"အဲ့ကိုကို့ ကို သားလုံးဝပြန်မခေါ်ဘူး အန်တီလေး"
သူမ ခူးခပ်ကျွေးထားသော ထမင်းကို
ပလုပ်ပလောင်းဖြင့်စားနေလျက်
မကျေမနပ်လေးပြောနေသည့်
ကလေးငယ်ကိုကြည့်ကာ ဒေါ်နန်းမော်
ပြုံးလိုက်မိသည်။
အစ်ကိုဖြစ်သူ ဦးစိုင်းယံနဲ့ မနက်စာအတူစားနေခိုက်
ဖုန်းဝင်လာပြီး ' အန်တီလေး သားဆီကို
ကားလွှတ်ပေး တောင်ကြီးလာမလို့'
ဆိုကာငိုသံလေးနဲ့ပြောလာခဲ့တော့
သူမတို့မှာလန့်သွားရသေးသည်။
ဒီရောက်မှ ပြောပြတဲ့စကားတွေကို နားထောင်ပြီး
သူမတို့စိုးရိမ်နေမိသလို
ကြီးကြီးမားမားပြဿနာမဟုတ်ဘဲ
စိတ်ကောက်လာတာကို သိမှသာ
ပြုံးမိရတော့တာဖြစ်၏။
ဦးစိုင်းယံသည်လည်း ထိုအခါမှ အလုပ်ကိစ္စ
ချိန်းဆိုထားသည့်နေရာကို စိတ်အေးလက်အေး
သွားနိုင်တော့တာဖြစ်သည်။
စိတ်ကောက်၊စိတ်ဆိုးနေတာတောင်မှပဲ
မန္တလေးက အမေဖြစ်သူဆီကိုမပြန်ဘဲ သူမတို့ဆီ
လာခဲ့တဲ့ ကလေးလေးကြောင့် သူမတို့မှာ
အချစ်တိုးရသလိုအစ်ကိုပြောသလို
သားငယ်လေး က သားစိုင်းအံ့သျှိုင်းယံ ကို
သိပ်ချစ်ရှာတယ်ဆိုတဲ့စကားကိုလည်း
နားလည်လက်ခံမိရသည်။
" ခုနက သားငယ်လေးရဲ့ကိုကိုက ဖုန်းဆက်တယ်။
သူညောင်ရွှေကထွက်ခဲ့ပြီတဲ့"
" ဟွန့်..။ ကိုကို့နောက်ကို လုံးဝပြန်မလိုက်ပါဘူး ။
အန်တီလေးနဲ့ပဲနေမှာ.."
" အမလေးတော်။အပိုတွေပြောနေပြန်ပြီ"
ပါးအိအိလေးကိုချစ်စနိုးနဲ့ဆွဲမိရင်းပြောသည့်အခါ
လုပ်လိုက်သည့် ပြုံးစိစိရုပ်လေးကလည်း
ချစ်စဖွယ်။
ဒီဆည်းလည်းလေး သူမတို့အိမ်ကိုရောက်လာတာကပဲ သူမအတွက် သားလေးတစ်ယောက်
ကောက်ရလိုက်သလို ခံစားနေရတာက
ရှေးဘဝကရေစက်ကြောင့်ပဲဖြစ်ဟန်တူပါသည်။
"စားပြီးရင် အခန်းထဲသွားလှဲနေလိုက်ဦး။
သိပ်နေမကောင်းဘူးဆို.."
"အန်တီလေး ချက်တဲ့ထမင်း စားလိုက်တော့
နေကောင်းနေပါပြီ"
"ဒါဆို အန်တီလေး
ဟိုဘက်လမ်းမှာ ပန်းပင်လေးတွေ
သွားဝယ်မလို့ လိုက်ခဲ့မလား"
YOU ARE READING
RO ( ရို ) (Completed)
RomanceMyanmar BL. Two Romantic love stories (Bitter sweet + Pure sweet) Uni Life OWN CREATION TEEN ROMANCE UNICODE/ZAWGYI Start Date : FEB 26 2022 End Date : JUNE 11 2022
