قصة : { #نصيب_عاشق } 🥀♥️
الحلقة الثالثة { ٣ } 🥂
امام : هتعرف قصدي بعد اول خناقة بينكم ، اتقل بس
( يضحك الكل )
ندى : بكرة نقعد ونسمع خناقتك انت !
امام وهو بيبصلها : خليكي ف حالك
ندى : ي بني هو انا مرات ابوك ؟
امام : متطوليش
ندى بغيظ : ياربييي
( ميردش عليها ويبص ف الفون )
يامن : فكك منه ، هو متغاظ اصلاً إني هتجوز قبليه وهو هيعنس كدة
امام وهو باصص للفون : اة متغاظ اوي صراحة ، مش باين عليا ولا ايه ؟
يامن : لا باين يخويا
( تقوم رحمة تشغل اغنية *بحبك ل محمد محي وشيرين* يرقص يامن وهو قاعد هو وندى ، ترقص رحمة بكوميديا ، يضحك الكل ويسقفه ، تقرب رحمة تقومهم ويرقصه كلهم ، يقرب يامن ع امام ويشده ، يقف امام يسقفلهم ميرقصش ويرقص الباقي والكل فرحان )
يامن : ي عم ارقص !
امام وهو بيسقف : بسقفلك اهو
( يرن فون امام ، ياخده ويطلع البلكونة )
امام : الو
سيرا : امام عامل ايه ؟
*( ملحوظة .. سيرا بنت جميلة ، بشرتها قمحية ، عيونها رمادي ، شعرها اسود طويل ، طولها متوسط وجسمها رياضي ، عندها ٢٢ سنة ، كانت زميلة امام من ايام الكلية )*
امام : الحمدلله ، اخبارك انتي ؟
سيرا : انا تمام ، وحشتني ف حبيت اسمع صوتك بس
امام : وانتي كمان وحشاني
سيرا : طب تعالى بكرة نتغدى سوا ، عاوزة اشوفك قبل م اسافر
امام : طب ممكن نخليها عشا اكون خلصت شغل
سيرا : اكيد اوك
امام : اوك
( يخلص امام مكالمته ويرجع يقعد معاهم ، يعدي اليوم ، تاني يوم ، امام قاعد مع سيرا ف مطعم )
سيرا : انا مش عارفة بقولك الكلام دة ازاي بعد الي حصل بينا ، بس انت عارف إني لسة بحبك ولسة باقية عليك مهما حصل ومهما فات ي امام
امام بفهم : عارف ، بس انا فهمتك إني مش هقدر ودة غصب عني ، مش هينفع اكمل واقول سيبها بظروفها ، هبقا اناني وبظلمك معايا كدة ، يمكن بعدين سواء معاكي او مع غيرك ، بس كل الي اعرفه إني مش هقدر ولا هعرف دلوقتي
سيرا بحب : وانا برضو هفضل جنبك حتى لو صحاب ، انا اتمنى دة
امام ب ابتسامة : احنا كدة من غير م تقولي ي سيرا
( تبتسمله وتشاورله ب أة ، تعدي الأيام وعلاقة ندى ب يامن بتتطور للأحسن وبيقربه لبعض اكتر ، ف بيت يامن ، ندى ورحمة قاعدين سوا مع يامن بيلعبه كوتشينة )
يامن ل ندى : طب احكمي انتي عليها عبال م اقوم اغير هدومي عشان نلحق الفيلم
ندى بحماس : اشطاا بقا
رحمة وهي بتتفرج ع ال tv ب اهتمام : يلا انجزي بس
ندى وهي بتمسك الريموت : طيب انا ليا حكمين ، اولهم مفيش مسلسل
( تطفي ال tv )
رحمة بخضة : احيه لأ دي اخر حلقة !
ندى وهي بتقوم : ثانيهم بقا هدخل المطبخ واجيلك اقولك
رحمة بزعيق : هاتي الريمووووت !
ندى وهي ماشية : لأة
( تدخل ندى المطبخ تدور ع حاجة ، يدخل يامن )
ندى وهي بتشد يامن من ايده : بالله هاتلي الملح انتوا حاجاتكم عالية اوي ، قدره القصيرين الي زيي !
( يقرب يامن ع الدولاب ، تدخل رحمة )
رحمة وهي بتقرب ع ندى : ي نيلة هاتي الريموووت !
ندى وهي بتبعد : لا دة حكم مفيش مسلسل !
رحمة ب انفعال : بطلي رخامة بقا انهاردة حلقة مهمااااااا !
ندى : لااااء قلت
رحمة وهي بتشد ايدها : هاتي بقااااا
ندى وهي بتمسك ف يامن : الحقنييييي !
رحمة وهي بتشد منها الريموت : هاتيييييي !
ندى : بس بقاااا ، التزمي بقواعد اللعباااااا !
