#ما بعد الحرمان

الفصل السابع و الثلاثون

الفصل السابع و الثلاثون

ما بعد الحرمان

بقلمي... شمس

🌹🌹🌹🌹🌹🌹🌹🌹🌹🌹🌹

و ما الحبّ من حُسنٍ
و لا من ملاحةٍ
و لكنّه شيءٌ
به الروح تكلفُ ❤️

______________________________________

رضوان: اني قررت اتزوج

ام رائد: زين من قررت تزوج

رائد: لازم تزوج هاي سنة الحياة

ام رائد: منو تريد تزوجها بس لا وحدة من ساقطاتك

نتر بصوت و شمر المخده البحضنه بالگاع
رضوان: هسه ااني حجيييت لو ابتللليت
يابه حتى زواج ما اريد

رائد: صوووتك من تحجي وي امك ما يعله

رضوان: ما تسمعها شتحجي

ام رائد: ما عجبك الحجي لان حجي ع حق

سكت و بقه بس ينافخ
رائد: منو تريد تزوجها

دنك راسه
رضوان: التختارها امي
و كام صعد لغرفته
ابتسمت خالة
و صاحت وراه

ام رائد: تدلل اختارلك احلى البنات و احسنهن

معرف ليش انقهرت من حجت هيج
حسيتها تقصدني

رائد: منو تخطبيله

ام رائد: ريم اكو غيرها جمال و شهادة و
بنت خالته ما اريد الغريبه

بقيت منصيه راسي اعرف تقصدني

رائد: ان شاءالله خير
وكف رائد وكفت وياه
صعد و صعدت وراه دخل الغرفه
راح فتح باب البلكون و طلع يدخن
بقيت واكفه مقابيل مرايه الميز و اباوع لشكلي
ليش مدااعجب خالة و ثانيا هاي خلقه ربي
اني مخلقت نفسي استغفرت ربي
و كعدت ع السرير شوي و دخل رائد
باوعلي و ابتسم

رائد: شغلينه البلازما نحطه ع فلم

هزيت راسي باي
شغلتها و هو ربط موبايله عليها
بقه يدور ع فلم
نزلت اجيب صحن كرزات
دخلت المطبخ حضرت صينية
بيها صحن فواكه كصصت و صحن كرزات
سويت شاميه و حطيت عصير و صعدت
خالة بالصالة تحجي بالموبايل وي ام ساهر
اكيد ع موضوع الخطبة

دخلت الغرفه شفت رائد مطفي الاضويه
حاطه ع فلم خليت الصينيه ع الطبلة
نزعت الدشداشة بقيت بس بسيت نوم ستن وردي فاتح الصدر قلب و الكتف لاصقيات
طوله لنص الفخذ