قصة : { #نصيب_عاشق } 🥀♥️
الحلقة الأولى { ١ } 🥂
*( شهر 5 ، سنة 2019 )*
( ف اسكندرية ، جوة عمارة كبيرة ، جوة شقة فيها ، قاعدة بنت ف الأنتريه وماسكة الفون فاتحة الفيس )
ندى بضيق : يوووه ع القرف بقااااا
*( ملحوظة .. ندى بنت جميلة ، بشرتها بيضة ، عيونها خضرا ، طولها متوسط ، شعرها بني فاتح ، جسمها مظبوط ، عندها ٢٠ سنة ، ليها اخت اصغر منها ١٧ سنة ، من طبقة مادياً كويسة )*
( تدخل شات ف الماسنچر وتكتب )
ندى : ي بني انت ناوي تشلني ، م تبطل بقااا !
امام : نعم ؟
ندى : بتعملي لايك وتبوظلي البوست ليه ؟!
ندى : غيره حالاً واعمل لاڤ زي باقي الناس
امام : الصورة معجبتنيش عشان اعمل لاڤ ، هعمله بالعافية ولا ايه ؟!
ندى بغيظ : اة اعمله بالعافية ي امام
امام : بطلي تفاهة ي تافهة
ندى : احترم نفسك طيب واعمل اللاڤ بدل م اعملك بلوك دلوقتي
امام : اعملي بلوك
امام : بسرعة بس
امام : يلاااا
ندى : انت يجرالك حاجة لو مضايقتنيش ، صح ؟
امام : مش فارقة معايا اصلاً ف اهدي بقا وبطلي دوشة بدل م اعملك انا البلوك
ندى : حسبي الله والله
امام : فيكي
ندى : ماشي
( تقفل ندى الفون وهي ع اخرها ، تقرب اختها )
رحمة وهي بتقعد جنبها : مالك بتهزي ف رجلك كدة ليه وترتينا !
ندى بعصبية : الحيوان امام ابن عمك هيشلني
رحمة ب استغراب : عملك ايه ؟!
( تحكيلها )
رحمة بضحك : هههههه والله انتي فعلاً تافهة ، لايك ايه ولاڤ ايه ي هبلة انتي !
ندى بغيظ : بيبوظلي البوست الحيوان ، وبيبقا قاصد يعمل كدة كل مرة عشان يغيظني !
رحمة : الي يشوفك وانتي بتشتميه دلوقتي ميشفكيش وانتي قدامه بتبقي بطة بلدي !
ندى بضحك : م انا بخاف منه بصراحة !
رحمة : هههههه ، طب يلا قومي البسي ، امك وابوكي مستنينا هناك اتأخرنا
ندى وهي بتقوم : طب تعالي معايا نشوف البس ايه
رحمة : ماشي
( يعدي الوقت ، ف عمارة ، جوة شقة كبيرة وشيك ، متجمع ناس كتير ستات ورجالة واطفال وشباب ، بنات قاعدين سوا ف جنينة البيت )
ندى بضحك : هههههه وحرقتها بقا
البنات : ههههههه
اسيل : انتي متدخليش المطبخ تاني ابداً !
ندى : اة والله ي بنتي ، بخرب الدنيا واتشتم من مرات عمك واخرج تاني
زينب : هههههه الوضع طلع صعب جوة !
ندى : جداً
رحمة : انا جعت اوي ، هيخلصوا الغدا امتى بقا !
ندى وهي بتقوم : تعالوا نشوفوهم طيب
( يقوموا البنات يدخله المطبخ )
رحمة بصوت عالي : جوعناااااااععع
ام ندي : خلاص خلصنا ي مفجوعة !
ام امام : حد يقول ل يامن يصحي امام ي بنات
ندى : هقوله
( تطلع ندى م المطبخ ، تقرب ع الشباب )
ندى : يامن
يامن بتلقائية : عيونه ااا أقصد نعم ؟
( يضحك الشباب وتتحرج ندى )
حاتم بضحك : ايه ي عم م تهدى !
خالد : مش قدامنا كدة !
يامن ب احراج : خلااااص ، فلتة لسان ي جدعان اهدوا بقا !
ندى بسرعة واحراج : صحي امام بتقولك طنط
يامن وهو بيبصلها : حاضر
( ترجع ندى للمطبخ ووشها احمر م الأحراج ، يقوم يامن يدخل جوة ، يقرب ع اوضة ، يفتحها ويدخل )
يامن : امام ، امام اصحى
( شاب نايم ع السرير ، يقرب عليه )
يامن وهو بيزقه بعنف وزعيق : ي بنيييييي قوووووم
امام بنعاس وانفعال : اييييييه !
أنت تقرأ
قصة : ( نصيب عاشق ) ل سهيلة سعيد المنجي
Romance_ منذ اخر اعتراف وانا بين اوتارك ، لا استطيع المشي قدماً خارج قلبك ، هل نصيب العاشق من حبك وجعاً ، أليس من المفترض إن يكون عشقاً ، فرحاً ، او اقل ألماً
