قصة : { #نصيب_عاشق } 🥀♥️
الحلقة الخامسة { ٥ } 🥂
امام : لا انا جيت عشان اخويا لكن انا مش طايقكم اساساً
رحمة : هههههه صريح اوي !
امام : بطلوا رغي بقا
رحمة : ماشي
امام وهو بيبص ل يامن ف المراية : نزل ايدك يالا شايفااااك !
يامن وهو بينزل ايده بزهق : يووووه
( تعدي الأيام ، ف بيت يامن ، قاعد هو وندى ف الأنتريه ورحمة مع مرات عمها ف المطبخ )
ام يامن : ي بت لأ مش كدة ، تحطي التوم يتحمر الأول ياخد تشويحة كدة وبعدين تحطي الكسبرة عشان متمررش
رحمة بفهم : ايوة فهمت ماشي
( عند يامن )
ندى وهي ماسكة كتاب : خالص طيب ؟
يامن : والله م فاهمها ، بصي شوفي امام هو دحيح اكتر مني
ندى : ي عم دة هيديني بالكتاب ف وشي !
يامن : لا لأ هو بيحب يشرح
ندى : طيب هشوفه ، يارب ميكنش نايم
يامن : نايم اكيد عشان اجازة ، هو دة بيصحى
ندى : يبقا لما يصحى طيب
ام يامن وهي طالعة م المطبخ : لا كفاية عليه كدة ، خليه يقوم احنا داخلين ع المغرب ، انا كنت داخلة اصحيه كدة كدة
ندى وهي بتقوم : طاااايب هستلقى وعدي
( تدخل ندى جوة ، تقرب ع اوضة امام ، تخبط محدش يرد ، تفتح الباب وتدخل ، نايم امام ع ضهره وساند دراعه ع وشه )
ندى : امام ، امام اصحى بتقولك طنط ، امااااااام ، يخربيت نومك ، امام اصحااااااا ، يبناااااااااي
امام وهو بيمسكها من هدومها وبيشدها عليه بعنف : مش قلت لأمك متزعقش وانت بتصحينيييييي !
ندى بخضة وهي بتسند ع صدره قبل م تقع عليه : دة انا دة اناااا !
( ينتبه ويتخض ، يسيبها بسرعة ويقوم يقعد )
امام وهو بيحط ايده ع وشه : انتي ايه الي جابك هنا ي نيلة انتي !
ندى وهي بتعدل هدومها : طنط قالتلي اصحيك ، كنت عوزاك تشرحلي حاجة !
امام وهو بيشيل الغطا من عليه وبيقوم بتنهيدة : استغفر الله العظيم يارب
ندى : هتشرحلي ولا ايه ؟
( يبصلها بغيظ )
امام : انتي حمارة صح ، حمارة ، شرح ايه وانا لسة مغسلتش وشي حتى ، لما اتنيل افوق ابقا اتنيل اشرحلك !
( يسيبها ويدخل التويليت )
ندى : ياربي انا عملت ايه ف دنيتي عشان دة يبقا ابن عمي ، م كان كفاية عليا يامن !
امام م التويليت : سامعك ي خرة ، ابقي خلي يامن الي يشرحلك بقا
ندى بندم : يوووه مش قصدي !
( ميردش عليها ، تخرج م الأوضة )
يامن : ايه صحى ؟
ندى وهي بتقعد جنبه : صحى شتمني وكان هيضربني وقالي خلي يامن الي يشرحلك
يامن بضحك : هههههه اكيد عملتيله حاجة
ندى : ولا معملتلوش ، هو دايماً مش طايق نفسه اساساً
يامن : استني يفوق بس وانا هقوله
ندى بتنهيدة : ماشي
( بعد شوية ، يقرب امام )
يامن : ايه ي عم ، طب طمنا عليك عايش ولا مت
( يقعد امام ع الكرسي )
ندى ل امام : هتشرحلي ولا ايه عشان عاوزة امشي
امام وهو بيبصلها : مسمعتيش عن حاجة اسمها كورسات قبل كدة !
ندى بتريقة : معلش اصل احنا فقرا اوي وغلابة مبناخدش حاجات الأغنية دي
امام : لا م باين عليكي الفقر !
يامن وهو بيمسك الفون : خلااااص بقا ي عم شوفها عاوزة ايه
امام بتنهيدة : وريني
( تقوم ندى تقرب عليه تديله الكتاب وتقعد ع ايد الكرسي بتاعه )
ندى وهي بتشاورله ف الكتاب : دي
( يقرأ امام المكتوب )
امام : ايه الي مش فهماه بالظبط ؟
ندى : بص .....................
( يرن جرس الباب ، تجري رحمة تفتح )
طارق : سلاموا عليكم
رحمة : عليكم السلام !
طارق : ااا اناااا طارق ، صاحب يامن
رحمة : اة ثانية واحدة
طارق : اوك !
