قصة : ( نصيب عاشق ) ل سهيلة سعيد المنجي

الحلقة ٢٣ و ٢٤

قصة : { #نصيب_عاشق } 🥀♥️

الحلقة الثالثة والعشرون { ٢٣ } 🥂

( امام يحاول يمسك اعصابه ، يشدها منه بعنف )
ندى وهي بتخبط ف امام : اااه !
انس : انت نسيت نفسك ولا ايه ، انت هنا السواق ، متدخلش بينا احسنلك !
امام : لا مش ناسي إني السواق ، بس ممكن انسى إن انت زبون ، وساعتها هلبسك المستشفى دلوقتي
( يبصله انس بقلق ، ياخد امام ندى من ايدها ويمشوا )
ندى بسكر : يااااا اسمك ايه انت ، انا فكراك والله ، اقف طيب بالراحة ، متشدنيش كدة
( يقف امام ويشدها قدامه بعنف )
امام ب انفعال : انتي ليكي عين تتكلمي بعد الي عملتيه دة !
ندى بوداعة : انا معملتش حاجة
امام بغيظ : ملاك بيتكلم مش بني ادمة والله !
ندى : انا ..........................
( وفجأة ، ترجع )
امام بقرف : الله يخربيتك
ندى بتعب : ااااه بطني !
امام : مهو م القرف الي شربتيه !
ندى : مشربتش حاجة
امام : طب امشي قدامي
ندى : استنى اما افتكرك طيب ، اة يامن
( يتخض امام )
ندى : انت يامن خطيبي صح ؟
( تقرب عليهم سيرا )
سيرا وهي بتبصلهم ب استغراب : في ايه ي امام ؟!
امام : مفيش
ندى : انتي البومة ، افتكرتك لوحدي
سيرا بخضة : البومة !
ندى : ايوة الي اخدتي مني حبيبي
سيرا : انتي بتخرفي بتقولي ايه ؟!
امام : سيرا متركزيش معاها عشان هي سكرانة
سيرا ب استغراب : سكرانة !
امام : ايوة الزفت الي اسمه انس عامل حفلة ف اوضته وهي شربت معاهم
سيرا بفهم : ااااه !
ندى : البومة سيرا هههههه
سيرا ب انفعال : احترمي نفسك بقااا !
امام : سيرااا !
ندى بزعيق : انا محترمة انتي الي مش محترمة عشان خلتيه يبوسك ، ازاي تعملي كدة ، عرفتي مين مش محترم ي بومااااا
سيرا : انتي ........................
امام وهو بيمسك دراع ندى : سيرا روحي اوضتك وانا هوديها اوضتها
سيرا : وتوديها اوضتها ليه م تسيبها تولع !
امام : سيرا لو سمحتي بقا
سيرا : ماشي ي امام
( تقعد ندى ف الأرض )
امام ل ندى : قومي يلا
ندى : مش قادرة ، شيلني
( يتخض امام وتبصله سيرا )
امام : ندى قومي !
ندى : شيلنييي ، مش كنت هتشيلني واحنا جايين شيلني يلا
سيرا بخضة : نعم ، مين دي الي كنت هتشيلها ؟!
امام بتوتر : دي سكرانة انتي هتاخدي ع كلام واحدة سكرانة ، قلتلك روحي اوضتك !
سيرا : مش رايحة ف حتة
( تنام ندى ف الأرض )
امام : ي بنتي قومي وخلي ليلتك دي تعدي ع خير !
ندى : مش قاااااادر
سيرا وهي بتربع ايدها : م تشيلها ي استاذ !
امام : بطلي هبل انتي كمان !
ندى بزعيق : شيلناااااااااااااي
( يبدأه السياح ينتبهوا للصوت )
امام : الله يخربيتك اسكتي هتفضحينا !
ندى : طب شيلني طيب
امام : لأ
سيرا : وبعدين ؟
امام : قلتلك روحي اوضتك عشان الناس بدأت تتلم علينا
سيرا : ماشي ي امام ، بس ياريت تخلص م المصيبة دي وتجيلي !
امام : ماشي
( تمشي سيرا )
امام : ممكن تقومي بقا
ندى : هتشيلني ؟
امام : اة هشيلك ، قومي
( تقوم ندى بتطوح )
ندى وهي بتمدله ايدها : يلا
( يتنهد امام ويشيلها ، تبتسم ندى ، يتمشي بيها لأوضتها )
امام وهو ماشي : ارتحتي كدة ؟
ندى وهي بتمسك ف رقبته : جدااااااً
( يبصلها ، يوصل عند اوضتها ، يدخل ويقفل الباب برجله ، يقرب ع السرير وينزلها تنام )
ندى : شكرااااااااننن
امام : الي حصل دة مش هيتعدى بالساهل ي ندى ، بس حسابك معايا لما تفوقي !
( تقوم ندى تقف ع السرير )
