قصة : { #نصيب_عاشق } 🥀♥️
الحلقة الخامسة عشر { ١٥ } 🥂
( تقول نفس الجملة بالأنجلش وتوزع ع السياح كتب صغيرة جداً فيها معلومات عامة عن الرحلة والمكان وبعدين تنزل تقف قدام الباص ، يقرب عليها شاب )
انس : صباح الخير
*( ملحوظة .. انس شاب وسيم ، بشرته بيضة ، عيونه رمادي ، شعره اسود ، طويل ورفيع جسمه رياضي ، عنده ٢١ سنة ، من عيلة غنية )*
ندى : صباح النور
انس : هو حضرتك المرشدة ولا م السياح الي معانا ف الرحلة ؟
ندى : لا انا ندى المرشدة بتاعتكم
انس : انا انس
ندى ب ابتسامة : استاذ انس اتفضل
انس : ياريت انس من غير استاذ
ندى : اوكاي !
انس : هنمشي امتى ي ندى ، ينفع اناديكي ندى عادي ولا ؟
ندى : اة عادي
( تبص ندى ف ساعة ايدها )
ندى : هنمشي كمان خمس دقايق خلاص
انس : طب هو احنا مستنيين ايه ؟
ندى وهي بتبص ف الورقة الي ف ايدها : لسة فاضل شخص تاني ، وكمان السواق والمساعد لسة مجوش !
امام وهو معاه شاب : السواق والمساعد وصله اهو
( تبصله ندى ب استغراب )
انس : طب فل يلا بقا
( يطلع انس الباص )
ندى ب استغراب : انت السواق ازاي معلش ؟!
مازن : لا انا المساعد
ندى : ازاي برضو ؟!
مازن : خدت مكانه عادى
ندى : جيت امتى اصلاً ؟!
امام : بطلي اسألة بقا ويلا اتأخرنا
ندى : لسة في ........................
سيرا وهي بتقرب عليهم : معلش اخرتكم
ندى وهي بتبص ف القايمة : انسة سيرا ؟
سيرا : ايوة
مازن : وادي الشخص الي فاضل ، نمشي بقا
هنا : اة اوك ، اتفضلوا
( يطلع الكل الباص ، يقعد امام ع كرسي قدام جنب السواق ويبدأه يتحركه ، ف الطريق ، قاعدة سيرا متضايقة إنها مش شايفة حاجة ف الطريق بسبب إنها قاعدة ع الطرف مش قاعدة جنب الشباك ، تقوم تقرب ع الست الي قاعدة قدام خالص )
سيرا : لو سمحتي ممكن تبدلي الأماكن معايا ، انا عاوزة اقعد هنا
( تقوم ست كبيرة بالراحة ماسكة عكازها ، تشوفها ندى تستغرب ، تقرب عليهم )
ندى : رايحة فين ي مدام جنين ؟!
جنين : الأنسة عاوزة تقعد هنا !
ندى : لا متقوميش طبعاً ، كل واحد ليه مكانه !
سيرا بغيظ : انا مغصبتهاش ع فكرة !
ندى : وانا مقلتش إنك غصباها ي انسة !
جنين : مفيش مشكلة هقعد انا ورا
ندى : لا دة انسب مكان ليكي عشان رجلك ، مش هتبقي مرتاحة لو قعدتي ورا ، خليكي مكانك لو سمحتي
( تتغاظ سيرا )
سيرا وهي باصة ل ندى : امااااام !
( يقرب امام عليهم )
امام بقلق : في مشكلة ولا ايه ؟!
سيرا وهي بتربع ايدها : انا عاوزة اقعد هنا
ندى ل امام : الكرسي دة بتاع مدام جنين وانسة سيرا ليها مكانها ورا فاضي
سيرا : ايوة عارفة ، بس انا مش شايفة حاجة من ورا !
( تزهق جنين وتقوم تقف )
جنين : هرجع انا ورا وخلاص ي جماعة
ندى : لو سمحتي انا المسؤلة هنا ي مدام جنين ف ياريت تلتزمي بكرسيكي عشان الرحلة تبدأ !
( تقعد جنين مكانها ، تبص ندى ل سيرا وتشاورلها ع الكرسي بتاعها )
ندى : اتفضلي حضرتك عشان متتأذيش م الطريق
( تروح سيرا بكل عصبية وغيظ تقعد ع الكرسي ، يبتسم امام ع الموقف )
ندى ل امام : تقدر تقعد
امام : اوك
( يروح امام يقعد )
جنين : بيجوز نصور ف الرحلة ؟
ندى : اة طبعاً زي م تحبي ، اي حد عاوز يصور اثناء الرحلة مافيش اي مانع
( وتكرر الجملة بالأنجلش ، يوصله صحرا شبه غابة ، تبدأ هنا تقولهم معلومات عنها وعن الحاجات الطبيعية الي فيها ، سيرا قاعدة زهقانة ، قاعدة جنبها بنت )
سيرا للبنت : بصي ممكن تبدلي مع الي قاعد قدام معلش
ليا : اة حسناً !
