قصة : { #نصيب_عاشق } 🥀♥️
الحلقة الخامسة والعشرون { ٢٥ } 🥂
( ف بيت ندى ، ندى ف اوضتها بترتب هدومها ، يرن جرس البيت ، تروح تفتح )
ندى : هياااام 🥺
هيام وهي بتحضنها : حمدلله ع السلاماااا
ندى : الله يسلمك ي قلبي ، وحشتيني
هيام : وانتي كمان والله
ندى : تعالي
( يدخله الأوضة )
هيام : احكيلي بقا كل حاجة ف الرحلة
ندى : هحكيلك ا .........
( يرن فون ندى )
هيام وهي بتمسكه : مكتوب انس 🤳🏻
ندى : مش وقته خالص !
هيام : مين دة ؟!
ندى : م السياح الي طلعه الرحلة معانا
هيام : وبيتصل بيكي ليه ، شكلك مكنتش رايح عشان الرحلة بس ي اروبة 😉
ندى : بلاش هبل دة زبون !
هيام : وبيتصل ليه الزبون دلوقتي ؟
ندى ب استغراب : معرفش !
( يرن تاني )
هيام : ردي طيب
ندى بتنهيدة : الو 😑
انس : ندى ازيك ؟
ندى : الحمدلله ي انس ، في حاجة ؟!
انس : لا مافيش كنت بطمن عليكي بس ، خفت يكون حصلك مشكلة ف شغلك بسبب الي حصل
ندى : لا محصلش حاجة ، شكراً ع سؤالك
انس : انتي كويسة يعني ؟
ندى : اة انا تمام معلش ، هقفل دلوقتي عشان لسة واصلة وتعبانة ف هنام
انس : اوك لما تبقي فاضية كلميني
ندى : اوك ، باي 😒
( تقفل ندى )
هيام : بتزحلقيه صح ؟
ندى : دماغي مش ريقاله والله
هيام بشك : انتي في حاجة حصلت ف الرحلة دي ضايقتك ؟!
ندى : حاجات مش حاجة
هيام بقلق : لا قوليلي بقا حصل ايه ؟!
( تاني يوم الصبح ، ف الشركة ، امام ف مكتبه قاعد بيتكلم ف الفون )
امام بتنهيدة : ماشي ي سيرا ، ي بنتي احنا لحقنا احنا لسة راجعين امبارح ، ناخد نفسنا حتى !
( يخبط باب المكتب )
امام : ادخل
( تدخل ندى )
امام : طب اقفلي دلوقتي عشان ورايا شغل ، اوك باي !
( تحط ندى ورقة قدامه ، يمسكها امام يقراها )
امام وهو بيحدف الورقة ع المكتب : ايه دة إن شاء الله ؟!
ندى : استقالتي 💁🏻♀️
امام : اة وبعدين ؟
ندى : هو ايه الي وبعدين ، امضي عليها عشان امشي
امام : روحي ع شغلك طيب
ندى : شغل ايه بقولك هستقيل ، يعني مش هشتغل معاك تاني
امام : وهتشتغلي فين بقا ي حلوة ؟
ندى بتنهيدة : قلتلك قبل كدة الف شركة تتمنى ال cv بتاعي 🙄
امام : اة وماله ، وانا قلتلك دة عند امك
ندى : نعم !
امام : اة سوري عند مرات عمي
ندى : امام لو سمحت خلصني !
امام : انتي مش ع زمتي عشان اخلصك ، امشي من وشي ي ندى 😐
ندى : يعني ايه ؟!
امام وهو بيقوم : يعني خدي الزفت الورقة دي قطعيها حتة حتة كدة ف مكتبك واتلمي عشان مش هقبل استقالات ، وعاوزة تمشي ف ستين كسحة بس خروج من بيتك مش هيحصل ، او اقلها ترجعي تعيشي ف بيت ابوكي ، لكن شغل مع حد تاني لأ
ندى : انت ايه الي انت بتقوله دة ، مين اداك الحق تتحكم ف حياتي بالشكل دة ، وليه اصلاً !!
امام وهو بيقف قصادها : انا اديت لنفسي الحق دة ، وعاوزة تعرفي ليه بلاش نفتح بقا ، احسن الكلام بيزعلك ي نونة 😏
( تبصله ندى بغيظ )
ندى : ماشي ي امام !
( لسة هتمشي ......................... )
امام بصوت عالي : خلي باااالك
( تقف ندى وتبصله )
امام وهو بيحط ايده ف جيبه : بتجيبي اخرك معايا 😐
ندى : والله مش عاجبك اطردني
امام : طب الشركة واطردك منها ، صلة الدم الي بينا بقا اعمل فيها ايه ؟
ندى : انا مش فاهمة انت بتتكلم عن الأدب والأحترام ازاي وحضرتك مش بعيد تكون جايب من حبيبة القلب عيال !
