#ما بعد الحرمان

الفصل الاربعون

الفصل الاربعون

ما بعد الحرمان

بقلمي...شمس

❤️❤️❤️❤️❤️❤️❤️❤️❤️❤️❤️

أنت ظلّي و خلّي و رَفيقي و حَبيب روحي،
أنتَ الأمانُ الذّي احاربُ بهِ خوفي.❤️

______________________________________

لينا: رجعنا للناصرية
مرت الايام و اني مستمرة ع العلاج
ع طول اخابر البنات و افتح كام وياهن
و نتبادل الاخبار بينا

حياتي وي علي و عيالي تمام
معندي مشكلة وي احد مسالمة و اصلا
عيالي حبابين الحمدلله الله رزقني بيهم

اجتي الشهرية جان علي بالدوام
من ردت اغسل منها كتله اروح لاهلي
گلي راح يكول لماجد ياخذني
ثاني يوم غسلت منها
حضرت غراضي وراها

رحنا من الصبح لبغداد
وصلنا لاهلي بالعشرة نزلت فتحت الباب
طلعت ماما من المطبخ هي و علا سلمت عليهم و
ماما طلعت سلمت ع ماجد وكلتله يدخل تعذر منها
كلها عندي شغل و بليل يمر عليه حتى نرجع للناصرية
لينا: شلونج وي الحمل

علا: زينه انتي شلونج

لينا: الحمدلله اجيت علمود الدكتورة

علا: زين اجيتي مشتاقتلج و هم نتونس

لينا: ليش ريوم ممعوضة مكاني

علا: ههههه انتي مكانج محد يعوضه
و ثانيا اني ويها مو زينين

لينا: ليش متعاركين

علا: لا تعرفين علمود اني مو من مستواكم

لينا: عابتلج لا تحجين هيج و ريوم گلبها طيب مو مثل خالة
دنگت و محجت شي اعرفها لعلا متكذب و لا ريم هاي سوالفها اكيد خالة محشية راسها لان رائد ما اخذ هيوف
هي هنا لو عند اهلها

علا: لا موجودة بغرفتها يمكن نايمه

لينا: و رضوان مو البارحة نزل

علا: اي

قاطعت ماما حجينه و هي تكعد يمنه
ام رائد: شلونج ماماتي عيالج شلونهم

لينا: كلهم زينين و يسلمون عليج

ام رائد: الله يسلمهم مرت حماج شلونها

لينا: زينه و كل يوم يجونه العصر لليل يبقون

ام رائد: و شلونها وياج