( تدخل رحمة المطبخ )
رحمة : طنط في واحد برة بيقول إنه طارق صاحب يامن
ام يامن وهي بتنشف ايدها : اة طارق !
( تقرب ع الباب )
الام : تعالى ي حبيبي
طارق : ازيك ي طنط ؟
الام : بخير ي بني اتفضل ، امام ويامن جوة
طارق وهو بيدخل : تسلمي
( يقرب طارق ع يامن )
طارق وهو بيسلم عليه : يامن ولا امام ؟
يامن : يامن ، عامل ايه ؟
طارق : الحمدلله
يامن وهو بيشاور ع ندى : ندى خطيبتي
( يقرب طارق عليها )
طارق وهو بيمدلها ايده : ازيك ؟
امام وهو بيمسك ايده قبل ندى : عامل ايه ي طارق ؟
طارق ب احراج : كويس الحمدلله ، انت عامل ايه ؟
امام : انا فل احبيبي
( يقعد طارق )
امام وهو بيدي الكتاب ل ندى : خشي جوة دلوقتي
ندى وهي بتاخد الكتاب : حاضر !
( تقوم ندى تدخل جوة )
ندى وهي بتدخل البلكونة بزهق : قومي خشي جوة ، محسسني إني قعدالهم بالمايوه !
( برة )
طارق : ي عم طب كنت اعزمني
يامن : انت عارف ندى بنت عمي ف كان اكتر الناس قرايب بقا وكدة
طارق : لا بس عرفت تنقي ي عم
( يبصله امام ويامن ب استغراب )
امام : قصدك ايه يعني ؟!
طارق ب احراج وندم : لا قصدي شكلها بنت كويسة يعني وشبهكم ، وإنك نقيت بنت عمك وكدة !
يامن : اممممم !
طارق وهو بيقوم : طب امشي انا بقا
يامن وهو بيقوم : انت لحقت !
طارق : انا قلت اجي اباركلك بس بما إني محضرتش الخطوبة ، الف مبروك
يامن : الله يبارك فيك ي صاحبي
طارق : سلام ي امام
امام : سلام
( يقوم طارق يقرب ع الباب ف طلوع رحمة م المطبخ ، يبصلها ب ابتسامة خفيفة ، تتحرج وترجع المطبخ تاني ، يمشي طارق ، تمسع ندى صوت الباب بيتقفل )
يامن : الولا دة مش سالك !
امام : لاحظت ؟
يامن : ايوة ، وبعدين هو مال اهله عرفت انقي ولا معرفتش ، هو جاي يقول رأيه !
امام وهو بيبص ل يامن ب ابتسامة : بقيت بتغير يعني وتنفعل !
يامن بغيظ : غاظني بجد ، وبعدين م اكيد هغير ي عم مش خطيبتي ومسؤؤلة مني ، انت لو خطيبتك وقالك الكلام دة مش هيضايقك ؟
امام : هيضايقني
يامن : طيب اهو !
امام : ربنا يخليك ليها
يامن : يارب
( يقوم امام يقف )
يامن : رايح فين ؟
امام : هغير وانزل
يامن : ماشي
( يدخل امام جوة ف خروج ندى م الأوضة )
ندى وهي بتبصله : مشي صاحبكم ؟
امام وهو بيدخل اوضته : امممم
( يقفل الباب ف وشها )
ندى بصوت واطي : حلوف !
( تقرب تقعد مع يامن ، تقرب عليهم رحمة )
رحمة : نودي هنمشي امتى ؟
ندى : امام بس يوريني حاجة وننزل
يامن : امام بيغير وماشي
ندى : يووووه !
( تاني يوم ، يامن وندى بيتكلمه ف الفون )
ندى : عاوز تفهمني إنك كنت بتحبني من قبل م نتخطب ؟!
يامن : لا مش هكدب عليكي مش لدرجة حب ، بس كنت بحب اي تجمع عائلي يجمعني بيكي ، كنت بحب اتكلم معاكي او اهزر او تكلميني ف حاجة او تطلبي مني حاجة ممكن تفيدك او تفرحك ، بحب اشوف فرحتك اوي
( تبتسم ندى )
ندى : انا بصراحة برضو فرحت لما اختارتك ، اليوم دة منمتش من كتر التفكير والي ممكن يحصل بينا بعد كدة ، تعرف إني يوم اري الفاتحة قبل م انام بوست الخاتم بتاعك من فرحتي
يامن : ينهاري ي جدعااااان ، كل دة حاصل وانا مش حاسس !
ندى : م انت الي رخم ، عمرك م لمحتلي بحاجة !
أنت تقرأ
قصة : ( نصيب عاشق ) ل سهيلة سعيد المنجي
Romance_ منذ اخر اعتراف وانا بين اوتارك ، لا استطيع المشي قدماً خارج قلبك ، هل نصيب العاشق من حبك وجعاً ، أليس من المفترض إن يكون عشقاً ، فرحاً ، او اقل ألماً
