သံသရာကိုယုံတယ်။
ဖြစ်လိုက်ပျက်လိုက်ဆိုတဲ့နိယာမကိုတော့
ဆန့်ကျင်ချင်တယ်။
သေတပန်သက်တဆုံးလက်တွဲမယ်။
မောင့်အရိုးပြာမြေကျတဲ့အထိ
မင်းကိုပဲ အနားမှာခေါ်ထားချင်တယ်။
(ဝေမှူးပိုင်)
ငါ့ဘဝရဲ့အချစ်စာမျက်နှာကို
စလှန်လိုက်တဲ့အချိန် မပျက်ပြယ်နိုင်တဲ့
မင်နဲ့ရေးထားတဲ့အမှာစာလေးတစ်ခုရှိတယ်..။
ငါတို့အတူစရှိခဲ့တဲ့
တစ်ခုသော မနက်ခင်းမှာမင်းပြောခဲ့တယ်..။
'ငါ့ဆီမှာပဲ မင်းတစ်သက်လုံးနေရမယ်"တဲ့။
နှစ်တွေကြာလာတဲ့အခါ ငါတို့ဘေးကလူတွေ၊
ငါတို့ဖြတ်သန်းနေရတဲ့နေ့ရက်တွေဟာ
ပြောင်းလဲလာတယ်..။
ဒါပေမဲ့ ငါ့ကိုကြည့်တဲ့
မင်းမျက်ဝန်းတွေထဲမှာ အချစ်ကို တွေ့နေရတုန်းပဲ။
ဘယ်အချိန်ထိ မင်းနဲ့အတူနေမှာလဲတဲ့ ။
မင်းနဲ့ငါရဲ့ ချစ်သူသက်တမ်း သုံးနှစ်ပြည့် ၊
နှစ်ယောက်လုံး ရီဝေဝေမူးနေတဲ့အချိန်တုန်းက
မင်းမေးခဲ့တယ်..။
'မင်းဆွဲထားတဲ့ငါ့လက်ကလေး မြဲနေတဲ့အထိ
မင်းအနားမှာနေမယ်..။
မင်းစိတ်နဲ့စီးဆင်းတဲ့ အသက်သွေးကြောတွေ
ပြတ်ထွက်မသွားခင်အချိန်ထိ မင်းကိုချစ်မယ်..'
(လွှမ်းသုတ)
______________________________
"မောင်ရောက်နေပြီ"
"အိမ်ထဲမဝင်ခဲ့တော့ဘူးလား။မေမေက နေ့လယ်စာ
တစ်ခါတည်းစားသွားပါလားတဲ့.."
"ရှန်ခွန်းနောင်တို့ စောင့်နေပြီ။
မင်းက ဖုန်းမကိုင်လို့တဲ့
မောင့်ဆီဖုန်းဆက်လာတယ်"
"ဟုတ်လား ။ဖုန်းကအပေါ်ကအိတ်ထဲမှာ
ကျန်ခဲ့တာ ။ခဏနော် ငါထွက်လာပြီ"
ဖုန်းပြောပြီးတာနဲ့ ကားထဲမှာဖွင့်ထားသည့်
သီချင်းကို အနည်းငယ်ပြန်ကျယ်လိုက်သည်။
The Weeknd ၏ Die for you
သီချင်းက ကားထဲတွင်ပျံ့လွင့်လာ၏။
Chorus ပိုဒ်ဆုံးခါနီးမှာပင် ခြံတံခါးကို ဖွင့်၍
ထွက်လာသည့် လွှမ်းသုတကိုတွေ့လိုက်ရသည်။
YOU ARE READING
RO ( ရို ) (Completed)
RomanceMyanmar BL. Two Romantic love stories (Bitter sweet + Pure sweet) Uni Life OWN CREATION TEEN ROMANCE UNICODE/ZAWGYI Start Date : FEB 26 2022 End Date : JUNE 11 2022
