#ما بعد الحرمان

الفصل الواحد و الثلاثون

الفصل الواحد و الثلاثون

ما بعد الحرمان

بقلمي... شمس

💜💜💜💜💜💜💜💜💜💜💜

الأمان هو أن تشعر
بأحدهم متمسكاً بقلبك ❤️
لا بيدك 🌹

______________________________________

لينا: بقيت ادگ ع علي و ميجاوب
ظل بالي عليه سويت عشه
جنت اكلي كبة
دگ الموبايل رحت للصالة شفته علي
فتحت خط
لينا: هااي وينك ظل بالي

علي: لا يظل بالج بس اني عندي شغل

لينا: شنو هالشغل و عايفني وحدي علموده

علي: صديقي مات و اني يم الولد

لينا: يااا الله يرحمه

علي: خلي سردار يمر يأخذج لاهلج

لينا: و انت وين رايح

علي: گليبي ويه الولد لا يظل بالج

لينا: اوك دير بالك ع نفسك حبيبي

علي: تدللين حياتي
يلا اني رايح

لينا: الله وياك حبيبي
سد الخط رحت للمطبخ شفت الكبة بعدلها شوي و تحترك طفيت الطباخ و طلعتها
كعدت ع كرسي بالمطبخ
عدنا ميز ووياه كرسيين
دگيت ع دنو مشغول شوي و رجعت دگت عليه
دينا: ها لونه

لينا: سردار وين

دينا: ببيتهم ليش

لينا: كوليله يمر عليه اريد اجيكم

دينا: اوك شعجب تجينه و علي موجود

لينا: وين طالع صديقه ميت

دينا: ها يلا راح اخابره يجيج

لينا: اوك
سديته منها اكلت و غسلت المواعين
بدلت و اخذت جنطه صغيرة حطيت ملازمي
و ملابس لدوام باجر و كم شغلة احتاجهن
دگ عليه سردار گلي وصلت
طفيت الاضوية و طلعت قفلت الشقة
نزلت شفته بالسيارة ينتظرني
صعدت السيارة سلمت عليه و بقينا نحجي
وصلني لبيتنا و دخل ويايه
شفت دنو طلعت من المطبخ عرفت علمود سردار
مو علمودي دخلت جوه و هي بقت يمه
شفت ماما بالصالة كاعده
لينا: اني اجيت
اندارت الي ابتسمت و گالت

ام رائد: هلا بيج شعجب اجيتي

لينا: ههههه شنو ما تردون اجيكم

ام رائد: هههه مو هيج بس رجلج من موجود ما نشوفج

لينا: خطيه راح صديقه ميت