နေဝင်ချိန် (Complete) Rebirth Uni & Zawgyi

Part 24

Unicode

(Warning !! 18 နှစ်ပြည့်ပြီးမှဖတ်ပါရန်!)

ထင်ရိုင်းနောင်ရဲ့နေ့နေ့ညညပူဆာမှုနဲ့အခုတော့ နှစ်ဖက်မိဘတွေတွေ့ဆုံနေတာဖြစ်သည်။ အန်တီမယ်တော့မပါ ပြန်သွားတာသိပ်မကြာသေးတော့အလုပ်ကိစ္စဖြတ်လို့မရတာကြောင့်ပါ၏။ ဘယ်လိုဖြစ်လို့လက်ထပ်ဖို့ကိစ္စကိုလောနေမှန်းမသိ ဒီတစ်လအတွင်းလုပ်ချင်ပါတယ်ပဲပြောနေသည်။ သူလဲနားချတာနားချလို့မရတဲ့အဆုံး ထင်ရိုင်းနောင်သဘောအတိုင်းသာလိုက်လျောပေးရတော့သည်။

"ကဲအဲ့တာဆို မနက်ပိုင်းမင်္ဂလာဆွမ်းကျွေးလုပ်ပြီး ညဘက် dinner party လုပ်ကြမယ်"

"အဲ့အတိုင်းကောင်းတယ်"

Wedding အတွက်တိုင်ပင်ပြီးတာနဲ့မာမီ့ဆီကို အစီအစဉ်အကြောင်းကြားရသေးသည်။ သူ့ချစ်နေသူ သူ့လက်ထပ်မယ့်သူကစိုင်းဠုယျာ ဆိုတာဒယ်ဒီ့ကိုပြောပြပြီးထဲက မာမီလဲသိပြီးနေပြီဖြစ်သည်။ ထွေထွေထူးထူးတော့မပြောပေမယ့် စိုင်းဠုယျာလေးဆိုတော့ တော်သေးတာပေါ့ဟုပြော၏။ ဠုယျာကတကယ်ယောက္ခမတွေရဲ့အချစ်ခံလေး။ မာမီဆိုယူပြီးရင် ကွန်ဒိုမှာမနေနဲ့ဟုဆိုကာ ခြံရောအိမ်ရောဝယ်ပေးဖို့လုပ်နေတာဖြစ်သည်။ သို့ပေမယ့် ဠုယျာက ဒယ်ဒီလဲတစ်ယောက်ထဲနေ,နေတာကြောင့် အိမ်မှာပဲနေမယ်ဆိုပြီးမဝယ်ဖို့တားသည်။ သူတို့နှစ်ယောက်လဲအခုတော့ ရုံးမတက်နိုင် မစံပယ်နဲ့ဂျက်ဂျက်က အလုပ်တွေလက်လွှဲလုပ်နေရပြီး သူတို့ဆီကိုညဘက်ဆို မေးလ်ဖြင့် report တင်သည်။ သူတို့နှစ်ယောက်ကတော့ မနက်ဆိုထင်ရိုင်းနောင်ကစိုင်းဠုယျာကိုလာခေါ်ကာ ဝတ်စုံကိစ္စ၊ ဖိတ်စာကိစ္စ တွေပါအကုန်လုပ်နေရတာဖြစ်၏။ သူတို့နဲ့အတူပါ,ပါနေတာက ခင်ဦးယျာဖြစ်သည် ပုဆိုးကိုသူပဲအဆင်ရွေးပေးနေတာဖြစ်ပြီး မိဘတွေအတွက်ဝတ်စုံရောသူမအတွက်ပါ တစ်ခါထဲဝယ်၏။ အရင်ကရောအခုပါ သူတို့ထက်တက်ကြွနေသူလေးပါ ခင်ဦးယျာလေးကတကယ်ကို တထေရာထဲ။

>>>>>>>>>>>

Jade Group ရဲ့ meeting room ထဲမှာအစည်းအဝေးလုပ်နေတာ CEO ရော MD ပါရှိနေ၏။ လက်မှတ်ထိုးစရာတွေနဲ့ဖြတ်ပေးစရာကိစ္စတွေရှိနေတာကြောင့် ရုံးတက်ရင်းအစည်းအဝေးပါဝင်ဖြစ်သွားတာဖြစ်သည်။ Wedding ကို ကုမ္ပဏီလဝန်ထမ်းတွေလဲ သိကုန်ပြီဖြစ်ပြီး သက်ဇော်ကိုတောင်ဖုန်းဆက်ပြီးဖိတ်ပြီးပြီဖြစ်၏။ လူငယ်တွေနဲ့စီးပွားရေးမိတ်ဖက်တွေကိုပဲ dinner ဖိတ်တာဖြစ်သည်။