#ما بعد الحرمان

الفصل الثالث عشر

الفصل الثالث عشر

ما بعد الحرمان

بقلمي...شمس

💔💔💔💔💔💔💔💔💔💔💔

هنالك أحاسيس لا يفلح الإنسان في التعبير عنها كأنها خُلقت لتُؤلم فقط، كأن البوح بها يزيد من عمق الألم.

____________________________________

علا
هالايام بدا دوام البنات بالجامعة
صرت اجي من الساعه 6 ص
اسوي ريوگ اصلا مياكلون بس يشربون جاي يطلعون للدوام اكمل شغلي ل12 الظهر
مكملة كل شي خاله تطبخ الغدة
رضوان بالدوام هو ورائد
ماكو شي اسوي
صليت و نمت ساعه لان خاله تنتظر البنات
يتغدون سوه
كعدت رحت غسلت
البيت هدوء لان محد موجود
باوعت ع الساعه البنات ع جيه
گمت حضرت الغده لان بس يوصلن
يغسلن و ياكلن يصعدن ينامن
كملت تحضير الغده

خاله طابخه تمن و مرگه
كملت السلطه جزر و لهانه و خضرة
اجوي البنات غسلن
تغدوه و صعدوا فوگ
تغديت و كملت تنظيف المطبخ
صعدت فوگ اخذ ملابسهن اغسلهن
رحت لغرفة دينا اخذت الملابس و
لغرفه لينا
لينا : تعالي علا

علا: اجيت اخذ الملابس

لينا : عوفي الملابس
كعدي احجيلج شصار ويايه
لان العصر مالحگ اسولف و انتي تشتغلين

علا: بكيفج
گعدت يمها ع السرير

لينا : شوفي اليوم اكو ولد تقدملي

علا: اي

لينا : رفضته

علا: ليش

لينا : ما بالي الزواج هسه و
طبعا ما اقبل باي واحد

علا: فهمتج

لينا : طلع ابن واحد طاگين و
طبعا احنه الحمدلله ما قاصرين
الولد معجبني من هذول جماعه بابا و ماما

علا: ما فهمت

لينا : شبيج هذولي اللي يكولون بابا
جابلي سيارة و ماما جابتلي طيارة

علا: ههههههه صدوك عنده طيارة

لينا : هههههه عابتله وينه وين الطيارة
هو ابو عنده شركه جبس

علا: زين الله يرزقهم

لينا : هذا الصار ويايه

علا: ههههه دااتخيل باجر يجيج
واحد ابوه عنده شركة بيبسي

لينا : ههههههه و اكل جبس و اشرب بيبسي

علا: ههههه يلا اني انزل اخذي راحتج

لينا : اوك حب

اخذت الملابس
نزلت جوه و
حطيتهن بالغسالة
گعدت بالصالة انتظر يكملون غسيل
صفنت اذكرت لينا اول يوم من رجعت
من الدوام شلون تسولف ع الاساتذة و
الجامعة و الطلاب
تمنيت لو مداومة جامعة و ابدل واروح
للدوام و ادرس ظل بنفسي اكمل دراستي
صح هسه داشتغل و نص المبلغ مال سرى
مجامعته لان ماما هالفترة تعبت اكثر
صارت متگدر بلا العلاج الحمدلله ع كل حال
سمعت الغسيل وكف رحت شطفتهن و جففتهن شريتهن و للمغرب رجعت للبيت...