နေဝင်ချိန် (Complete) Rebirth Uni & Zawgyi

Part 16

Unicode

သူတို့နှစ်ယောက်ရဲ့ဆက်ဆံရေးကကောင်းမလိုလိုနဲ့ဝေးသွားတယ်လို့ ထင်ရိုင်းနောင်ခံစားမိနေတယ်။ ထမင်းအတူစား လုပ်ငန်းအကြောင်းအတူတိုင်ပင်ဆွေးနွေးတုန်းကတောင် ရင်းရင်းနှီးနှီးနဲ့ကောင်းကောင်းမွန်မွန်ပဲ။ ဒါပေမယ့် ပထမဆုံးတွေ့တဲ့အချိန်ကလိုပဲ ရည်ရည်ရုံးကိုလိုက်လာတဲ့နေ့ကလဲစိုင်းဠုယျာနဲ့ရည်ရည်ကိုတွဲမြင်တာနဲ့ သူနာကျင်ရတယ်။ ဘာ့ကြောင့်လဲမသိပေမယ့် အဲ့နေ့တုန်းသူ့နှလုံးကနာကျင်လာတာ စိုင်းဠုယျာကြောင့်လို့ထင်တာကြောင့် စိုင်းဠုယျာကိုထွက်သွားဖို့ပြောလိုက်ရတာ။ သူနဲ့စတွေ့တုန်းကလဲ အဲ့လိုနာကျင်ရတာပဲမလား။ ရည်ရည်ကတော့ ကုမ္ပဏီရဲ့ MD ကိုထွက်သွားခိုင်းလိုက်တာကြောင့်အားနာနေသလို။ စိုင်းဠုယျာလဲ အဲ့နေ့ထဲကစပြီး အလုပ်သဘောအရပဲခေါ်ပြောဆက်ဆံတော့သည်။ သူတို့ဆက်ဆံရေးကပြန်တည်သွားပြန်၏။ ဒီလိုကျတော့လဲ ထင်ရိုင်းနောင်ကမနေတတ်သလိုဖြစ်နေသည်။

ဒေါက်~ဒေါက်~ဒေါက်

တံခါးသုံးချက်ခေါက်သံကြားပြီး ဝင်သာသူကိုထင်ရိုင်းနောင်ကြည့်လိုက်၏။ အခုတော့ ပုံမှန် style pant နဲ့ပဲဖြစ်သည်။ အရင်လိုသူ့ကိုတွေ့ရင်ပြုံးပြတာမရှိတော့ ခပ်တည်တည်ပင်။ ဟိုနေ့ကကိစ္စကိုယ်လွန်သွားလို့လား။ သူလဲတောင်းပန်ချင်ပါသည် ဒါပေမယ့်ဘယ်လိုစကားစရမယ်မှန်းမသိ။ စားပွဲပေါ်သူရှေ့တည့်တည့်ရောက်လာတဲ့ဖိတ်စာ။

"မစံပယ်မတွေ့လို့ တစ်ခါထဲဝင်ပေးလိုက်တာပါ Mahar Construction က dinner ဖိတ်စာ"

‌ဖိတ်စာကိုစားပွဲပေါ်ချပြီး ပြန်လှည့်သွားတဲ့လူကြောင့်

"စိုင်းဠုယျာပါ တက်မှာလား"

အဲ့တော့မှ သူ့ရှေ့ပြန်လှည့်လာတဲ့ စိုင်းဠုယျာ

"တက်မှာပါ Mahar Construction က Jade Group ရဲ့ decorations ပဲသုံးနေကျတာရော ပြီးခဲ့တဲ့နှစ်တွေကလဲ တက်နေကျဆိုတော့"

"ဟုတ်ပြီ ကုမ္ပဏီကပဲ သွားမှာလား"

"မသိသေးဘူး ခင်ဗျ၊ CEO သွားမယ်ဆို PA မစံပယ်ကိုစီစဉ်ခိုင်းလို့ရပါတယ်"

တကယ်ပါအရင်ကလို သူစီစဉ်ပေးရမလား ဘာလားမမေးတော့ စကားကိုလိုတာထက်ပိုမပြော။ တကယ်ဆို ထင်ရိုင်းနောင်တောင်းပန်ချင်နေတာပါ ဘယ်ကစကားစရမှန်းမသိလို့လား ဟိုမေး‌ဒီမေးလုပ်နေတာ။