#ما بعد الحرمان

الفصل الأخير ❤️

الفصل الواحد و الاربعون
و الأخير ❤️

ما بعد الحرمان

بقلمي...شمس

🖤🖤🖤🖤🖤🖤🖤🖤🖤🖤🖤

يزيد حبي للشخص عندما اراه
يميزني عن غيري بكلامه بتصرفاته
و بأبسط الأشياء.❤️

______________________________________

لينا: رجعنا للناصرية
ثاني يوم خابرت ريم
لينا: تحجين لو شلون

ريم: ماكو شي هااي شبيج

لينا: تره ماما كلشي حجتلي
مكتلها علا كالتلي
اريد تحجي و اشوف منو ع حق

ريم: شحجتلج

لينا: احجيلي انتي و اني اكلج

ريم: اووف شحجيلج...

حجتلي كلشي يصير بينها و بين رضوان
لينا: شوفي ريوم ما اكلج انتي صح و هو غلط
لا اثنيكم غلط

ريم: شنو اني غلط تقبليها يجيني من يم ساقطه

لينا: لا ما اقبلها و لا اقبل تصرفاتج
الرجال يريد اهتمام منج حتى لو عندج عشر خدامات يريد الشي من ايدج اكلة ملبس حب اهتمام و ثانيا هو ما سوه شي من كلج علا هيج و انتي هيج كاعد يوصلج الصورة يكلج اريد هيج اهتمام

ريم: شوفي اخوج تدافعيله و اني لااا

لينا: ما دافعتله بس غلط تصرفج و غلط تصرفه من يضربج و يدور عند غيرج ريوم حبيبتي اهتمي بيه و عوفي سوالف خالة مالت التكبر و الغرور انتي و رجلج مبينكم هالشي غيري اسلوبج و شوفي شلون ما يتغير

ريم: هم ميجي بعينه

لينا: من تزوجتو مجنتو احلى من العسل شغيركم

ريم: الناس المتشبعه و حاطه عينها عليه

لينا: هههههه ميفيد الحجي وياج شوو ولي نشفتي ريكي سديته منها الله يساعد رضوان عليها هو روحه بخشمه مو تجي وحدة تتنغوص عليه الله يهديهم و يساعد علا ع سوالف ريم

مرت الايام عادية ماكو شي
مستمرة ع العلاج و علي سوه التحاليل كلشي تمام
وراه اسبوعين قبل لتخلص اجازة علي بيومين رحنا لاهلي بات علي عدنا نمنا بغرفتي...

ثاني يوم راح لبيت عمته و اني رحت وي البنات اخذنا رضوان اشترينا ملابس للدوام و تعشينه رجعنا للبيت اجه علي و الصبح راح للدوام
بقيت اسبوع عند اهلي سوينه كومه شغلات اني و علا و ريم و رحنا للدكتورة دخلت علا قبلي للدكتورة تريد تعرف جنس الجنين ما بين دخلت اني سألتني ع العلاج و اذا عندي اعرض و شوفتها تحاليل علي كالت كلشي تمام عاد سوتلي سونار باوعتلها تبتسم
لينا: ها دكتورة

_مبروك حبيبتي حامل

صفنت عليها معقولة صرت حامل
يعني بداخل بطني روح