوصلنا
مرينه ع لينا و علي
اجوي صعدو لينا و علي
بالطريق اخذنا صور اني و لينا

لينا: مكتيلي حلو لبسي

علا: حلو

لينا: شو احس تجامليني

علا: ههههه و الله حلو
انتي حلوة شنو تلبسين يلوگلج

لينا: فدوه رحت هالعيون

ابتسمت الها و سكتت
و هي تسولف و تنكت وي الكل
دمها محبوب
اخر شي گال رضوان

رضوان: بالعه مسجل خو مو مسجل
كافي شكد لغيتي

اندارت ع علي
لينا: حبيبي شوف شلون يحاجيني

علي: ما يعرف قيمتج غير انتي عسل

رضوان: هااا شو گلبت عليه

علي: من تزعل اديح اني

رضوان: هههههه

ضحكنا كلنا ع حجايته
يحبها ربي يحفظهم
وصلنا المطار ودعنا رضوان
كملوا الاجراءات رائد و علي
دقائق و توجهنا للطائرة
كعدنا بمقاعدنا اني و رائد بمقعد
و علي و لينا بالمقعد اللي بصفنه

اني كعدت من يم الشباك
افتروا علينا يتأكدون من مقاعدنا
و ربط الاحزمة
شوي و بدت الطائرة تطير
من بدء الاقلاع وقف قلبي
خفت عصرت ايد رائد اللي لازمتها
التفتلي و ابتسم يطمني
شوي و صارت طبيعية معبالك كاعد تطير الطيارة
باوعت من الشباك شفت البنايات و الاشجار بدت تصغر و احنا نرتفع
كان الجو صافي لان صيف
بقيت طول الرحلة اباوع من الشباك
لو ع رائد
وصلنه لتركيا نزلت الطائرة
و نزلنا و رائد و علي يسوون بالاجراءات
استلمنا الحقائب و طلعنا بره