امام وهو بيقرب عليها : اولاً انا راجل ، اجيب عيال اجيب رز بلبن انا راااااجل ياااا انسة ، ثانياً دي واحدة هتجوزها وهتبقا مراتي ف ميخصكيش اتعامل معاها ازاي
( تتحرج ندى وتبلع ريقها بالعافية )
امام : ف متتكيش ع الحتة دي بالذات عشان انتي الخسرانة فيها 🙂
( تسيبه ندى وتمشي ، يفضل باصصلها ، تروح ندى مكتبها تقعد ع اخرها ، يرن فونها )
ندى وهي بتمسك الفون : يوووه عليك وع زنك ي انس ، الو
انس : ايه ي قلبي عاملة ايه ؟
ندى ب استغراب : قلبي !
انس : اة 😕
ندى : معلش ي انس متتكلمش معايا بالطريقة دي إذا سمحت !
انس : طب ممكن اشوفك ؟
ندى : قلتلك مش فاضية 😒
انس : دة ساعة والله مش هعطلك ، بس عاوز اتكلم معاكي ضروري
( تسكت ندى ثانيتين )
ندى بتنهيدة : طيب اوك
( ييجي الليل ، امام قاعد مع سيرا ف كافيه )
سيرا : قولي بقا مالك ؟
امام : انا كويس والله
سيرا : لا فيك حاجة ، انا مش هتوه عنك ي امام ، انت مش متظبط بقالك كام يوم !!
امام : حاجة كدة ف بالي ، ف الشغل
سيرا بقلق : هو انس دة عمل حاجة ؟
امام : لا لأ ، حاجة تانية
سيرا : ايه هي طيب ؟
امام : مش مهمة يعني
سيرا : لا واضح إنها مهمة عشان كدة مضيقاك بقالك كام يوم ، وانا بصراحة مش حابة اشوفك متضايق كدة !
امام : سيرا ، انتي بتحبيني بجد ؟
سيرا ب استغراب : ايه السؤال البايخ دة ، طبعاً بحبك 😕
امام : يعنى لو حصل حاجة خلتني غصب عني بعدت عنك ، بعدي هيفرق معاكي ؟
سيرا : انت بتقول ايه دة انا اموت فيها ، انا مقدرش استغنى عنك ي امام ، بس ليه بتسألني السؤال دة ، انت عاوز تسيبني ؟!
امام بتوتر : لا لأ مش قصدي ، انا بس بتكلم معاكي
سيرا بقلق : امممم !
( تدخل ندى الكافيه مع انس ، يلمحهم امام )
امام بغيظ : ي ابن الكلب !!
سيرا بعدم فهم : ايه !
امام : ولا حاجة 😐
( يرن فون سيرا )
سيرا وهي بتقوم : ثواني ي قلبي هرد ع ماما واجي
امام : اوك
( تروح سيرا تقف ع جنب تتكلم ف الفون ، عند ندى )
ندى : انس بطل هزار انا بجد اليومين دول مش فايقة ل كدة خالص !
انس : انا مبهزرش ع فكرة ، انا بقولك من ساعة م شوفتك اول مرة ف الرحلة وانا حبيتك ، انا بحبك وقلتلك كدة ف الرحلة بس المشكلة الي حصلت خلتك مركزتيش بس
ندى : انت ملاحظ إني اكبر منك ، دة عندك عادي ؟!
انس وهو بيحط ايده ع ايدها : انا ميفرقش معايا غيرك 👋
امام بصوت عالي : اللااااااه ، دي سخنت اوي !
( يسمعوه ، تتخض ندى وتبعد ايدها بسرعة )
انس وهو بيقوم : يلا نمشي من هنا
ندى بخوف : لا انا هروح 😕
انس : طب هوصلك
ندى : لا لأ همشي لوحدي
امام وهو بيقرب عليهم : لأ ليه خليه يوصلك 💁🏻♂️
انس وهو بيقوم : وانت مالك اصلاً متدخلش ، ع فكرة انا مرضتش أأذي شركتك عشان خاطر ندى بس ، ف متطرنيش إني معملهاش حساب ☝️
امام : ايه دة ندى مهمة عندك للدرجة !
انس : اة مهمة ومهمة جداً
( امام هيفرقع من جواه )
امام ل ندى : ايه رأيك بقا ف الكلام دة 🙂
ندى : انا ماليش دعوة بكل حواراتكم مع بعض دي خرجوني منها اوك ، وانت ي انس لو سمحت كفاية كدة كانت رحلة وخلصت ، والي انت بتقوله دة مينفعش ولا هقبل بيه ، سلام 😟
( تمشي ندى ، يبص امام ل انس )
امام : منور ي ننوس 😊
انس : ممكن تسيبنا ف حالنا !
امام ب اندهاش : اسيبكوووو ف حالكم ! ي بني انت بتكدب الكدبة وبتصدقها ، انا والله م عاوز أأذيك ، انت بالنسبالها لو اتنططت اخرك زي اخوها الصغير ، ازاي قابل ع نفسك ك راجل اصلاً إنك تجري ورا واحدة اكبر منك ، انت كل مادا م بتثبت إنك فعلاً عيل !!
أنت تقرأ
قصة : ( نصيب عاشق ) ل سهيلة سعيد المنجي
Romance_ منذ اخر اعتراف وانا بين اوتارك ، لا استطيع المشي قدماً خارج قلبك ، هل نصيب العاشق من حبك وجعاً ، أليس من المفترض إن يكون عشقاً ، فرحاً ، او اقل ألماً
