قصة : { #نصيب_عاشق } 🥀♥️
الحلقة التاسعة { ٩ } 🥂
( تتخض ندى ومتردش لإن تقريباً كلامه صح )
امام : انا مش بديله ي ندى ، انا مش بديل !
ندى : هو فعلاً وحشني ، بس انا مجتش عشان انت البديل ي امام ، انا .........................
امام : لا جيتي عشان كدة ، من امتى انا ولا انتي بنطمن ع بعض ، انتي جيتي عشان حنيتي ، بس مش هتلاقي مقابل ، انا امام مش يامن
ندى ودموعها بتنزل : وانت هتفضل طول عمرك معندكش دم !
امام : احسن م ابقا حمار شبهك !
ندى ب انفعال : احترم نفسك بقا ، انت ايه ي اخي مبتحسش بلي احنا فيه ، دايماً دبش كدة !
امام : ايوة انا الي مش حاسس ، انتوا الي مقهورين عليه اكتر مني ، انا حيالله اخوه التوأم الي كان بقاله عشرين سنة بينام معاه ف نفس الأوضة ، الي لما بقاله اوضة لوحده بقا ييجي ينام ف حضني برضو عشان اتعود ع وجودي جنبه ، انا الي كان بيدافع وانا الي كان بيقوي وانا الي كان سند وضهر وصاحب واخ ، انا الي لما ببص لوشي ف المراية بشوفه ، انا كرهت ابصلي عشان انا مش هو ، وانا برضو الي معندوش دم ومبيحسش بيكوا ودبش ، خليكي انتي بقا عندك دم وسيبيني ف حالي
( يقعد ع الكنبة ويسند ايده ع رجله ويبص للأرض ، تنزل دموع ندى وتفضل بصاله بحزن ، بتشبع من شكله كأنها مش هتشوفه تاني ، تقرب ع باب الشقة وتمشي ، يتنهد امام تنهيدة طويلة بضيق ، تعدي الايام والشهور )
*( يوم ثانوية يامن )*
( الكل قاعدين ومشغلين قرأن ، يمشوا الناس ويتبقا العمام )
حسين : يجعلها اخر الأحزان يارب
ابو امام : اللهم امين
( قاعدة ندى عيونها مدمعة وباصة للأرض )
ام امام ل ابوا ندى : احنا كنا عاوزين نتكلم معاكوا ف حاجة كدة
ابو ندى ب اهتمام : خير ي صفاء قولي !
ام امام : احنا مش عاوزين ندى توقف حياتها ع الي حصل ، هي برضو بنتنا واحنا يهمنا إنها تعيش مبسوطة وتشوف دنيتها ، ويامن الله يرحمه لو موجود كان قالها الكلام دة بنفسه ، وكمان عدى سنة بحالها
ام ندى بتنهيدة : والله ي صفاء غلبت معاها ف الكلام ، وفي عرسان بيتقدمه بس زي م انتي شايفة كدة بترفض ، حتى من غير م تعرف اي تفاصيل عنهم !
ام امام ل ندى : دة غلط ي حبيبتي ، مينفعش توقفي حياتك بالشكل دة ، لازم ترتبطي تاني وتتجوزي وتكملي
ندى بحزن : مش حاسة هعرف ي طنط ، بجد مش هعرف
ام امام : طب وبعدين يعني ، هو ربنا نجاكي م الموت عشان تعيشي مكتئبة كدة وحزينة ، دة بدل م نقول الحمدلله ونشوف حياتنا الجاية فيها ايه ، وبعدين الجواز دة سُنة الحياة ي حبيبتي
امام وهو ماسك الفون : يلا اعمليها وشجعيني وانا هحصلك
( تبصله )
ام امام : ياريت ي امام وتفرحني بقا
ابو امام : طب م انا عندي فكرة ي ولاد ومتأكد إنكم مش هتعترضه عليها
( يبصوله ب اهتمام )
ابو امام ل ابو ندى : ايه رأيك ي محمود لو امام خطب ندى ؟
( يتخض الكل وندى تبص ل امام )
ابو ندى : بس .........................
امام بسرعة : لأ !
( يبصوله )
امام : انا بس كنت مستني ثانوية يامن تعدي عشان اقولكم إني هخطب خلاص
ابو امام : انت عارف حد يعني ؟
امام : اة في بنت
ابو امام : طب مقلتش ليه من بدري ، دي كانت هتبقا اري فاتحة يعني مش مستدعية إنك كنت تستنى لحد الثانوية !
امام : معلش كدة احسن
ام امام : طب مين دي وتعرفها منين ؟
امام : زميلتي ف الشغل
ابو ندى : ربنا يتمملك بخير ي بني !
امام : الله يخليك ي عمي
( ندى قاعدة محروجة م الموقف ، بعد شوية ، تطلع ندى م التويليت تعدي ع اوضة امام ، تسمعه بيتكلم مع مامته )
ام امام : يعني انا بقول ندى كانت اولى بيك ي امام
امام : وانا مش عاوزها ي ماما
( تتخض ندى وتتحرج ، ترجع تقعد )
امام : هي عاوزة يامن ، شيفاني هو عشان الشبه الي بينا مش اكتر
ام امام : انا بس مكانش نفسي تطلع برانا ، انت عارف غلاوتها عندي
امام : عارف ، بس معلش مش هينفع
ام امام بزعل : ماشي ي بني !
( ييجي الليل ، ف بيت ندى ، قاعدة ندى مع اهلها )
ندى : يعني عاوزة امشي ، عاوزة ابعد عن هنا
( تنزل دموعها )
ندى : انا هنا كل حاجة بتفكرني بيه ، البيت ، العيلة ، كل حاجة ، مش عارفة اركز ف دراستي ولا ف حياتي ولا ف اي حاجة !
الاب : طب عاوزة تعملي ايه ؟
ندى : هروح سكن جنب الكلية
الام : وليه طيب ، كلييتك بالكتير ساعة وتكوني فيها ، ليه الشحططة ف سكن لوحدك !
ندى بعياط : قلتلكم ليه ، قلتلكم ، بالله عليكم سيبوني ، مش انتوا عاوزني اركز ف حياتي واشوفها ، سيبوني يمكن اعرف اعيش تاني بدل م انا ميتة كدة
( بباها ومامتها يبصه لبعض ، تعدي الأيام ، تتفتح شقة وتدخل ندى وتدخل شنطها ، تقفل الباب ، تبص للبيت وتتنهد وتبتسم )
ندى بتماسك : هتقدري
أنت تقرأ
قصة : ( نصيب عاشق ) ل سهيلة سعيد المنجي
Romance_ منذ اخر اعتراف وانا بين اوتارك ، لا استطيع المشي قدماً خارج قلبك ، هل نصيب العاشق من حبك وجعاً ، أليس من المفترض إن يكون عشقاً ، فرحاً ، او اقل ألماً
