#ما بعد الحرمان

الفصل الثامن و الثلاثون

الفصل الثامن و الثلاثون

ما بعد الحرمان

بقلمي...شمس

❤️❤️❤️❤️❤️❤️❤️❤️❤️❤️❤️

تزوجي رجلاً
يعاملك باحترام
رجلاً يفرح بتعبه لأجلكِ
رجل يحارب لأجل أحلامكِ
رجلاً يقف معكِ حين تجدين الدنيا ضدك
و وقت تعبكِ تكلميه
كأنه صديقك المفضل ❤️

______________________________________

لينا: باوعت بشاشة الجهاز
و بقت تمشي ع بطني
هزت راسها باي و اندارتلي

_ كلشي تمام
رفعي الغطه اشوف

رفعت الغطه و شغلت جهاز الاضاءة
شوي و كالت تفضلي
مسحت المادة من بطني و عدلت نفسي
كعدت يمها

ام رائد: ها دكتورة

_ عندها التهابات بسيطة
رح انطيها علاج تمشي عليه
و من تجيج الدورة و تغسلين منها
تراجعيني حتى اشوف نسبة الالتهابات

لينا: يعني دكتورة الالتهابات كاعدة
تأخر الحمل

_اي حبيبتي و من ما تتعالج بصورة صحيحه
راح البيوض متوصل للرحم سليمة

لينا: ها

_ اهم شي العلاج يكون من الداخل و الخارج
و اهم شي تشربين عصير برتقال طبيعي لو مرة باليوم و كل متدخلين الحمام و تطلعين
تغسلين بهذا الغسول و تنشفي المنطقه جيدا...

لينا: شكرا دكتورة
طلعنا من الدكتورة و اخذنا العلاج
من صيدلية بصفها

الصراحه حسيتها احسن من اللي رحتلها
و هوايه نصحتني بالاكل الصحي و
العلاج اللي انطته كله خاص بالالتهابات

رجعنا للبيت وراه المغرب صلينه
حضرنه العشه اني و علا
تونست هالمرة وياها
احس البيت بيه صوت بوجودها
تعشينه و غسلت علا المواعين هي و دنو

وراها سوينه شاميه و حضرنه كرزات و
حب و اجباس و نساتل و علا سوت
كيكه بالكاكاو طلعت فدشي

كعدنا كلنا بالصالة نتعلل
طبعا كعدت بصف علا و رائد مخلي
ايده ع جتفها تكول راح تطير

لينا: هسه عرفنا تحبها
وخر شوي نريد نحجي بسوالف تخص البنات

باوعلي بطرف عينه و حضنها اكثر و
علا بس تكركر

لينا: و انتي مكيفه ع الوضع

علا: ههههههه حلو اثنينكم تتعاركون عليه

همست دنو بصوت ناصي
دينا: مو انجلينا جولي و مندري

انداريت الها خزرتها
انتبهت رائد هم يخزر بيها
لينا: هههههه شعدنه غيرج
تعالي شوفي بسومة ششترت
عاد عتقها رائد و تدنت يمي تشوف
جانت بسومة مشترية فازة بيها احجار ملون