قصة : ( نصيب عاشق ) ل سهيلة سعيد المنجي

الحلقة ٢٧ و ٢٨

قصة : { #نصيب_عاشق } 🥀♥️

الحلقة السابعة والعشرون { ٢٧ } 🥂

( يسكت امام ويتنهد )
امام : متلغبط ، متغلبط بس ، كل م اقول حياتي بدأت تمشي فجأة بتقف وكل حاجة كانت ورايا بتخبط فيا تهزني تاني !
حميد : كشغل ؟
امام : لأ ، ملهاش علاقة بالشغل
حميد : سيرا ؟
امام : سيرا مش عارف انا وهي هنوصل لفين !
حميد : ندمت إنك رجعتلها ؟
امام : ندمت عشان حاسس إن انا زي م انا متغيرتش ، وإني برضو مش هعرف احبها مهما هي عملت ومهما انا حاولت ، مش عارف !
حميد : طب قولها إنك مش هتقدر تكمل
امام : وأذيها لتاني مرة ، اكيد لأ !
حميد : بس انت كدة بتأذي نفسك ي امام ، مش حلو ابداً إنك تغصب قلبك ع حد مش بتحبه !
امام : هي تتحب ، بس مش عارف ليه مش قادرة تدخل قلبي !
حميد : يبقا ف قلبك حد تاني مالي مكانها
( يتخض امام وميردش )
حميد : يبقا كلامي صح !
( يتنهد امام ويحط ايده ع دماغه )
امام : صح
حميد : مين بقا ؟
( بعد يومين ، امام واقف ف مطعم الشركة الي هيتعمل فيه الحفلة وظبطه المكان وخلاص بيتممه ع الحاجة ، ندى واقفة ع جنب مع سما بيحطوا فاسات الورد ع الترابيزات )
ندى : امممم ممكن الأزرق ، انتي بشرتك فاتحة والأزرق هيكون فيكي قمر اوي
سما : بجد ؟
ندى : اة والله
سما : اشطاا ، هروح بالليل مع اختي اشتري الفستان ، خلاص الحفلة بكرة ومفيش وقت
ندى : ب اذن الله
سما : هتجيبي مين معاكي مسموحلنا بفرد ، انا هجيب خطيبي
ندى : مش عارفة والله ، مفكرتش ف حد
سما : اكيد مش هتدخلي بسواريه وايدك فاضية
ندى : ههههه هتصرف
سما : اكيد امام هيجيب خطيبته
ندى بضيق : اة
سما : متشوقة اشوفها ، بيقوله قمر
ندى : كانت هنا من يومين
سما : مشفتهاش للأسف
ندى ف سرها : متشوفيش وحش
امام بصوت عالي : هنرغي بقا ولا هنشتغل !
ندى : م شغالين اهو !
امام وهو بيقرب عليها : يجرالك حاجة لو مردتيش انتي !
ندى : وانت تتجلط لو مستفزتنيش
( تبصلهم سما ب استغراب )
امام وهو بيحط ايده ف جيبه : واتجلط ليه بعد الشر عليا
( تبصله ب غيظ )
امام وهو بيمسك الفاسة : وايه الورد المعفن دة ، زوقك خرة
سما ب احراج : احم داااا زوقي !
ندى بكتمة : ههههه
امام : جميل ي سو زوقك قمر شبهك
ندى : نعم !
امام : ايه في حاجة ؟
ندى : لا خالص !
امام : كمله شغل وبطله لك يلا
سما : باشمهندس ممكن طلب ؟
امام : أأمري ؟
سما : كنت عاوزة اروح ساعتين بدري عشان ورايا كذة حاجة لبكرة ومش هعرف اعملها متأخر
امام : اوك ماشي
ندى : اة وانا
امام وهو بيبص ل ندى : لأ
ندى : الله م انت لسة قايل ل سما اوك !
امام : مهو ي انتي ي هي
ندى بضيق : ماشي !
سما : معلش ي نودي
ندى : ولا يهمك ي حبيبي
( تاخد سما الفاسة وتروح تحطها ع ترابيزة تانية )
امام بتريقة : ولا يهمك ي حبيبي 
ندى : بطل بقاااا
( يرن فون امام ، يمسكه )
امام : الو ، ايه ي قلبي عاملة ايه ؟
( تمشي ندى تعدي من جنبه يمسك دراعها يوقفها ، تبصله )
امام وهو باصصلها : انا فل الحمدلله
ندى بصوت واطي : ايه !
امام وهو مازال ماسكها وبيتكلم ف الفون : اة ، لا صعب انهاردة ورايا كذة حاجة عشان حفلة بكرة ، اة
( تتنهد ندى بزهق )
امام : اشوفك بكرة بقا
( يسرح امام ف الكلام وكل مادا ايده م بتنزل لتحت لحد م تبقا ف ايدها ، تتحرج ندى وتبصله )