( تخبط ف يامن توقع منه الملح يمسكها من وسطها بتلقائية )
ندى ب انفعال : عاجبك كدة ، بطلي بقاااا !
رحمة : اخلصي
( يدخل يامن )
يامن : في ايه ؟!
( تلاقيه لسة مغيرش ، تتخض وتلف للي لازقة فيه تعرف إنه امام مش يامن )
ندى بخضة : امام !
( تبعد عنه )
ندى : انا فكرتك يامن !
رحمة بضحك : يلهواااااي !
ندى ب احراج وغيظ : مش تقوووول ، وسايبني اهزر معاك م الصبح !
امام ببرود : انتي مقلتيش يامن !
ندى : وانا ههزر معاك انت ليه اصلاً !
يامن : حصل ايه يعني ي ندى ، وفيها ايه لما تهزري مع امام دة اخوكي !
( تطلع ندى م المطبخ ع اخرها )
يامن : مالها بس !
( يروح وراها )
رحمة ل امام : انت قاصد تضايقها ، نفسي تبطلوا تقرفوا ف بعض !
امام بوداعة : انا ي بنتي ؟
رحمة : هههههه اومال انا ي بني !
( يبصلها بتنهيدة وياخد ازاة ماية ويطلع م المطبخ ، ندى ويامن قاعدين ف الأنتريه ، يبصلهم امام وهو معدي ويشرب م الماية ، تضير ندى وشها م الأحراج لإن تعتبر كانت ف حضنه من شوية ولمسها كتير غصب عنه ، يدخل اوضته )
ندى ل يامن : هو مش هنمشي ولا ايه ؟!
يامن : اة ي قلبي يلا
ندى : مش هتغير ؟
يامن : لا الجو حر هخليني بالشورت
ندى وهي بتقوم : طب يلا
يامن بصوت عالي : رحمة يلا ماشيين
رحمة م المطبخ : حاضر جاية اهو
( يمشوا يروحوا السينما مع رحمة ويقضوا يوم جميل ومبسوطين ، يعدي الوقت ويخلصه ويطلعه ، امام قاعد مع صحابه ف كافيه )
سما : دة الله يكون ف عونها والله ، بتعرف تفرق بينكم ازاي !
عماد : لا عادي تعرف ، لإن شخصية امام مختلفة عن يامن اوي !
سما : دة لما يتكلمه ، لكن لو ساكتين مش هتعرف طبعاً !
حميد : ايوة صح ، وانت ي باشا مش ناوي تخلينا نشتري بدل وسوارية بقا ؟
امام : ف فرح امك ب اذن الله
الكل : ههههههه
حميد : حقير وكئيب وربنا هقول ايه
سما : دة معقد ي بني !
امام وهو بياخد فونه من ع الترابيزة : طاااايب اسيبكوا انا
( يقوم يقف )
حميد : رايح فين ، اقعد ي بني !
امام : ي عم انا جاي افك عن نفسي مش جاي اتكلم ف جواز وخطوبة ، خليكوا انتوا ف حنة خالتك دي لما تخلص ابقا اجي تاني
عماد : اقعد طب خلاص والله مش هنتكلم
امام : لا يابا اتكلم براحتك ، انا فل كدة عشان عندي شغل الصبح ، وانتوا كمان
سما : طب خدني ع سكتك بدل م اتغرم اوبر
امام : قومي ي معفنة
سما : دة انا نص فلوسي ضايعة ع اوبر وربنا
امام : زائد بطنك ، اشوفكم ف الشركة باي
الكل : باي
( يطلعه يركبوا العربية ويمشوا )
سما : عرفت إن سيرا سافرت ؟
امام : اة عارف
سما : خسارة والله إنك ضيعت البنت دي من ايدك !
امام وهو باصص لطريقه : نصيب
سما : كانت زي القمر وبتحبك اوي
امام : احنا بنتواصل برضو بس كصحاب
سما بفضول : امممم ، مفيش حاجة جديدة كدة ولا كدة ؟
امام : لأ
سما : كئييييب
امام : هو انا لازم ارتبط عشان ابقا فرفوش ؟!
سما : ايوة هو كدة
امام بتنهيدة : طااايب
( عند يامن والبنات ، واقفين قدام السينما والناس بتمشي )
يامن وهو ماسك الفون : مفيش شبكة هنا ، مش مجمع معايا الأبلكيشن خالص !
ندى وهي بتطلع الفون : طب نجرب احنا كمان والي يلقط معاه
يامن : طب شوفوا كدة
أنت تقرأ
قصة : ( نصيب عاشق ) ل سهيلة سعيد المنجي
Romance_ منذ اخر اعتراف وانا بين اوتارك ، لا استطيع المشي قدماً خارج قلبك ، هل نصيب العاشق من حبك وجعاً ، أليس من المفترض إن يكون عشقاً ، فرحاً ، او اقل ألماً
