#ما بعد الحرمان

الفصل الثامن

الفصل الثامن

ما بعد الحرمان

بقلمي...شمس

💔💔💔

وقفت على ناصية الحزن أنتظر الأمل
ونظرت من بعيد فإذا بالأمل قادم
بصحبة الصبر، وحسن الظن بالله.

لا تحاول أن تعيد حساب الأمس
وما خسرت فيه
فالعمر حين تسقط أوراقه لن تعود مرّة أخرى
ولكن مع كل ربيع جديد سوف تنبت أوراق أخرى فانظر إلى تلك الأوراق
التي تغطّي وجه السماء
ودعك ممّا سقط على الأرض
فقد صار جزءاً منها.
_____________________________

علا

وصلت لباب بيت سرى
شفته مفتوح ماكو القفل
اكيد رجعو
يلا من ارجع امر عليها..

وصلت لمحل عمو
شفته بعده معزل..بعد وكت
اجيت من وقت بلكي اكو شغل
صارت ساعه ب9 الصبح
يلا اجه عمو
صبحت عليه شفت بيده علاگة
فتح المحل ودخل جوه
شوي و صاحني

علا: ها عمو صحتني

ابو ايمن: اي تعالي جبتلج هدية
بنتي جابتها على معرفتها
مااعرف انتوا البنات شتحبون

اخذتها من ايده
علا: شكرا عمو
بس ليش كلفت نفسك

ابو ايمن: ما بيها اي كلفة
انتي مثل بناتي تستاهلين اكثر
و الله فرحتلج مثل ما افرح لبنتي
من نجحتي و طلعتي هذا المعدل

علا: تسلم عمو خليها يمك
من اروح اخذها خاف تضيع بره

ابو ايمن: جيبيها احطها بالميز

انطيتها اله خلاها بجرارة بالميز
رحت لمكاني كعدت ارسم
رسمت 6 لوحات
ماشاءالله اليوم الرزق خير من الله
الحمدلله ربي يفتح ابواب الرزق لعبده
كملت اخذت الهدية و رجعت
مريت لمحل گلت اخذ عشه
ماطول اليوم الرزق خير من الله

رحت لمحل يشوي كباب و دجاج
و يسون صاج
اخذت لفات صاج بالدجاج 6 و
قواطي بيبسي

رجعت للبيت نزلت على الشارع
وصلت لبيت سرى
گلت خلي امر لبيت اخلي الغراض
انطيت الغراض لبيبي

علا: يوم رايحه لسرى
شفت بابهم مفتوح
شويه و ارجع

بيبي: يلا روحي و لا تتاخرين

طلعت غسلت ايديه رحت لبيت سرى
وصلت دگيت الباب
شوي و انفتح
طلعلي ابو سرى
علا: شلونك عمو

ابو مصطفى: هلا بنتي

علا: سرى موجودة

ابو مصطفى: اي موجودة تفضلي بنتي

دخلت و هو فات كبلي يصيح سرى
اجتي جانت لابسه تراك وردي
تحاضنه و تباوسنه
مااعرف ليش حسيت
هسه يلا ردت روحي
صح هي صديقتي بس
اعتبرها اختي اللي
ما شبعت من شوفتها