ငါ့အမြှီးတွေပျောက်သွားပြီ [ဘာသာပြန်]

Arc 2 _ ch-9

Arc2 - လက်မထပ်သင့်သူကိုလက်ထပ်ခဲ့မိခြင်း

ကံဆိုးမိုးမှောင်ကျတာ ဒါကအကြီးအကျယ်ကိုကံဆိုးမိုးမှောင်ကျတာဘဲ.. အာ...

Unicode

သူအိမ်ပြန်ရောက်တဲ့အချိန်မှာတော့ သူ့အစ်မရဲ့စိတ်အခြေအနေကပုံမှန်ဟုတ်မနေဘဲ သူတို့မိဘတွေရဲ့ မတော်တဆမှုကလည်း သံသယဝင်စရာတစ်ချို့ရှိနေခဲ့၏။ သူက သူ့မိဘတွေရဲ့ကုမ္ပဏီကိုပြန်လည်ဦးစီးချင်ခဲ့သော်လည်း ရှယ်ယာအများစုကို သူ့ယောက်ဖဆီသို့ သူတို့ဆန္ဒအရလွှဲအပ်ပေးခဲ့ကြောင်းသိခဲ့ရသည်။

သူ့လက်ထဲမှာရှိနေခဲ့တဲ့ ရှယ်ယာတွေကလည်း သူ့အသက်ကိုနှုတ်ယူသွားမဲ့ချိန်ကိုက်ဗုံးတစ်ခု ဖြစ်လာခဲ့သည်။

သူ့မိဘတွေသေဆုံးသွားပြီးနောက် သူ့အစ်မကလည်း စိတ်ကျရောဂါကိုခံစားခဲ့ရပြီး ရေချိုးခန်းထဲမှာ သူ့ကိုယ်သူသတ်သေခဲ့လေသည်။ သံသယဖြစ်မှုကြောင့် သူစုံထောက်တစ်ယောက်ကိုငှားရမ်းပြီးစုံစမ်းကြည့်တဲ့အခါမှာတော့ သူ့ယောက်ဖက သူ့အစ်မကိုလက်ထပ်ပြီး အတူနေထိုင်နေတဲ့အချိန်မှာ အပြင်ဖက်မှာဖွက်ထားခဲ့တဲ့ အချစ်စစ်တစ်ယောက်ရှိနေခဲ့လေသည်။ ထိုသူက သူ့ရဲ့အချစ်ဦးဖြစ်ပြီး သူတို့နှစ်ယောက်လုံးက ကျေးလက်ဒေသမှာတည်းကအတူရှိနေခဲ့ကြခြင်းဖြစ်၏။

သူ့အစ်မရဲ့ ဒုတိယကလေးက အမှန်မှာတော့ မိန်းကလေးဖြစ်ပေမယ့်လည်း ထိုမိန်းမနဲ့သူ့ယောက်ဖတို့ရဲ့ သားနဲ့ ဘယ်သူမှမသိခင်မှာဘဲ အစားထိုးခြင်းခံလိုက်ရလေသည်။

ဝမ်ရှုယွမ် ဒီအကြောင်းတွေသိသွားတဲ့အချိန်မှာ အရမ်းကိုဒေါသတွေထွက်ခဲ့ရသည်။ သူ့မိဘတွေရဲ့သေဆုံးမှုကိုပါ သူစတင်စုံစမ်းခဲ့ပြီးနောက် သူ့မိသားစုကိုဖြိုခွဲဖျက်ဆီးခဲ့သူက သူ့ယောက်ဖဆိုတာ ရှာတွေ့သွားခဲ့သည်။ သူလုပ်ခဲ့တာတွေအကုန်လုံးက သူတို့မိသားစုရဲ့စီးပွာရေးကိစ္စတွေအကုန်လုံးကို လက်လွှဲယူနိုင်ဖို့ရန်အတွက်သာဖြစ်လေသည်။

သူ့မိဘတွေက ကားမတော်တဆမှုကြောင့်သေဆုံးသွားရသလို သူ့အစ်မကလည်း ကံဆိုးစွာနဲ့သေဆုံးခဲ့ရ၏။ ထို့ပြင်သူ့တူမလေးကလည်း ရှက်ကြောက်တတ်ပြီး စိတ်ကျရောဂါရှိသူအဖြစ်ကြီးပြင်းခဲ့ရသည်။ သူကသူ့တူမလေးကိုပြန်ခေါ်ခဲ့ချင်ပေမယ့် သူ့ယောက်ဖရဲ့ရိုက်ချခြင်းကိုခံခဲ့ရပြီး သူ့ကိုအကွက်ချကြံစည်ခဲ့တာကြောင့် မိန်းကလေးတစ်ယောက်ကိုကိုယ်ထိလက်ရောက်စော်ကားတယ်လို့ စွပ်စွဲခံခဲ့ရကာ အဆုံးသတ်သွားခဲ့ရသည်။ သူနာမည်ပျက်ကာ သိက္ခာတွေကျဆင်းသွားပြီး သူ့လက်တွေကလည်းကားတစ်စီးနဲ့တက်ကြိတ်ခံခဲ့ရတာကြောင့်လုံးဝကိုပျက်စီးသွားခဲ့၏။ ထိုမိန်းမရဲ့ ရေထဲတွန်းချခြင်းခံခဲ့ရတဲ့ သူ့တူမလေးကိုကယ်ဖို့ကြိုးစားရင်းနဲ့ နောက်ဆုံးမှာတော့ သူရေနစ်ပြီးသေဆုံးခဲ့ရလေသည်။