နေဝင်ချိန် (Complete) Rebirth Uni & Zawgyi

Part 23

Unicode

မကောင်းမှန်းသိသိနဲ့တူညီသောလမ်းကိုဆက်လျှောက်နေမိတဲ့ နုရည်ရည်။ တူညီသောအစီအရင်အတိုင်းအခန်းထဲမှာနေကာ ဘယ်သူမှသတိမထားမိအောင်လုပ်‌နေသည်။ ပြီးခဲ့ဘဝတုန်းက ဒီလိုအစီအရင်ထပ်လုပ်ရင် ထိခိုက်မယ်ဆိုတာမေ့နေတာလား သိသိရဲ့နဲ့ဆက်လုပ်နေတာလား။ နေ့စဉ်လက်ကနေသွေးတွေဖေါက်ထုတ်နေကာ ပါးစပ်မှလဲ တတွတ်တွတ်နဲ့ရေရွတ်နေတာ ဘာတွေရေရွတ်နေလဲ သူမကိုယ်တိုင်ပဲသိလိမ့်မည်။ သူမကိုယ်သူမသတိမထားမိတာလားကောင်းကောင်းအိပ်မပျော်တာတွေ တစ်ခါတစ်လေသွေးအံနေတာတွေရှိနေတာ။ ဘယ်အရာမဆိုတစ်ခုလိုချင်ရင်တစ်ခုပေးဆပ်ရတယ်မလား အခုဖြစ်နေတာတွေက သူမကောင်းကြံနေပေမယ့်ခွင့်လွှတ်ကာမေတ္တာပို့ပေးနေသူရဲ့မေတ္တာစူး,စူးနေပြီလား။ ဒါတွေကိုသတိမထားမိပဲ ‌လမ်းမှားကိုဆက်လျှောက်နေတာ သူမမိဘတွေမောင်နှမတွေကလဲ သတိမထားမိ။ ထင်ရိုင်းနောင်တို့အိမ်မှာကျန်ခဲ့တဲ့ပစ္စည်းတွေပြန်ယူရင်း တစ်လမျိုးနှစ်လမျိုးနေခွင့်ပြုပါတောင်းဆိုလာတော့ သူ့မိဘတွေလဲခွင့်ပြုလိုက်၏။ သူမပြန်သွားပြီး လက်စသတ်စရာတွေရှိသေးတယ်မဟုတ်လား။ တူညီတဲ့လုပ်ကြံမှုမျိုးကိုဖန်တီးဖို့သူမကိုယ်တိုင်လှုပ်ရှားမည်။ မအောင်မြင်ခဲ့ရင်သူမ,မရတဲ့သူကိုစိုင်းဠုယျာလဲမရစေရ သူမနဲ့အတူဆွဲခေါ်သွားဖို့ပါ စဉ်းစားထား၏။ အရင်ဘဝလဲ ကိုယ့်ဘက်ကစခဲ့တာကိုအငြင်းခံရ အခုလဲအငြင်းခံရတာ သူမကိုဒေါသပိုထွက်စေသည်။ စိုင်းဠုယျာကဘာကြောင့် သူမထက်နောင့်ကိုအမြဲလိုလိုပိုင်ဆိုင်နေရတာလဲ။ အခန်းထဲမှာ လက်သည်းတွေဖဲ့ကိုက်ရင်း နှာခေါင်းကနေသွေးတွေစီးကျလာတာကိုသတိမမူမိ။ ပြန်ရင်လဲ နောင်တို့အိမ်မှာတည်းဖို့ သူမမေမေကိုပြောခိုင်းတာကြောင့် မေမေကပြောပေး၏။ နောင့်ဖေဖေဦးကျော်ဝင်ကတော့ ရပါတယ် နေလို့ရပါတယ်ဟုပြောသည်။ ဒါကလဲအန်တီမယ်ကြောင့်လဲပါ၏ အန်တီမယ်ကသူမကိုအားနာကာ ပြောပေးတာကြောင့် နေခွင့်ရတာဖြစ်သည်။ အခုချက်ချင်းလဲသွားဖြစ်မှာမဟုတ်သေး သူမကိုစိတ်ပြေလက်ပျောက်ဖြစ်အောင်ဆိုပြီး မာမီတို့က လရှည်ခရီးတစ်ခုစီစဉ်ပေးထားပြီး မောင်နှမတွေအကုန်သွားကြမှာဖြစ်သည်။ ခရီးကပြန်လာရင်တော့ သူမအစီအစဉ်ကိုအကောင်အထည်ဖော်တော့မှာဖြစ်သည်။