သစ်ပင်ရဲ့ အရိပ်တွေမှာ လှုပ်ရှားယိမ်းနွဲ့နေတာကိုတွေ့ရသည်။ နီးကပ်လာနေတဲ့ တိုင်ဖွန်းမုန်တိုင်း ကြောင့် ရာသီဥတုတွေ လျင်လျင်မြန်မြန် ပြောင်းလဲနေတာဖြစ်နိုင်သည်။ ပတ်ဝန်းကျင်လောက တစ်ခု လုံး စိုထိုင်းနေပြီး မိုးကလည်း ဖွဲဖွဲလေးရွာစပြုလာသည်။
လင်းချန် ကျောင်းကိုပြန်လာပြီး ညစောင့်ကို နှုတ်ဆက်လိုက်သည်။ ဟ နေသည့် အခန်းတံခါးကို ဖွင့်ဝင်ပြီးနောက် ရုတ်တရက် ဖုန်းဝင်လာလေသည်။ ဖန်သားပြင်ပေါ်မှာ သူမရင်းနှီးသော ဖုန်းနံပါတ် တစ်ခု။ ဖုန်းကို လက်ခံဖြေဆိုဖို့ တွန့်ဆုတ်နေမိပြန်သည်။ ဖြေကြားဖို့ ခလုတ်ကို နှိပ်လိုက်ပြီးနောက်မှာ နှစ်ဖက်စလုံးက စက္ကန့်အနည်းငယ်ကြာအောင် ငြိမ်သက်နေခဲ့ကြ၏။
"ဟယ်လို......မစ္စတာ ချန်"
လင်းချန်က အခန်းနံရံကို မှီလိုက်ပြီး လက်တစ်ဖက်က ဖုန်းကိုကိုင်ထားသည်။
"အမြဲ အနား မနေဘူးပဲ၊ လင်းချန်"
အေးစက်ပြီး လေးလေးကန်ကန်နှင့် တနည်းတစ်ဖုံ ရက်စက်တတ်သောသူ၏ အသံမျိုး။
"ခင်ဗျားကို အစီအရင်ခံနေတဲ့ လူက ဂရုတစိုက်ရှိတဲ့သူသာဆို ကျွန်တော့်ကို လက်ထိတ်ခတ်ပြီး ရဲစခန်းကို အခေါ်ခံရတာကို ပြောပြမှာပဲ၊ စုံစမ်းမှုမှာ ပူးပေါင်းရရင်တောင် ဒါဟာ ကျွန်တော့် သဘော ဆန္ဒမပါမှန်း ထင်ရှားပါတယ်။ ခင်ဗျား နားလည်နိုင်မယ်တော့ ထင်ပါတယ်"
" မင်းအခု အဆောင်လေးတစ်ခုကို စီမံခန့်ခွဲနေတယ် ကြားတယ်၊ လင်းချန်"
လင်းချန် ရှင်းပြနေတာကို အာရုံမစိုက်ဘဲ ခေါင်းစဉ်ပြောင်းလိုက်သည်။
"ဟုတ်ကဲ့၊ ခင်ဗျားကျေးဇူးကြောင့် ဒါကပဲ ကျွန်တော်တတ်နိုင်တဲ့ အသင့်တော်ဆုံး
အလုပ် ဖြစ်နေတာလေ"
လင်းချန်က လက်တစ်ဖက်ကို အိတ်ထောင်ထဲ ထည့်လျက် ခေါင်းငုံ့ကာပြောသည်။
"ဟာ.....ရုံချွန်းတက္ကသိုလ်က အဲ့လင်းချန်က အခု ဒီလိုဖြစ်နေမယ် မမျှော်လင့်ထားဘူး၊
မင်း----- ခက်ခဲနေပြီလား"
"အင်း..ကျွန်တော့်ဘဝ အခုဆို အရမ်းခက်ခဲနေတယ်၊ အိမ်မက်တွေ ဘဝရည်မှန်းချက်တွေ ပျောက်ဆုံးသွားပြီး ခင်ဗျား ဆန္ဒရှိတဲ့အတိုင်း တစ်ထပ်တည်း နှိမ့်ကျတဲ့ ပုရွတ်ဆိတ်လေးလို နေ့တိုင်း နေထိုင်နေပါတယ်"
YOU ARE READING
မှုခင်း စိတ်ပညာရှင် ( translation novel)
Mystery / ThrillerOriginal Author , Zhong-er All right reserved to original author Translator, Nan Khin Ei Ei Tin Genre ; psychology, crime, murder, BL, modern ဂျူနီယာ ကျောင်းသားအဆောင်လေးရဲ့ တည်ကြည်လွန်းတဲ့ အဆောင်မန်နေဂျာ လင်းချန်နှင့် ဟုန်ကျင့်မြို့ ရာဇဝတ်မှု နှိမ်န...
