#ما بعد الحرمان

الفصل الخامس و العشرون

الفصل الخامس و العشرون

ما بعد الحرمان

بقلمي... شمس

❤️❤️❤️❤️❤️❤️❤️❤️❤️❤️❤️

شفتها و گمت اشتم بالعشيرة
نقطة ضعفي ام العيون الجبيرة

______________________________________

علا: رحت لباب الدخول اجيت ادخل و
انعثرت بالدرجات الا شويه اوكع و ينمسح
بيه الگاع من الفشله

سندت نفسي و اخذت نفس و زفرته
باله هسه لو واگعة اني
استغفرت ربي و عدلت نفسي
دخلت لقاعة
هاي اول مرة اجي لقاعة شعرفني
دخلت و شفت البنات شنو من لبس لابسات
و الزلم و النسوان الكبار بالعمر
بقيت اباوع ع شكل الناس و القاعة
كلش حلوه الاضوية الميز الكراسي
انتبهت ع الكوشة شفت دينا لابسة فستان
وردي فاتح كلش حلو تصميمه الصدر قلب
و نازل شريط الفستان ع الزند و منفوش الفستان
و تسريحه شعرها حلوة و بايدها مسكه ورد ابيض
انتبهت يمها واحد گاعد بس كدامه وحدة
كنت قريبة من باب الدخول بعدني ما داخلة

و اصلا استحي وين ادخل ما متعودة ع هيج
حفلة بقاعة صرت ع صفحة و اباوع ع الناس و اسمع الاغاني شفت وحدة لابسة فستان احمر
قصير لركبة و شعرها اشقر كانت منطيتني ظهرها قريبة من الكوشة التفتت و شفتها هيف
ما شاءالله شنو من جمال شعرها مفتوح مبروم بشكل تسريحه بسيط
و شفت خالة ام رائد واكفة يم ميز و تضحك و تسولف ويه مرة بعمرها
باوعت ردت اشوف لينا حتى اروح يمها شو ماكو
دنكت اطلع الموبايل من الجنطه و اخابر ع لينا
اتصلت عليها ما ترد
نصيت ادك عليها مرة ثانية
سمعت صوت لينا
لينا: هااي انتي هناا و اني عبالي مراح تجين

حضنتها و بوستها
علا: ههههه لا اجيت شلونج

لينا: زينه تعالي
سحبتني من ايدي و تمشي قبلي و اني مدنكه
راسي اريد ادخل الموبايل بالجنطه اللابستها
ع كتفي رفعت راسي و اني مبتسمة ع لينا الساحلتني وراها صارت عيوني على...
_____________________________

لينا: اليوم خطبة دنو ما شاءالله طلعت تخبل
طبعا هيوف تعبت وياها باختيار الفستان و الاكسسوارات و الصالون و الحجوزات
و خالتي رادت الخطبة بقاعة بحجة البيت ميكفي
و هي بيتها ما قاصر جبير
اعرفها علمود الفخفخه مو شي ثاني
اجيت لاهلي و جبت كل شي احتاجة لانه رح يبدي الدوام هماتين
وصلنه لاهلي بيومها و علي ثاني يوم راح لدوامه
خلصت اجازته
خابرت ع علا احسها صارت من عائلتنا
ما طول رائد يحبها
صح مكايلي شي بس من عيونه الها
من رحنا لجزيرة شفت اهتمامه بيها
كنا بالقاعة كنت لابسة فستان نيلي
طويل و مخصر ع الجسم و ردن
لبست وياه حجاب بيجي و كعب بيجي
خطيه علي ما اجه لان بالدوام
رائد و رضوان جانو موجودين
رائد طلب اجازة يوم بس
و رضوان اصلا هو باجازته
كنت افتر ادور ع ماما داسألها
شفت علا واكفة قريب الباب
رحت الها و مبين جانت تدور عليه
رحبت بيها و اخذتها من ايدها يمنه...
_____________________________