#ما بعد الحرمان

الفصل السادس و العشرون

الفصل السادس و العشرون

ما بعد الحرمان

بقلمي... شمس

❤️❤️❤️❤️❤️❤️❤️❤️❤️❤️❤️
أحبك...
و أحب فكرة

أن نمشي على قدم واحدة
و أحب ان نتشارك النفس
من قصبة هوائية واحدة
و أحب
التعب
المرض
المشقة
حتى الموت
أحبه معك
أحب اشياء كثيرة
أولها و أوسطها
و آخرها أنت...

____________________________________

علا: سمعت بيبي تگول تفضلو
فتحت عيوني بالگوه شفت
ام رائد و مرت عمهم ام اياد و
لينا و زوجة اياد
گمت من الفراش و اني دايخه
سلمت عليهم و رحت لغرفة
كعدت بالگاع و سندت ظهري ع الكنتور
تعبانه و احس جسمي نار من الحرارة
تمددت بمكاني
دخلت بيبي شايله فراشي فرشته

بيبي: نامي ع فراشج
اني اروح اضيفهن

هزيت راسي بمعنى اي
و تمددت بفراشي
رجعت نمت و ما حسيت الا ع بيبي تكعدني

بيبي: تكعدي شبيج اليوم

علا: شبيه مصخنه

أم علا: سودة عليه يوم مترحين لصيدليه
و تگليله شو مداايفيد الخفض حرارة

بيبي: يلا اروحله
و انتي كومي سبحي بمي بارد شويه خلي حرارتج
تنزل مو نايمه ميصير

غمضت عيوني احس بخمول كلش

أم علا: يلا گومي سبحي

علا: اي
كعدت و رحت لحمام
بلكي اتحسن
دخلت لحمام و فتحت المي البارد
و شوي حار
كل ما يوگع المي ع جسمي
اسناني يصتكون احس المي بارد كلش
ع الرغم كاسرت حار وياه
كملت و طلعت
شفت ماما خطيه منتظرتني بباب الحمام

أم علا: هاا شلون صرتي

هزيت راسي و رحت لغرفه مالي خلگ
ابدا و اريد بس انام
اجت بيبي جايبه علاج
خلتني اكول و اخذته
رجعت اغفي و نمت بلا ما احس ع نفسي
فزيت من النوم عطشانه
كعدت و رحت للمطبخ طلعت من الثلاجة مي و شرب
رجعت لفراشي احس نفسي احسن
و حرارة جسمي طبيعية
الحمدلله المرض بلاء من الله يختبرنا بيه
شفت الساعه ب2 بليل
فتحت الموبايل شفت رائد داز رسالة

رائد: شلون صرتي
الساعه ب11 م

ابتسمت يسأل عني
يعني يهمه أمري
يعني اعنيله و يعنيلي
بس شلون عرف اني مريضه
يااا اكيد عرف من لينا
بس صدوك هم ليش اجوي
شنو المناسبة
لااا وياهم مرت عمهم
دزيتله: صرت زينه
بقيت اتگلب اريد اعرف ليش اجوي
اخر شي گلت الصبح اسأل ماما ليش اجوي
نمت و غرقت بالنوم...