Unicode.........
"ဟေ့ကောင် ခဲဖိုး! ခဲဖိုး!"
ဟန်သန့်စင်၏အာလေးလျှာလေးနဲ့ခဲဖိုးတောင်းလာသည့်လေသံက တကယ့်ကိုပေးချင်းစရာအတိ။လူကြည့်တော့ နဖူးကိုလက်ညှိုးနဲ့ထိုးလိုက်ရင်တောင် ပလက်လန်လဲတော့မယ့်ကောင်က ခဲဖိုးတောင်းဖို့ကြမမေ့။သူတင်ပဲလားဆိုတော့မဟုတ်။မိစုအပါအဝင်ကျန်လေးယောက်က ရွှေကြိုးတားသည်မဟုတ်ပါဘဲ ဘာကြိုးဖြစ်ဖြစ် တားရပြီးရောဆိုသည့်သဘောနှင့် တွေ့ကရာကြိုးကောက်ကိုင်ပြီး တစ်ယောက်တစ်ဖက်စီ ကြိုးစွန်းကိုကိုင်လျက်အိမ်ပေါက်ဝမှာမတ်တပ်ရပ်နေကြလျက်သား။
ပွဲပြီးသွားပြီမို့ အမေနဲ့အဖေက ညဉ့်ခေါင်တို့ကို ဆုံးမစကားတွေပြောကာ အိမ်ပြန်သွားကြသည်။အဒေါ်စကားကတော့ နဂိုထဲကနားမဝင်သည့်အပြင် နှစ်ဦးသားစကားပြောတိုင်းဘုနဲ့ဘောက်ဖြစ်နေသည်မို့ ရွဲ့ပြောလိုက်၊စောင်းပြောလိုက်နဲ့ နှစ်ဦးသားစကားပြောခြင်းမှာ စကားကောင်းတစ်ခွန်းမှမရှိခဲ့။
"အောင်မာ! ဖယ်! ဖယ်! မင်းတို့ဒီနေ့ညသေအောင်မျိုထားတာမလား! ဘာမှပေးစရာမရှိဘူး!! လစ်!!!"
အပေါက်ဝမှာရပ်နေသော မိုးစွေတို့ ကောင်းကောင်းတို့ကို အိမ်ပေါက်ဝကနေအတင်းလက်တွေနဲ့တွန်းဖယ်နေရသော်လည်း အမူးသမားလေးကောင်နဲ့ ဘေးကစုစုက နည်းနည်းလေးတောင်မှနေရာမရွေ့။အမူးသမားတွေက ဒါမျိုးကျသန်တယ်။ညဉ့်ခေါင်နဲ့သူငယ်ချင်းတွေကိုဖြစ်ပျက်နေကြပုံကိုကြည့်၍ဘေးကငယ်ကတော့ ရယ်နေလိုက်သည်မှာ မျက်ရည်များပင်လည်လို့။
"ညဉ့်ခေါင် မင်းနေ့လယ်က ပြင်ထားပြီးသားမလား ပေးလိုက်ပါ"
ငယ်ကညဉ့်ခေါင်လက်ကိုခပ်ဖွဖွကုတ်ကာလေပြေအေးနှင့်ပြောလာသည်။
"ပေးဖို့ပြင်ထားရင်လည်း ပေးပါလား။မင်းရှည်ကိုရှည်တယ်နော် မင်္ဂလာဦးခန်းထဲမဝင်ချင်ဘူးထင်တယ်"
ပြောလာတဲ့ပုံကိုက စောက်ခွက်ဖြတ်ရိုက်ချင်စရာ။မူးပြဲနေတဲ့ အရက်သမားရုပ်က ခပ်ရဲရဲနှင့် ပြီတီတီပြောလာပုံက ညဉ့်ခေါင်ကိုတစ်စက်ကလေးမှမပြုံးစေနိုင်။မိုးစွေ၏ စကားကြီးကြောင့် ငယ့်မှာပါးပြင်လေးတွေ၊နားရွက်တစ်ဝှိုက်နဲ့ လည်ပင်းတွေက ရဲရဲနီလို့။
VOUS LISEZ
"ချစ်သော...."(S2)(married life)(Completed)
Roman d'amourZawgyi ရစ်ပတ်နှောင်တွယ်နှလုံးသားဝယ် ရဲ႕ Season (2)ေလးပါဗ်။ No more Drama မို႔ နည္းနည္းေလးမွ မေလာင္ရေတာ့ပါဘူးေနာ္။ Start date - (7.3.2022)(Tue) End date - (28.1.2023)(Sat) Unicode ရစ်ပတ်နှောင်တွယ်နှလုံးသားဝယ် ရဲ့ Season (2)လေးပါဗျ။ No more Drama မို...
