"Volek.....မင်း အကြမ်းဖျင်းတော့ ချက်တတ်တယ်မလား.......အဆင်ပြေတဲ့ဟာတစ်ခုခုလုပ်ပေးလိုက်......."
စားဖိုမှူးများသည် ညအိပ်မဟုတ်သောကြောင့် bodyguard များနှင့် သန့်ရှင်းရေးများသာရှိသည်........ခုံတွင် ခြေထောက်ချိတ်ထိုင်ကာ ဝိုင်တစ်ငုံကို အပျင်းပြေသောက်ရင်း အပိုင်တွက်ပြောသော Captain Kim ကြောင့် Volek က ခေါင်းကုတ်ကာ ဟိုကြည့် ဒီကြည့်နှင့်.........
"ဒါ.....ဒါပေမယ့်......"
"အဆင်ပြေတာ လုပ်လိုက်ပါ.......ငါ ကိစ္စသေးသေးလေးတွေ အသေးစိတ်လိုက်မပြောချင်ဘူး....."
တည့်တည့်ကြည့်ကာ ပြောလာသော ပယင်းရောင်မျက်လုံးများကြောင့် Volek က အင်နေချိန်မရဘဲ အေပရွန်ကို ကောက်ဝတ်ကာ မီးဖိုချောင်ထဲ ဝင်သွားသည်.....တိတ်ဆိတ်ကာကျန်ရစ်ခဲ့သော လေထုတွင် မရရအောင် အကြည့်လွှဲသောသူနှင့် အတင်းအကြပ် အကြည့် လိုက်ဆုံသောသူ........
"ဟက်......ခွေးလေးလိုပဲ......အစာကျတော့တောင်းတတ်တယ်......"
ဝိုင်ခွက်အကြည်ရောင်ထဲမှ နီရင့်ရင့်အရည်များကို လှုပ်ခါနေအောင် ပျင်းတွဲတွဲ ဆော့ကစားသော Taehyung က ခပ်တိုးတိုးရေရွတ်သည်......
ကောင်လေး၏ လက်ပေါ်မှ တက်တူးများကိုကြည့်သည်.........ထို့နောက် သွေးခြောက်နေသော ဒဏ်ရာပရပွနှင့် ခြေထောက်ဖွေးဖွေးကိုကြည့်သည်.......ထို့နောက် ဆံပင်ခဲရောင်များနှင့်လိုက်ဖက်လွန်းသော မျက်နှာကိုကြည့်သည်.......ထိုကောင်လေးသည် သူကျဉ်လည်ရသောလောကတွင် ရှင်သန်ရသည်မှာ ဘယ်လိုမှ ယုံချင်စရာမရှိ.......
"အဲဒီ့ Owen က မင်းမွေးထားတာတော့ မဟုတ်ဘူးမလား......."
Owen ဆိုသည့်နာမည်ကြောင့် ဇက်ခနဲကြည့်လာသော မျက်လုံးများ......ထိုအခါ Captain အကဲခတ်မိသည်က ကောင်လေး၏ ကလေးနှင့်ပတ်သက်လျှင် ဆတ်ဆတ်ထိမခံသောစိတ်........
"မွေးစားထားတာ......ဘာလို့မေးတာလဲ"
"အသုံးဝင်ကောင်းဝင်နိုင်တယ်လေ......"
စားပွဲကို ထုရိုက်သောအခါ တင်ထားသော ဖန်ခွက်များက တစ်ခုနှင့်တစ်ခုထိခတ်မိပြီး တချွင်ချွင်မြည်သည်........စူးတောက်လာသော မျက်ဝန်းနက်များနှင့်အံကြိတ်ထားသော မေးရိုးထောင်ထောင်များ...........
YOU ARE READING
Fatal Impact
Actionအဆိပ်ပြင်းတဲ့ မြွေငယ်တွေဟာ ဘယ်လောက်ဆွဲဆောင်တတ်မှန်း မင်းသိတယ်ဟုတ်..... Trigger Warning *violence *strong language Disclaimer: This is a fiction. All the names,characters,places and incidents are the author's imagination. They do not resmble the ido...
