#ما بعد الحرمان

الفصل الرابع و الثلاثون

الفصل الرابع و الثلاثون

ما بعد الحرمان

بقلمي...شمس

🌹🌹🌹🌹🌹🌹🌹🌹🌹🌹🌹

ما تلكه
وطن مثلي...
تعال و سافر بروحي
اني وياك واحد وطن للثاني
تعال ❤️

______________________________________

لينا: ثاني يوم رحنا للصالون وصلنا رضوان
سووا لي مكياج بسيط نازك مناسب لفستاني الاسود
و علا طلعت تخبل هي حلوة شعرها طويل و عليها عيون حلوة
كملنا و اخذتلها صور تخبل و تصورنا سوه
و اجه رضوان اخذنا للقاعة
دخلنا غرفة التبديل عدلنه نفسنا و اجه رائد
يمه فديتهم من لزم ايدها و معرف شنو همسلها
طلعنا احنا للقاعة و سلمت ع البنات اللي مشايفتهن
و شفت هيوف طالعه تخبل كالعادة الاضواء مسلطة عليها و النسوان يخطبنها من خالتي
شوي و دخلوا رائد و علا يخبلون
واكفه اتمايل وي الاغنية و اصفگ ع كيف
سمعت همس النسوان
نيالها اخذت هيج واحد
لو العريس احلى من العروس
همزين صوت الديجي عالي و
مسمعت شي علا
اكيد تنقهر و تحس بالتذمر
حنوهم و احنا خلصناها ركص
وراه نص ساعه طلع رائد
عجبنه نسوي مثل الاتراك
بت خالتي سحبت القماش من ع الميز
جان تور احمر و لزمنا كل وحدة شمعه و
شغلنا موال تركي
جانت الاجواء حلوه كلش و تونسنه بهالشي
لليل خلصت الحنة و رجعنا للبيت
بعد ما ذبينه لحم بالركص

خطيه علي مرحت وياه للشقه
ردت ابقى وي البنات مو دائما اشوف
بنات خالاتي
جنا كاعدين احنا البنات بالصالة نسولف و نحش بالنسوان و المواقف الصارت بينا
لل12 دخل رائد سلم علينا و صعد لغرفته
شوي و دگ موبايلي شفته رائد جاوبته
لينا: ها حبيبي

رائد: تعالي لغرفتي

لينا: ماشي
صعدت فوگ لغرفته
اكيد يريد يسأل ع شي مضيعه دخلت

شفته فاتح باب البلكون و يدخن وكفت يمه
لينا: ها ردتني

رائد: شنو صار من طلعت

عكدت حاجبي مفهمت شيقصد
لينا: من وين طلعت
جر نفس من الجكارة و نفخه ليفوگ

رائد: شصار بالحنة من طلعت

راجعت ذاكرتي شنو صار بالحنة
لينا: ركصنا و سوينه...
اندار الي و خزرني جر حسرة و گال

رائد: ما اقصد شسويتو بالحنة اقصد منو حجه وي علا سمعها حجي
غثها

لينا: محد حجه وياها و اني جنت قريبه منها
مشفت احد غثها
هز راسه باي و گلي

رائد: روحي

عفته و طلعت بقى بالي يمه شصاير
ما اذكر احد حجه وياها او شفتها مغثوثه
الله يهدي سرهم
رحنا نمنه باجر ورانه عرس