#ما بعد الحرمان

الفصل الرابع عشر

الفصل الرابع عشر

ما بعد الحرمان

بقلمي...شمس

💔💔💔💔💔💔💔💔💔💔💔

إننا نعيش لأنفسنا حياة مضاعفة، حينما نعيش للآخرين، وبقدر ما نضاعف إحساسنا بالآخرين نضاعف إحساسنا بحياتنا، ونضاعف هذه الحياة ذاتها في النهاية وهي رغم كل ذلك الحياة ونحن مطالبون أن نحياها كما هي.

______________________________________

رائد: شعندج واگفه هنا

علا: داانتظر سيارة

رائد: صعدي اوصلج

علا: لا شكرا هااي اجت السيارة
عفته و صعدت
تحركت السيارة
شفت سيارته مشت سريع
وصلت البيت
مر هذا اليوم
اني كل شوي اصفن بتصرف رائد...

__________________________

لينا
تحضرنه اجه سردار اخذنا لمطعم
اليوم قررنه نطلع لان خميس
وصلنه مطعم بالمنصور دخلنه
شفت حاجزين ميز عائلي جبير
خالتي و هيوف و ريم و
ساهر بحضنه بنونه لابسه بدله سوده و
جاكيت فرو ابيض فاتحه شعرها
ساهر بلوز ابو الرقبة اسود و جاكيت
جلد اسود ضحكت بگلبي عليه
يغار مني لان لابس نفس بلوزي

هيوف لابسه تنورة جلد لحد الركبة و
بدي شتائي سادة ابيض حاطه الكوت ع الكرسي ريم لابسه بنطرون اسود و قميص شتائي اخضر فاتح و توربان اسود
بس آدم ممجود رايح ويه ابوه لاربيل
طلبنه العشه و تعشينه و طلبنه التحليه
خلصتها العب ويه بنونه و اسولف ويه ريم
لينا : شلونها بنونه بعدها تبجي ع امها

ريم: اي بس مو مثل قبل نگدر نگول تعودت

لينا : اها الله يساعدها تبقه امها

ريم: الله يرحمها
صدوك شوگت ينزل رضوان

لينا : باجر

ريم: بعده يحوم ع الخدامه

لينا : شنو حجينه قبل مو گتلج لا تحجين ع علا تره مالها دخل هو حاط كوره ويه كورها للمكروده

ريم: و شعرفج ما هي تريده يحبها و يصعدها للسما

لينا : مو كل الناس مثل اختج خليني ساكته و لا تخربين علاقتنه ريوم

ريم: ادافعين للغريبة

لينا : الغريبة ممسويه شي بنيه تجي تشتغل و تروح و لو ممجبورة ما تشتغل هالشغل

ريم: ما تعرفين نوايا البشر الا تعاشرينهم

لينا : مثل مگلتي الا تعاشرين الواحد
و انتي ما معاشرتها لعلا حتى تعرفين اصلها

ريم: مو الا اعاشرها مبين

لينا : لا تاخذج الغيرة ع حبيب الگلب تره الف بنيه يسوي علاقه وياها و عنده وحده خليها بالج