"အဖျားက ၁၀၁ တောင်ရှိနေတယ် !"
သာမိုမီတာကို ကြည့်ပြီးနောက်..
ရှန်ခွန်းနောင်ရဲ့ ဆူအောင့်အောင့်
အသံလေးက ဧည့်ခန်းထဲတွင်
ထွက်ပေါ်လာ၏။
" ကိုယ်ဆေးသောက်ပြီးပြီပဲ ။
သက်သာသွားမှာပါ.."
ပြောင်းပြန်ဖြစ်နေလားမသိပေမဲ့
စိုင်းအံ့သျှိုင်းယံကပင် ပြန်ကာ
နှစ်သိမ့်လိုက်ရသည်။
ဝမ်းနည်းလွယ် ထိခိုက်လွယ်လွန်းတဲ့
ဒီကောင်လေးရဲ့ မျက်ရည်တွေကို
ဘယ်လိုအကြောင်းမျိုးကြောင့်မှ
သူမမြင်ချင်တာအမှန်...။
" အမြဲဖျားနေကျလား"
" အမြဲတော့မဟုတ်ပါဘူး..။
တစ်ခါတလေ .. အကြောင်းစုံသွားရင်ပေါ့.."
ရှန်ခွန်းနောင်က စူပုပ်ပုပ်ရုပ်လေးနဲ့
သာမိုမီတာကို တစ်ချက်နှစ်ချက်ခါလိုက်ပြီးမှ
ယူလာသည့် နေရာကို ပြန်သွားထားနေသည်။
" အစ်ကို .."
" ပြောပါခင်ဗျာ.."
"အစ်ကို့ကို ဆူလို့ရလား.."
ထိုနေရာမှာပင် ရပ်၍
မျက်မှောင်လေးတွေကုပ်ကာ
စိုင်းအံ့သျှိုင်းယံကို စိုက်ကြည့်ရင်း
ပြောလိုက်သည့် ရှန်ခွန်းနောင်..။
" ဘာကိုလဲ.."
" အစ်ကို မလိမ္မာလို့ ကျွန်တော်
အစ်ကို့ကိုအရမ်းဆူချင်နေတယ် !
ဆူလို့ရလားလို့"
ထူးထူးဆန်းဆန်းစကားလေးကြောင့်
စိုင်းအံ့သျှိုင်းယံ ပြုံးလိုက်မိသည်။
ထို့နောက် ခေါင်းညိတ်ပြလိုက်မိ၏။
" အစ်ကိုက တကယ် ...
ကိုယ့်ကိုယ်ကိုယ်လည်း ဂရုစိုက်တဲ့ပုံမပေါ်ဘူး။
ညတွေလည်း တစ်ခါတလေ
စောစော မအိပ်ဘူး။
ပြီးတော့ kitchen ထဲကရောဘာလဲ..။
ဘာမှလည်းသေချာစားတဲ့ပုံမပေါ်ဘူး။
အကုန်လုံးက အရက်တွေနဲ့
အမြည်းတွေချည်းပဲ..။
ခေါက်ဆွဲတွေချည်းပဲ"
Kitchen ဘက်ကို လက်ညှိုးထိုးပြရင်း တကယ်ကိုပင် မကျေမနပ်လေး ဆူနေသည့်
ရှန်ခွန်းနောင်ကြောင့်
စိုင်းအံ့သျှိုင်းယံ ခပ်တိုးတိုးရယ်လိုက်မိသည်။
ထိုအခါရှန်ခွန်းနောင်က ပို၍
မကျေမနပ်ဖြစ်သွားဟန်ရှိ၏။
أنت تقرأ
RO ( ရို ) (Completed)
عاطفيةMyanmar BL. Two Romantic love stories (Bitter sweet + Pure sweet) Uni Life OWN CREATION TEEN ROMANCE UNICODE/ZAWGYI Start Date : FEB 26 2022 End Date : JUNE 11 2022
