#ما بعد الحرمان

الفصل الثامن عشر

الفصل الثامن عشر

ما بعد الحرمان

بقلمي...شمس

💔💔💔💔💔💔💔💔💔💔💔
عندما يخنق القدر كل أمل لديك، ويكسر كل مجاديف النجاة لتغرق في بحر من الضياع.
______________________________________

علا: وصلت بيتهم
سويت ريوگ للبنات و تريگو و طلعو للدوام
كملت شغلي و خلص هذا اليوم عادي
و مرت الايام و اجه اليوم الينزل بيه رائد
كنت انظف بالصاله شفته نزل ابتسمت و تقربت يمه
ع الدرج و كتله
علا: صباح الخير
باوعلي عادي و كال
رائد: صباح النور
و خله و راح للمطبخ
كملت تنظيف الصاله و رحت للمطبخ شفته ماكو
طلعت للحديقه شفته كاعد
رحت وكفت قريبه منه و كتله
علا: شلونك
هزلي راسه بمعنى اي زين
رجعت سألته
علا: تريد ريوگ
هز راسه بمعنى لا
خليت و رحت اكمل تنظيف شفته ما يريد يحجي
كملت تنظيف و خلص اليوم رائد ما حجه ويايه و اصلا طلع وراه الغده
و مرت الايام و رائد صار ما يحجي ويايه و يهز بس راسه من اساله
و صار يداوم شهر و ينزل اسبوع اجازة و حتى هالاسبوع مخلصه طالع

و هنا صحيت من احلامي الورديه الرسمتها بعقلي
و الشعور الكنت احس بيه طفه ببعد رائد عني
و صارت الايام عندي عاديه و طفت بداخلي السعاده الكنت عايشتها بوجود رائد
و مرت الايام و لينا صارت هي و ايات صديقات و طبه و طلعه سوه
و خلصت هالسنة الدراسيه
و راحوا بيت ام رائد شهر لاربيل
و هذا الشهر الراحو بيه خاله ما انطتني راتب
و بهالشهر درست جهال جيرانه و فلوس التدريس
انطيتهن لعلاج ماما
و فلوس سرى وفيتهن قبل شهرين
و اخر راتب اشتريت بيه لبيبي و ماما ملابس للبيت
و الي تراكين واحد بجامته سوده و تشيرت وردي و واحد لونه نيلي و بيه رسوم كارتونيه
و اشتريت قميص طلعه
و مرت الايام عاديه ماكو شي جديد بحياتي...

_______________

لينا : مرت الايام و بدينه دوام الكورس الثاني
و اني و ايات صرنه صديقات كولش
و نطلع و نروح سوه
و نطلع لمطعم و كوفي خارج الجامعه
و نلتقي وقت الريست
و جنت مرة بالدوام اتمشه بره
عدنه محاضرة بس الدكتور ما اجه مجاز
لمحت رائد و علي يمشون لابسين مدني و راحو باتجاه مكان العمادة
رحت وراهم و نص ساعه و طلعوا
تقربت عليهم لمحني رائد و علي باوعلي
و من ركز يمكن عرفني اخت رائد لان شوي بينه شبه
صار علي ع صفحه و اني حجيت ويه رائد
لينا : هلوو هاي عدنه اليوم

رائد: اهلا لونه اي والله اجيت عدنه شغله ويه الدكتور...

لينا : اها

رائد: يلا اني اروح و انتي انتبهي لمحاضراتج

لينا : اوك
وراح رائد ل علي و راحوا

ثاني يوم جنه اني و ايات كاعدين بالحديقه

ايات: البارحه علي و اخوج جايين للكليه