سيرا : انتي صينية صح ؟
ليا : نعم
سيرا : ههههه ماشي ، معلش هضايقك
ليا : لا بأس
( تقوم البنت تقرب ع امام )
ليا : لو سمحت
امام ب انتباه : ايوة ؟!
ليا : هذه الفتاة تريدك إن تجلس بجانها ، وانا سوف اجلس هنا
امام : اة اوك !
( يقوم امام يقعد جنب سيرا ، تبصله ندى ب استغراب )
سيرا : جاي معايا انت عشان تقعد بعيد عني كدة !
امام : احمدي ربنا إني عرفت اجي اصلاً !
سيرا : مكنتش هطلع لو مكنتش انت جاي
امام : امممم
( تفضل ندى بصالهم ، لثواني سرحت ف ملامح امام ، يلمحها بصاله ، تضير وشها بسرعة ويقلب طمطماية م الأحراج ، يبتسم امام ، تمسك سيرا ف دراعه وتسند دماغها عند صدره ، يبصلها ، بعد دقيقة ، ترجع تاني ندى تخطف نظرة ، تشوفهم تتخض ، اول مرة تشوف امام كدة ، او اول مرة تشوفه مع بنت اصلاً ، تضير وشها وهي متنحة )
ندى بصوت واطي : يخربيتك ، ماشي !
( تمسك ندى ريموت الشاشة الي ف الباص ، تشغل قرأن ، يتعدل كل الكابلز الي قاعدين ويبعده عن بعض إلا سيرا وامام )
ندى وهي بتبصلهم : نتقي الله ي جماعة ، نتقي الله !
( يبعده عن بعض )
ندى ب انتصار : ههههه
( يبص امام ناحيتها ويبتسم ، بعد شوية ، يقف الباص ، تقوم ندى )
ندى : هننزل هنا يلا بينا
( ينزل الكل ، الي يصور والي يتصور والي يتفرج ع الحيوانات والمناظر الطبيعية ، تلمح ندى امام واقف مع سيرا بيفرجها ع الحيوانات ، تتنهد وتغمض عيونها ، تقرب عليها ليا )
ليا : مرحباً انسة ندى ، انا ليا
ندى ب ابتسامة : ازيك ي ليا ؟
ليا : انا بخير ، الرحلة حقاً رائعة
ندى : يارب تكوني استمتعتي معانا
ليا : انا مستمتعة جداً
ندى : طب ي قلبي الحمدلله
( ندى تلمح امام واقف لوحده )
ندى : لحظة واحدة ي ليا
ليا : تفضلي
( تقرب ندى ع امام ، يبصلها )
ندى وهي بتقف قصاده : ازيك ؟
امام وهو بيحط ايده ف جيبه : فل ، وانتي ؟
ندى : الحمدلله ، انااااا ، انا بس استغربت إنك جيت بدل مساعد السواق !
امام : انا وسيرا صحاب ، ف هي طلبت مني اكون معاها ف الرحلة دي ف جيت عشانها بس ، ف قلت لمساعد السواق يأجز المرة دي عشان مكانش في اماكن تانية فاضية
ندى بفهم : امممم تمام ، يعني انت جاي عشان سيرا ؟
امام : ايوة ، وبتسألي ليه اصلاً ؟!
ندى : بسأل عشان استغربت وجودك وانت مدير الشركة !
امام : لا متستغربيش ومتسأليش غير ف الي يخص الرحلة وبس
ندى بغيظ : ع فكرة دة يخص الرحلة !
امام : بس ميخصكيش
ندى : انا المرشدة لو حضرتك ملاحظ !
امام : وهو دور المرشدة تسأل الناس ايه الي مطلعهم الرحلة ؟
ندى : جاوبت عليا ليه مدام دة مش دوري ؟!
امام : عشان اهبطك
ندى : تهبطني !
امام : اة اهبطك ي ندى ، بس بعد كدة متدخليش ف الي ملكيش فيه
ندى : مش عارفة هتفضل لأمتى دبش كدة !
امام : طيب كلمة زيادة وهتلاقي نفسك راجعة مصر كمان ساعة ، متنسيش إني مديرك ، تمام ؟
ندى : ههههههه
( يبصلها ب استغراب )
امام : بتضحكي ع ايه ؟!
ندى : متنساش انت إنك ف الرحلة دي مساعد السواق مش المدير ، يااااا ، يسطا
امام : يسطااا !
ندى : يسطااااا
( تمشي ندى وهي ع وشها ابتسامة انتصار )
امام بغيظ : ماشي ي بت عمي !
ندى للناس : لما تخلصه تصوير هنكمل مشي ي شبااااب
( وتكرر الجملة بالأنجلش ، يقرب انس ع ندى )
انس : هاي ازيك ؟
ندى : الحمدلله
انس : ممكن اتصور معاكي ؟
ندى ب ابتسامة : اة اكيد
أنت تقرأ
قصة : ( نصيب عاشق ) ل سهيلة سعيد المنجي
Romance_ منذ اخر اعتراف وانا بين اوتارك ، لا استطيع المشي قدماً خارج قلبك ، هل نصيب العاشق من حبك وجعاً ، أليس من المفترض إن يكون عشقاً ، فرحاً ، او اقل ألماً
