قصة : { #نصيب_عاشق } 🥀♥️
الحلقة الثالثة عشر { ١٣ } 🥂
امام وهو بيبصلها بغيظ : اممممم ، م لازم مدخلهمش طبعاً بقميص النوم الي انتي لبساه دة !
ندى بضيق وانفعال : م تبطل بقا كلامك دة ، والله هقوم امشي !
امام بتنهيدة وهو بيسند ايده تحت دقنه : هتسافري ازاي ؟!
ندى : زي الناس ، لاحظ إن دة مجال دراستي يعني فاهمة فيه كويس
امام : امممم ، شايفة إن الموضوع سهل بالنسبالك يعني ؟
ندى : ايوة
امام : طيب قومي روحي وهبقا اخليهم يتصله بيكي
ندى : يعني ايه ؟!
امام : يعني قومي روحي وهبقا اخليهم يتصله بيكي
ندى : الله هو ايه دة !
امام : عاوزة ايه ؟
ندى : هو ايه الي عاوزة ايه ، عاوزة اعرف هشتغل ولا لأ !
امام : لسة هفكر وابقا ارد عليكي
ندى وهي بتقوم : لا وع ايه متفكرش ، انا الف شركة تتمنى ال cv بتاعي ، هقدم ف شركة تانية شكراً
امام : شركة تانية دة عند امك اقعدي
ندى : انت .........................
امام بحدة : اقعدييي
ندى وهي بتقعد : مش قلت هتفكر ، يعني معناها إنك مش هتشغلني !
امام : لا شغلتك خلاص ، اتفضلي استني برة وابعتيلي السكرتيرة
ندى ب استغراب : لا والله !!
امام : ايوة يلا خلصي
ندى وهي بتقوم : طيب !
( تطلع ندى برة )
ندى للسكرتيرة : لو سمحتي ادخليله عاوزك
السكرتيرة وهي بتقوم : اوك
( تدخل السكرتيرة ل امام وتقعد ندى تستنى برة ، بعد خمس دقايق ، تخرج السكرتيرة ، تقرب ع ندى )
ندى : قرار تعيينك اتمضى من استاذ امام ، حضرتك دلوقتي موظفة رسمية هنا
( تفرح ندى وتقوم تقف )
السكرتيرة : هتيجي بكرة ب اذن الله عشان في شوية حاجات كدة هنعرفهالك واجراءات هنعملهالك عشان نطلعلك الباسبور
ندى : تمام اوك
السكرتيرة : هتكوني هنا الساعة تسعة الصبح ، تمام ؟
ندى : تمام
السكرتيرة : تقدري تمشي دلوقتي
ندى : شكراً
السكرتيرة : العفو
( تمشي ندى م الشركة ، امام واقف ف الشباك فوق شايفها ، يفضل باصصلها لحد م تمشي ، يتنهد ويرجع يقعد ع مكتبه ، ييجي الليل ، ندى قاعدة مع هيام )
هيام بضحك : انتي ايه ي بنتي الحظ دة !
ندى : ورايا ورايا !
هيام : ملازمك
ندى : اة والله
هيام : حميد زعلان اوي
ندى ب استغراب : ليه كدة ؟!
هيام : عارفة هلا بتاعة الهدوم ؟
ندى : اة مالها ؟!
هيام : هو بيحبها ، وكان كلم اختها من كام يوم وطلع عشان يتعرف عليهم ، وبعدين اختها اتصلت بيه قالتله إنها مش موافقة
ندى ب استغراب : لا بتهزري ، هو حميد يترفض !
هيام : اة والله رفضت
ندى : طب ليه طيب ؟!
هيام : هو بيقول إنه كان محرج اوي وهو بيكلمها ومتوتر ، يمكن محبتش طريقته !
ندى : ولو برضو !
هيام : من وقتها بقا وهو نفسيته زي الزفت ، ندمان كمان إنه معرفش يتكلم معاها ، ومقتنع إن كسوفه هو السبب ف إنها ترفضه
ندى بحزن : قوليله ميزعلش والله دة الف بنت تتمناه ، وهو انسان محترم وجدع
هيام : بتكلم معاه دايماً والله ، بحاول اصبره
ندى : ب اذن الله ربنا هيعوضه
هيام : يارب ي ندى
( تحت ، ف محل هلا ، واقفة هلا بتعمل جرد للبضاعة ، يقرب شاب يدخل )
........... : سلاموا عليكوا
هلا وهي بتبصله : عليكم السلام ، أأمر ؟
........... وهو مبتسم : كنت عاوزة كدة حاجة حريمي ع زوقك
هلا : حاجة ايه ، في بيچامات وفي لانچيري وفي .............................
........... بنظرات مش لطيفة : يعني حاجة متدلعة كدة
هلا بعدم ارتياح : اة ، اوك !
( تلف تجيب لانچيري وتفتحهوله )
هلا : في دة
( تلف تجيب غيره وهو عيونه متبعاها )
هلا وهي بتفتحه : وفي دة
............ : امممم ، في تاني ؟
هلا : اة ، طب انت عاوز حاجة معينة ؟
............ : م انا قلتلك ع زوقك ، كأنك انتي الي هتلبسيه
هلا بفهم : هما دول الي موجودين بس !
