ငါ့အမြှီးတွေပျောက်သွားပြီ [ဘာသာပြန်]

Arc 2 _ ch-16

တစ်ကယ်ရှုပ်ထွေးတဲ့မိသားစုဆက်ဆံရေးတစ်ခု

Unicode

ဒါက ရွှယ်လင် မစ္စတာ Cole Owens နဲ့ဆုံတဲ့ပထမဆုံးအကြိမ်မဟုတ်ပေ။

လွန်ခဲ့တဲ့နှစ်နှစ် သူHနိုင်ငံကမထွက်ခွာခင်မှာသူ့ရဲ့ business ကတ်ကိုလက်ခံရရှိခဲ့သည်။ ပြီးခဲ့တဲ့နှစ်နှစ်အတွင်းမှာ သူတို့နှစ်ယောက်တစ်ယောက်နဲ့တစ်ယောက် တူညီတဲ့လုပ်ငန်းနယ်ပယ်ထဲမှာ အကြိမ်ပေါင်းများစွာတွေ့ဆုံခဲ့ကြသည်။ သူတို့နှစ်ယောက်တစ်ခါမှ စကားသေချာမပြောဖူးကြပေမဲ့လည်း ရွှယ်လင်ထိုလူ့အပေါ်မှာ နက်ရှိုင်းတဲ့အမြင်ရှိထား၏။

ဒီမနက်က ပူးပေါင်းဆွေးနွေးတာကလည်း ထိုလူနှင့်ပင်ဖြစ်သည်။ ထိုလူကြီးမင်းက နိုင်ငံတကာစီးပွားရေးလုပ်ငန်းစုကြီးရဲ့နောက်ကွယ်က သူဌေးဖြစ်သည်။ အတိအကျပြောရရင်တော့ ဒီလူကအရမ်းအရမ်းကိုချမ်းသာ၏။ သူက Eနိုင်ငံက ဆွေကြီးမျိုးကြီးကဆင်းသက်လာတဲ့သူဖြစ်ပြီး စီးပွားရေးဘုရင်တစ်ယောက်ဖြစ်ကာ Eနိုင်ငံရဲ့စီးပွားရေးတွေအကုန်လုံးကိုလက်ဝါးကြီးအုပ်ထားနိုင်လောက်တဲ့အထိ စွမ်းအားကြီးသည်။

ခေတ်သစ်လူ့အဖွဲ့အစည်းမှာ ဒီလိုမျိုးတည်ရှိမှုက စီးပွားရေးလောကတစ်ခုလုံးကိုအလွယ်တကူလွှမ်းမိုးလို့ရပေမဲ့ သူကတော့ ထိုကဲ့သို့ရည်ရွယ်ချက်ရှိပုံမပေါ်ဘဲ လုပ်ငန်းကိုတစ်ဖြေးဖြေးချင်းစီသာတိုးချဲ့၏။ ဒီနှစ်ပိုင်းမှာ သူ့ရဲ့တိုးချဲ့မှုက Mနိုင်ငံကိုရောက်ရှိလာပြီး ကုမ္ပဏီရဲ့ထိပ်တန်းမန်နေဂျာတွေက အကြာခဏသွားလိုက်လာလိုက်ရှိနေကြသည်။

ရွှယ်လင် အမြဲတမ်း ဒီလူကအန္တရာယ်ရှိတယ်လို့ခံစားနေမိတာကြောင့် သူနဲ့ဝေးဝေးနေတာကပိုကောင်းလိမ့်မည်။ ဒါကြောင့် သူတို့မကြာခဏတွေ့ဆုံကြသော်လည်းဘဲ သူကစကားသွားပြောဖို့ရည့ရွယ်ချက်မရှိခဲ့တာဖြစ်၏။

ထိုသို့ဆိုရင်တောင်မှ ဒီလူရဲ့သတင်းတွေ ကောလဟာလတွေကသူ့ဆီအမြဲတမ်းရောက်နေ၏။ သူအစကပြောခဲ့တဲ့ Zugeji ဂီတအဖွဲ့အစည်းရဲ့ဒါရိုက်တာဖြစ်တယ်ဆိုတာကလည်း အလိမ်အညာတစ်ခုမဟုတ်ခဲ့...ထိုကောလိပ်ရဲ့ရန်ပုံငွေတစ်ဝက်လောက်က သူ့မိသားစုထည့်ဝင်ထားတာဖြစ်သည်။ သူပါဝင်ယှဥ်ပြိုင်ခဲ့တဲ့ပြိုင်ပွဲကလည်း သူတို့ကအဓိကထောက်ပံ့ပေးထားတာဖြစ်တာကြောင့် သူ့သတင်းကိုစုံစမ်းဖို့က သူ့အတွက်တော့မခက်ခဲပေ။