امام وهو باصص ف حتة تانية : اة هعدي عليكي الساعة سبعة ، اة ، متتأخريش عن كدة عشان لازم اكون هناك استقبل الضيوف ، تمام
( تحاول ندى تشيل ايدها من ايده ، يلاحظ امام ف يبصلها يلاقيه ماسك ايدها ، يتخض ويسيب ايدها ، لسة هتمشي ................................. )
امام بسرعة : استني
( تقف )
امام : ماشي ي سيرا هخلص شغل واكلمك ، اوك باي
( يقفل امام )
ندى : نعم ؟
امام : هتلبسي ايه بكرة ؟
ندى : واللااااهيييي مش عارفة ، يعني ممكن فستان اسود ممكن احمر ممكن اخضر ممكن اص .........
امام : ايييه دة كله ، وانا مالي انا ب ام اللون !
ندى : م انت الي بتسأل اسألة غريبة ، وانت مالك هلبس ايه بكرة فعلاً !
امام : ايوة مالي مش ناقص فضايح انا ، الناس هنا عارفين إنك بت عمي ، يعني اي نيلة هتلبسيه هلبسه انا ف الأخر
ندى : خايفة ع شكلك ي كوكووو !
امام : كوكو !
ندى : متخافش مش هعرك والبس حاجة ملفتة
امام : متقدريش اصلاً
ندى : لا انا اقدر
امام : ي بنتي متكفرنيش
ندى ب ابتسامة مستفزة : مش هعمل كدة عشاني مش عشان سيادتك
امام : لا عشان منفخكيش قدام الناس واروحك بيتكم بكرة متنكدة
ندى : طب متستفزنيش !
امام : لا خفت انا كدة ، انا اسف مش قصدي ، م تستفزي ولا تولعي ، الي بقوله يتسمع فاهمااا ؟
ندى ب ابتسامة : ماشي ي بن عمي ، الي تؤمر بيه
( يبصلها ب استغراب ع طريقتها )
ندى : حاجة تاني ، ي كوكو ؟
امام بقلق : لأ ، وبطلي ام كوكو دي !
ندى : عنيا ، ممكن اروح اكمل شغلي ؟
امام : اتفضلي !
( تمشي ندى ، تاني يوم ، ف بيت ندى ، ندى ف اوضتها بتحط الميكب ومعاها هيام )
هيام : هيروح معاكي يعني ؟
ندى : اة معرفتش اخد مين ف قلتله
هيام : ايوة
ندى : انا لسة ف الشركة مش عرفاهم اوي ، وكمان كل واحدة معاها حد ف هقعد مع مين انا !
هيام : ايوة حلو اهو يسليكي
ندى : ايوة
هيام : وريني الفستان بقا
ندى : اة استني
( تقوم ندى تقرب ع الدولاب تفتحه وتطلع منه فستان سواريه لونه ابيض ف سيلفر طويل )
هيا ب اعجاب : فااااجر !
ندى : بجد ؟
هيام : بجد فظيع ، والميكب الكشمير دة هيبقا تحفة عليه
ندى بحماس : استني بقا البسه واوريكي
هيام وهي بتقوم : خلصي ووريني
ندى : اشطا
( تطلع هيام تستنى برة ، تلبس ندى الفستان ، طويل ب ديل بسيط وبتلت كم شيفون ومفتوح من قدام واخد وضع جسمها ، تظبط شعرها تفرده وتحط بروش تلمه م بيه م الجنب والجنب التاني ع خدها ، تحط فونها ف شنطة سيلفر صغيرة وتطلع ل هيام )
ندى : ايه رأيك ؟
هيام ب اندهاش : ينهاري ، شكلك ولا الممثلين !
ندى : ههههه مش للدرجة
هيام : يجنن وربناااا
( يرن فون ندى ، تمسكه )
ندى : الو ، اة خلصت ، طب نزلالك ، باي
( تقفل ندى )
ندى : هنزل بقا
هيام : خلي بالك من نفسك هاااا
ندى : حاضر ي قلبي
( يخرجه م الشقة وتقفلها ندى وتنزل ، تقرب ع عربية )
انس ب اعجاب : ايه الجمال دة !
ندى ب ابتسامة : ميرسي
( يفتحلها باب العربية تركب ويمشوا ، بعد شوية ، ف الحفلة ، امام واقف هو وسيرا مع ناس )
امام : ههههه ايوة
( توصل ندى ، يلمحها امام وهي داخلة ، يفضل باصصلها ب اعجاب ، يلاقي انس داخل وراها ، وشه يتقلب ، يقرب انس جنب ندى ويحط ايدها ف ايده ويدخله وامام ع اخره ، يقعده ع ترابيزة )