............ : مش قلتي في تاني ؟
هلا بحدة : لا مفيش ، عاوز ولا مش عاوز ؟
............ : م تهدي كدة بس مالك ، م بناخد وندي ف الكلام ي حلوة !
هلا : ي استاذ خصلني ورايا شغل ، وبعدين ايه حلوة دي م تتكلم كويس !
............ وهو بيغمزلها : طب مهو دة شغل برضو
هلا بعدم ارتياح : قصدك ايه بقا ؟!
............ وهو بيحط ايده ع ايدها : قصدي كل خير
هلا ب انفعال وهي بتشيل ايدها : انت اتهبلت ف مخك ، اطلع برااااا !
............. بحدة : م قلنا اهدي ي بت ومتعصبيناش ، انا مطول بالي عليكي !
هلا : قلت اطلع برة وإلا هلم عليك الشارع وربناااا !
........... وهو بيطلع ماطوة من جيبه : لا انتي شكل الزوق مش هينفع معاكي
( تتخض هلا ولسة هتصرخ )
............ وهو بيقرب الماطوة عند وشها : لو طلعتي صوت هشوه وش امك الحلو دة
هلا ودموعها بتنزل : انت عاوز ايه طيب !
............ : طلعي الفلوس الي ف الدرج يلا
هلا : حاضر
( وفجأة .................................. )
حميد وهو بيمسك الشاب من قفاه : انت بتعمل ايه ؟!
............ وهو بيزق حميد : وانت مال اهلك !
هلا : بيسرقنييي !
( يضربه حميد بالبوكس ف وشه وبوكس ورا بوكس يقع الشاب ف الأرض دايخ والناس تتلم )
حميد وهو بيجيبه م الأرض : تعالى ي روح امك !
............ بتعب : ااااه !
حميد بزعيق وهو بياخد الشاب برة المحل : لو شفت وش اهلك هنا تاني وحيات امك لسجنك ، فاهمممم !
( يحدفه ف الأرض ، يقوم يجري ، يدخل حميد المحل )
حميد : انتي كويسة ؟
هلا بصدمة : اة !
حميد : طب ياريت تقفلي وتطلعي ، الوقت اتأخر !
هلا وهي بتمسح دموعها : حاضر
حميد : اساعدك ؟
( تشاورله ب اة وترجع الفلوس الدرج وتاخد المفاتيح وتخرج برة المحل ، ينزل حميد باب المحل ويقفلهولها )
حميد : تصبحي ع خير
( يمشي حميد قبل م ترد ، تبصله هلا ، عند امام ، قاعد ف كافيه بيفتكر اما جاتله ندى ، يتنهد ويشاور للويتر يدفع الحساب ويمشي ، ف بيت هلا ، تفتح هلا بالمفتاح وتدخل )
هالة ب استغراب : انتي لحقتي تخلصي الجرد ؟!
هلا : اسكتي كنت هلبس المستشفى !
هالة بخضة : يوه ي ستار يارب ، ليه كدة ؟!
( تحكيلها الي حصل )
هالة بخضة : يلهوي ، الحمدلله إن حميد كان ف الشارع !
هلا : انا بقيت واقفة مصدومة م الي هو عمله ف الراجل ، سففه تراب الشارع وورم وشه م الضرب !
هالة : راجل وجدع ربنا يحفظه
هلا : اة
( ف بيت اهل ندى ، رحمة قاعدة ف اوضتها بتتكلم ف الفون )
رحمة : ههههه ي سيدي لأ ، والله ابداً ، ههههه لا بكلمك بصراحة ، اة
( يخبط باب الأوضة وتدخل مامتها )
رحمة : طب هكلمك تاني باي !
( تقفل رحمة )
الام : بتكلمي مين ي عيوني ؟
رحمة بتوتر : لا دااا ااا احم ، انا متعودتش اكدب عليكي
الام ب استغراب : وليه تكدبي ؟!
رحمة : هحكيلك طيب
الام : سمعاكي !
( تاني يوم ، تدق الساعة سبعة الصبح ، تصحى ندى م النوم ، تغسل وشها وتقرب ع دولابها عشان تلبس ، تطلع دريس ، تفتكر كلام امام ، تدخله تاني وتاخد بنطلون چينز جراي وبادي نبيتي ، يعدي الوقت ، توصل ندى الشركة )
رانيا : اتفضلي
( تقوم ندى تمشي معاها )
رانيا : هنروح لأستاذ عماد الي هيخلصلك اجراءات السفر
ندى : تمام
( يقربه ع الأسانسير ، تدخل رانيا ولسة ندى هتدخل ............................. )
رانيا : صباح الخير
امام وهو بيبص ل ندى : صباح النور
أنت تقرأ
قصة : ( نصيب عاشق ) ل سهيلة سعيد المنجي
Romance_ منذ اخر اعتراف وانا بين اوتارك ، لا استطيع المشي قدماً خارج قلبك ، هل نصيب العاشق من حبك وجعاً ، أليس من المفترض إن يكون عشقاً ، فرحاً ، او اقل ألماً