ندى : تعالى طيب قرب كدة
امام ب استغراب : عاوزة ايه ؟!
ندى : تعالاااااا
( يقرب يقف قصادها )
امام بتنهيدة : نعم ؟
( تقرب تبوسه من خده ، يتصدم )
ندى : متزعلش مني اوك
( يفضل متنحلها )
ندى : زعلان برضو ، معلش طيب متزعلش خلاص !
( تاخد دماغه ف حضنها ، يتخض )
ندى : متزعلشي
( يقرب ايده منها بهدوء ويلاقي نفسه بيحضنها هو كمان غصب عنه )
ندى وهي بتبصله : ايه ؟
امام : اة !
ندى : اة ايه ؟
امام : مش زعلان !
ندى ب ابتسامة : ماشي
( يفضل باصصلها وهو مازال حاضنها )
ندى : انا عاوزة انام
( تبعد عنه وتنام ع السرير ، يفوق امام من سرحانه فيها وينتبه لأفعاله ، يمشي بسرعة من اوضتها ، يفتكر سيرا ، يتنهد ويروح اوضته ، تاني يوم الصبح ، تصحى ندى وتفتح عيونها ، تقوم تقعد وبعدها تدخل التويليت تغسل وشها وترجع ، تفتكر معظم الي حصل ويخطر ف بالها الي عملته مع امام ، تتخض )
ندى : ينهار اسود !
( يخبط باب الأوضة ، تجري تفتح ، تلاقيه امام )
ندى ودموعها بتنزل : انا اسفة والله اسفة ، انا مش عارفة عملت كدة ازاي اسفة والله !
امام : انا مش عارف اقولك ايه !
ندى : قولي إنك هتعديها وإن محدش من اهلنا هيعرف حاجة بالله عليك ي امام !
امام : اكيد مش هروح اقولهم الي سيبنها ف عهدتي كانت هتودي نفسها ف داهية !
ندى وهي بتمسح دموعها : شكراً والله شكراً !
امام : انهاردة اخر جولة وهنرجع مصر الصبح ، ناوية تقضيها ف اوضتك برضو ؟
ندى بعدم فهم : يعني ايه ؟!
امام : يعني حتى الان معتذرتيش ل سيرا ، دة غير تهزيقك ليها امبارح وانتي سكرانة !
ندى بفهم : اااه ، هو دة كل الي هامك ست سيرا بتاعتك ، طب مش معتذرة لحد وهي تستاهل كل كلمة بايخة بقولها عليها
امام بيأس : مفيش فايدة فيكي !
ندى : لا مفيش بقا
امام : تمام ، خليكي ف اوضتك ، حضري شنطتك بقا عشان سفر بكرة ، ولما ارجع هبقا اديكي باقي الهدوم
ندى : امام انت قلت إنها اخر جولة !
امام : حصل
ندى : متخلنيش ابقا لوحدي !
امام : والله انتي الي عاوزة كدة مش انا
ندى : تمام !
( يمشي امام ، يعدي الوقت ، الكل ف الباص راكبين ومستنيين السواق يتحرك ، وفجأة ، يبصوا كلهم عند الباب )
ندى : صباح الخيييير
( يلاقوا ندى لابسة بيچامة شورت وبادي وعليهم روب ، امام باصصلها بصدمة ، تقعد ندى )
ندى : يلا بينا
( تبتسمله ، يقوم امام يمسكها من دراعها يشدها ينزله م الباص يقفه جنبه )
امام : ايه الي انتي عملتيه دة !
ندى : عملت ايه ؟!
امام : بلاش استهبال !
ندى : مكنتش هفوت اخر يوم ، وبعدين انت اخدت هدومي ومهددني ي اعمل الي انت عاوزه ي مفيش هدوم ، اوك خليهالك
امام : بس مسمحتلكيش تخرجي كدة !
ندى : بص ي امام عادي براحتك ، عاوز تطردني لما نرجع عاوزني امشي حالاً ارجع مصر معنديش اي مانع اوك ، بس برضو مش هفوت اخر يوم ، ف اعمل الي يريحك
امام : ارجعي اوضتك ي ندى !
ندى : لا ي امام
امام بنفاذ صبر : ارجعي ومتستفزنيش ي بنت الناس احسنلك ! 
ندى : مش راجعة ، واحسنلك انت نطلع الباص ونبدأ الجولة عشان الناس عمالة تتفرج علينا !
( يبص يلاقي الباص كله بيتفرج عليهم م الشبابيك )
امام : ماشي ي ندى ، بتلبسيني !
ندى ب ابتسامة مستفزة : لا مقدرش
امام : تمام ، اطلعي
( تطلع ندى ب ابتسامة انتصار ويطلع وراها امام )
امام ل السواق : امشي
( يبدأ السواق يتحرك ، ندى قاعدة جنب جنين قدام )
ندى : ههههه ايوة